2 Timotì 2:2 - Ikan feg

² Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

Meta’

² Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

2 Timotì 2:2 ပူးပေါင်းရင်းမြစ်များ

Matìyò 13:52

Wì ya si ghà inɔb gha, “Icheg ne ze yaʼi anìŋ, àchwitì mə̀nɔ̀ʼɔ̀ ne bə̀ŋə ane àmə̀nənùg inga anug ìfɔ̀n ikaŋ ya icheg wə̀d ne nyi inga ìzi ngən, chì ighi anun ijìm tì ighi feg ijìm chà isəg.”

Matìyò 24:25

Mbə̀ nḛ, mə fə ghà inug mbo̰ inən bɔŋ mbi se dùwə̀.

Lk 12:42

Anɔŋisəg ya ywìtì ibo gha, “Wə̀d àfàʼì ne fàʼà ane ìzi fìŋ ijìm bə̀ bèrì iwe, à ya məd ne mbaʼ àfàʼì biri nɔ̀ŋì aməd ane atog wə̀d igun bəd àfàʼì mbin ni gha wì se nàʼà tijəg inɔb igun nyumə̀.

1 Kɔrèn 4:2

Anug ne mbe kə̀bə̀ abə bəd mbe ne mbi zi àfàʼì inɔb ikye abo ya gha mbe ya fàʼà icheg chɔm ane ìzɔb fìŋ ijìm.

2 Kɔrèn 2:14

Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

2 Kɔrèn 3:5

Chəyi tì koʼi ni se gha, ika ni fàʼ inug mbo̰ nɔ̀ʼ ina. À ya Ŋwiye nàʼi ika we ina.

Kòlosè 1:7

Mbə̰ ya zug anug imbə̀ʼ ìchɔ̀mì Ŋwiye abə Epafràs. Məd ya wə̀d àfàʼì icheg ina. Tè kɔ̀ŋ aməd. Məd ya fàʼà abə Kristo atog ina tì ìzi fìŋ ijìm.

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.

1 Timotì 1:18

Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 4:6

Àghò mə chwìti inug mbo̰ abə bəd Ŋwiye, àghò biri yaʼ wə̀d àfàʼì chɔ̀m ne fàʼà abə Yeso Kristo. Àghò biri yaʼ wə̀d àfàʼì ne təmi kà inga tesiʼ ane anug Ŋwiye fɔrɔ inga inug chɔm mbe ne mbi ya chwiti ine.

1 Timotì 5:22

Imbə̀ʼ àghò kə nyə̀ngə awe ni nɔ̀ŋì ìmbe ibo igun bəd ni zɔʼ awɔb ane bəd ne chà ifeti bəd Kristo. Imbə̀ʼ àghò ziye awe abo inga inug tibɔ̀ŋ bəd ndəŋ. Nɔŋɔ ìwe nyɔd gha we chughi inga ìzḛzḛ.

1 Timotì 6:12

Àghò taŋ zɔ̀ŋ icheg chɔm ni tàŋì ibḛfiŋ we ne àghò nɔŋi igun Kristo imbə̀ʼ jəg ìtḛ̀ ighə̀m imɔʼ. Ŋwiye ya kàrì awe gha àghò jəg ìtḛ̀ we anyumə̀ ne àghò ya gha imbìghè abə bəd nɔʼ nɔʼ gha àghò bḛ Kristo.

2 Timotì 3:10

Timotì, Àghò kyèri inug ijìm ne mə̀ yaya chwìte abə bəd, bə̀ kyèri icheg ne mə̀ yaya chùghə. Àghò kyèri atog anug ne mə̀ ya nɔŋi ìmə ìtḛ̀ igun, fɔrɔ icheg ne mə̀ ya nɔŋi ìmə ibḛfiŋ inga Yeso. Àghò kyèri icheg ne mə̀ ya beri inyimbifiŋ, bə̀ kyèri icheg ne mə̀ yaya kɔ̀ŋɔ̀ bəd. Àghò bə̀ kyèri icheg ne mə̀ yaya nyìʼè fìŋ inga nyùmə̀ ngəʼ.

2 Timotì 3:14

Àsi awe, àghò che imbìghè ni nɔ̀ŋì inug mbe ne àghò nàni bə̀ bàd gha à ya kwàʼ tesiʼ. Taŋ nyìmi inug mbe imbə̀ʼ icheg ne àghò taŋ kyèri wə̀d ne ya chwi inug mbe ine.

Mə̀Hibrù 2:17

À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.