Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timotì 3:2 - Ikan feg

2 Bəd biri se kɔ̀ŋɔ̀ məyi ìtɔb nyàmnyɔd bə̀ kɔ̀ŋɔ̀ ikab. Bəd biri se kɔ̀mɔ̀ igo, nɔ̀ nyɔd bə̀ zɔ̀mbɔ̀ bəd. Bɔn biri se ghìyə̀ tìzughə̀ abə ìmbɔb mə̀mbaʼ. Chəyi bəd biri ya bḛ inug chɔm ne bəd mbe fàʼà inɔb. Chəyi bəd biri ya bə̀ ghìyə̀ inug ne zḛ imbìghè abə Ŋwiye.

အခန်းကိုကြည့်ပါ။ ကော်ပီ

Meta’

2 Bə̂d bɨrɨ sɨə ghaʼ àmei ə ɨnyod, sɨə ghaʼ àmei ɨkab, sɨə nɔ ɨnyod, sɨə seenɨə, sɨə zɔ̀m ə bə̂d bə̀ sɨə ghɨ̀ rɨ̀zuə̀ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. Chəi mbɨ bɨrɨ naʼ məben-əwe ɨmbə̀ʼ ɨnû mbe nɨ mbɨ ghɨ ənɨ mɨ̀mə̌d. Chəi mbɨ bɨrɨ ben ənû ə Ŋwiə̀.

အခန်းကိုကြည့်ပါ။ ကော်ပီ




2 Timotì 3:2
43 ပူးပေါင်းရင်းမြစ်များ  

Ane, chəyi aton ne tì wì ywirì ghùmni ìwi mbaʼ tì ìwi ngɔb. Àzo̰ ze chwìye icheg ne mbə̰ mbe kə̀nə̀ Ìngam Ŋwiye məyi ni nɔ̀ŋì ìmbən mə̀nɔ̀ʼɔ̀ aben.


Wì ya si ghà abə inɔ̰ bəd we gha, “Mbə̀ pata awən bə̀ we awən imbə̀ʼ anug ni ghə̀ʼrì ighi. Chəyi wə̀d we kweʼè chùghə izɔm imbə̀ʼ icheg ne wì beri ighi nɔʼ nɔʼ.”


Mə̀farìsi ya kɔ̀ŋ ikab ako. Mbɔb ya zug inug mbo̰ se zḭ̀ʼḛ̀ Yeso.


Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.


À ya yaʼ ane anyumə̀ mɔ̀ʼɔ, mbaŋà ze ne mbi yaya kàrà ane Tìyodàs ya nɔ̀ʼ gha zìye ya mbaŋà ìzin. Bəd ne ya beni abɔ̀ʼ məd ya yaʼ icheg aki akwè. Si ya gha, anyumə̀ ne mbi ya zweti aməd, bəd mbe məjìm ya sàkà. Anug məd ze ya nim.


Imbə̀ʼ mbə̰ nyete awən bəd mbe ne mbi ya sɔbi awɔb chì icheg fìtab. Aton ne mbə̰ nɔ̀rɔ̀ nyɔd àkə gha? Mbə̀ kyeri gha mbə̰ ya icheg tìtab. Kayi mbə̰ mbe nyìme ighaŋ azed. À ya ighaŋ azed mbe nyìme awən.


Wì ya ku igun atog abə bəd məjìm. Wì ya ku ni gha imbə̀ʼ bəd mbe ne yaʼi izɔm ywiri chùghi awɔb ane ìwɔb ighəm. Mbe si chùghi yaʼ imbə̀ʼ aməd we ne ya ku Ŋwiye zwèmni.


Bəd ndəŋ məjìm ya zìyè atog yaʼ igun ìmbɔb inug kayi igun anug ne Yeso Kristo kə̀bi.


Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.


Wə̀d inug izəg we biri chɔʼri inug imbə̀ʼ Ŋwiye bə̀ nɔ̀ ìwi nyɔd igun ighi ijìm mbe ne bəd mbe ghùmnə Ŋwiye angu. Wì biri bə nyi chùghi inga mbàn Ŋwiye se ghà gha zìye ya Ŋwiye.


Bəd mɔ̀ʼɔ abɔ̀ʼ inɔb ya Hemenùs tì Àlèzandà. Mə fə sàŋì awɔb ikye abo abə Sàtàn gha wì chwi inɔb gha chəyi ze bɔŋi ni ghàm inug tibɔ̀ŋ imbə̀ʼ Ŋwiye.


Tè bə̀ kyèri gha chəyi mə̀nɔ̀ʼɔ̀ ya yaʼi abə bəd mbe ne təmi kòʼ. Mbi ya yaʼ abə bəd mbe ne gùghə̀ mə̀nɔ̀ʼɔ̀, bəd ne ghìyə̀ tìzughə̀, bəd ne chəyi mbe ghùmnə Ŋwiye, bəd ne ghìyə̀ inug tibɔ̀ŋ, bəd ne chəyi mbi zḛ, fɔrɔ abə bəd ne chəyi awɔb ane anug Ŋwiye. Mə̀nɔ̀ʼɔ̀ ya abə bəd ne zwète ìmbɔb mə̀mbaʼ fɔrɔ ìmbɔb mbì ngɔb, fɔrɔ abə bəd mbe ne zwète bəd.


Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.


À ya ane imbə̀ʼ icheg ne anug ni taŋ kɔ̀ŋ ikab ya aghi ne ghìyə̀ bəd fàʼà tiku inug tibɔ̀ŋ ijìm. À ya anug ni noto abɔ̀ʼ ikab ze ghìyə̀ gha bəd nɔʼ nɔʼ waʼ ìwɔb ibḛfiŋ, se zə̰ aku ngəʼ ndan ndàn ne zìyè ibəʼ inɔb inga fìŋ.


tengàŋ ya wə̀d ne nɔ̀ nyɔd ne chəyi wì kyèri anug mɔ̀ʼɔ. Tengàŋ bèrì fìŋ tibɔ̀ŋ. Fìŋ tibɔ̀ŋ ze ya ghìyə̀ gha wì ya chɔ̀bɔ bə̀ tàŋa aton ane tìngam ako mɔ̀ʼɔ. Achɔb tì inug mbe ne mbɔb mbe tàŋà ya yèʼe tì àdeg fɔrɔ àzɔ̀ŋì, bə̀ yèʼe tì anug ni ghàm inug tibɔ̀ŋ igun bəd ndəŋ fɔrɔ anug ni ya kɔ̀ndɔ inug tibɔ̀ŋ imbə̀ʼ bəd ndəŋ.


Bəd biri ya fḛ mə̀mbin. Bəd biri ya kɔ̀ŋɔ̀ anug ni nèʼre ane agaŋ. Bəd biri ya nɔ̀ nyɔd. Bəd biri ya kɔ̀ŋɔ̀ anug ni tə̀d chè anug ni kɔ̀ŋ Ŋwiye.


Mbə̰ biri ya fàʼà yaʼ anug ne koʼi anyumə̀ ne mbə taŋ nɔ̀ŋì nɔ̀ʼɔ̀ we ne Ifɔn we ne nɔ̀ŋɔ̀ isəg ya gha mbi ŋwàʼrì inga Àŋwàʼrì Ŋwiye. Nɔ̀ʼɔ̀ we ya gha, “Àghò kɔŋɔ wə̀d ne yaʼi iban ine icheg ne àghò kɔŋi ìwe nyɔd.”


Tesiʼ ya gha, mbə̰ mbe kɔ̀mɔ̀ igo bə̀ nɔ̀ nyɔd. Chəyi anug ni kɔ̀m igo kə̀ ni nɔ̀ nyɔd ze bɔŋi.


Si ya gha, Ŋwiye ghì ìchɔ̀mì ina ni gha tì təm kà chè inug tibɔ̀ŋ. A ze inga Àŋwàʼrì Ŋwiye gha: “Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.”


Ngwàʼ bɔd, mbə̀ ya zùgrə bəd kyen. Mbə̀ swi ìwən nyɔd aseg, fàʼ tì məfi mbin. A ze inga Àŋwàʼrì Ŋwiye gha: Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.


Ze biri taŋ yaʼ anìŋ abə bəd mbe ne ghìyə̀ inug icheg ne ìtɔb nyàmnyɔd te ghə̀ʼrə̀ bə̀ wèghè ika Ŋwiye. Bəd mbo̰ ne chwìte inug ako ya bèrè fìŋ ka ka bə̀ dùwə̀ ichug. Chəyi mbɔb mbe bɔ ni ghàm inug tibɔ̀ŋ imbə̀ʼ izwighi mbe ne yaʼi ikaŋ àbɔ̀ŋɔ.


Bəd mbo̰ ya ghàmà chàpà inug ne chəyi mbɔb kyeri. Mbɔb ya icheg nyam ne chəyi iwe, ne fàʼà məyi inug ne kɔ̀ʼɔ inɔb inga fìŋ. Mbɔb ya icheg nyam ne kweghe məyi ni gha bəd ghum gwì awɔb zwèti. Bəd mbo̰ biri bə ghum ku nim icheg nyam.


Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.


Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.


Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.


Mə ya ywìrì bàd iku nyam kyen mɔ̀ʼɔ ne ya du inga igyi tìbà. Zì ya bèrì ndɔŋ ìghum bə̀ bèrì itog ìsàmbe. Ndɔŋ te ìghum ya bèrì ighi atog ifɔn igun, ndɔŋ tì àzi ndɔŋ tì àzi. Itog mbe ìsàmbe ya bə̀ bèrì tikum ne chàpà Ŋwiye ne mbi ŋwàʼri igun, atog tì ìwi atog tì ìwi.


Ane, mbi ya zɔ̀mbì Ŋwiye we ne yaʼi ikaŋ àbɔ̀ŋɔ imbə̀ʼ icheg ne mbi yaya zə̰ ngəʼ bə̀ fɔrɔ imbə̀ʼ ìfìʼì mbe ne ya yaʼi igun inɔb. Si ya gha, chəyi mbi ya bə kiri bəŋi ìtɔb fìŋ chì ane inug tibɔ̀ŋ mbe ne mbi yaya ghìyə̀.


Awḛ kyen ne akəmi amɔʼ ya nìrè icheg mə̀kirè ìghum ita̰ ya nɔ̀ʼ ikaŋ fèndi igun bəd. Anyumə̀ ne awḛ we ya fendi ane, mbi ya zɔ̀mbì Ŋwiye imbə̀ʼ ngəʼ ze ne awḛ we ya zi igun bəd imbə̀ʼ icheg ne ngəʼ ze ya chè ibo.


Azuʼ ka ka ze ya tɔ̀n bəd mbe. Ane, mbi ya zɔ̀mbì ikum Ŋwiye we ne beri ika igun ngəʼ ka ka te. Si ya gha, chəyi mbi ya bə̀ŋi ìtɔb fìŋ ni se ghùmnə Ŋwiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ