2 Timotì 2:9 - Ikan feg

⁹ À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

Meta’

⁹ À yɨ ɨmbə̀ʼ ɨkə̂n chɔ̀m wɔ̂ nɨ mɨə zəə ŋgəʼ pè ənɨ mbɨ fə kod əmɨ ənɨ mɨ̀kàrə̀ mbɔ̂ ɨghabɨ ni mə fə gù ɨkə. Ɨ mbe tɨ̀ mbɨ kod əmɨ, àyɨə chəi ənɨ tɨ̀ mbɨ kod ɨŋgam Ŋwiə̀ ənɨ mɨ̀kàrə̀.

2 Timotì 2:9 ပူးပေါင်းရင်းမြစ်များ

Lk 23:32

Mbi ya bə̀ niŋ mbaŋà mɔ̀ʼɔ tìbe ni ya gùg anug mɔ̀ʼɔ ni ghò zweti awɔb abɔ̀ʼ Yeso.

Ɨ̀fàʼì 21:33

Wə̀d kyen mə̀sogyì we ya swiʼi ghò gwì Pɔl, si ghà gha, mbe kɔd aməd ane mə̀chen məbe. Wì ya ghà ane, si bìri abə inɔ̰ bəd we gha, “Wə̀d gho̰ kə we? Wì kə gùg anug iye?”

Ɨ̀fàʼì 28:31

Wì yaya ghàmà imbə̀ʼ anug ìfɔ̀n Ŋwiye, bə̀ chwìte inug imbə̀ʼ Anɔŋisəg Yeso Kristo asaŋ asaŋ ne chəyi we bɔ. Chəyi wə̀d mɔ̀ʼɔ ne ya gha ibo gha imbə̀ʼ wì ghàmà yi.

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Fìlipì 1:17

Chəyi bəd mbe ne ghìyə̀ àdeg mbe ghàmà ikən chɔm imbə̀ʼ Kristo ane fìŋ ne zḛ. Mbɔb ya kə̀bə̀ məyi icheg ni ghì gha bəd bene abɔ̀ʼ inɔb. Mbɔb ya ghìyə̀ ane nè kɔ̀ndɔ gha, inug mbe ne mbɔb mbe ghìyə̀ biri yètì ngəʼ igun inum inga nəb ndəŋ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Kòlosè 4:18

À ya mo Pɔl ŋwàʼri ichaʼri gho̰ kwàʼ ane àmə abo. Mbə̀ wendi gha mo we inga nəb ndəŋ. Ŋwiye ghiyə ìchɔ̀mì inən.

Kòlosè 4:3

Mbə̀ bə chàʼra Ŋwiye ina gha wì fiʼe inɔnjì ina tì chete ìwa ikən chɔm we ne ya yaʼi inə̀mbi imbə̀ʼ Kristo. À ya anjìm ikən we ne mə̀ yaʼi inga nəb ndəŋ .

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.

2 Tès 3:1

Ìmbum məfi fɔrɔ ìtum njàbi, atog anug ne mə̀ biri nwìyḛ̀ ni ghà inən ya gha, mbə̀ chaʼra Ŋwiye ina gha wì ghiyə tì chete ikən imbə̀ʼ Anɔŋisəg ghò isiŋi isiŋi, bəd zug, bḛ bə̀ ghùmni, kwàʼ icheg ne mbə̰ ya bə zug, bḛ bə̀ ghùmni.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

2 Timotì 1:16

Anɔŋisəg Yeso bere àsɔ̀mnəfiŋ igun bəd mbe ne yaʼi inga nəb ìzi Ònèsìforùs imbə̀ʼ icheg ne məd ya nəri amə. Chəyi məd ya beri tìnìrètog imbə̀ʼ amə icheg ne mə̀ yaʼi inga nəb ndəŋ .

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

2 Timotì 2:3

Icheg sogyì chɔm ne fàʼà abə Yeso Kristo, àghò nyimi fìŋ anyumə̀ ne àghò we chè inga ngəʼ icheg ina.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 2:14

kə̀ mə̀gɔbnà mbe ne ifɔn kyen we chɔʼi chà gha mbe ya chə bəd mbe ne ghìyə̀ inug tibɔ̀ŋ. Mbə̀ bə ghùmni bəd mbe ne ghìyə̀ inug chɔm.

1 Pità 3:16

Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

1 Pità 4:15

Wə̀d mɔ̀ʼɔ abɔ̀ʼ inən mə̀ ya zə̰ ngəʼ imbə̀ʼ ze yaʼ yi gha à ya imbə̀ʼ icheg ne wì zwèti wə̀d, kə̀ wì ji kə̀ imbə̀ʼ ikuchèg tìbɔŋ ndəŋ mɔ̀ʼɔ kə̀ imbə̀ʼ icheg ne wì zi ìwi ichug inga inug bəd.