2 Tès 3:8 - Ikan feg

⁸ Chəyi tì yaya jə̀ghə tijəg wə̀d mɔ̀ʼɔ witì nàʼ ikab. Tì yaya kìrə ika fàʼà tisi fɔrɔ tizimi ni ghì gha imbə̀ʼ tì nɔ̀ʼ zì yaʼ mbèʼ wən igun wə̀d mɔ̀ʼɔ abɔ̀ʼ inən.

Meta’

⁸ Chəi tɨ̀ nyaʼa jɨg tɨjɨg wə̀d mɔʼɔ nɨ chəi tɨ̀ nyaʼa chwɨ. Tɨ̀ wɨə nyaʼə fàʼə̀ kwàʼ rɨkǎ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən.

2 Tès 3:8 ပူးပေါင်းရင်းမြစ်များ

Matìyò 6:11

Naʼa ighijəg ne koʼi ina tèchɔ̀ŋ.

Ɨ̀fàʼì 18:3

Àzɔb atog àfàʼì yaya ni tangi gɔb bə̀ kɔd izuŋ. Pɔl ya pè chùghi tì inɔb imbə̀ʼ icheg ne wì ya bə̀ kyèri icheg tangi gɔb bə̀ kɔd izuŋ. Ane, wì yaya se fàʼà tì inɔb.

Ɨ̀fàʼì 20:34

Mbə̰ kyèri àzən aghi gha mə ya fàʼ kwàʼ ane ìmbum ibo ni nèg ìmə nyɔd bə̀ nèg bəd mbe ne yaya yḛ̀ tì inum.

1 Kɔrèn 4:12

Tì ya zìyè atog fàʼà ane ìmba ibo. Anyumə̀ ne bəd zɔmbi awa, tì ya chàʼrà Ŋwiye zìyè àbɔrɔ̀bɔd igun inɔb. Anyumə̀ ne bəd mbe chɔ̀ʼɔ ìmba ibɔʼì ighog, tì ya nyìʼè.

1 Kɔrèn 9:4

Àkə kayi àza ati ni gha mbə̀ naʼa tijəg fɔrɔ mənoʼ ina?

2 Kɔrèn 11:27

Mə faʼ ìfàʼì ka ka. Mə neg ikyeʼi aghəm nɔʼ nɔʼ. Mə chùghi njèg. Mə dèg adɔʼ mənib aghəm nɔʼ nɔʼ. Mə chùghi aghəm nɔʼ nɔʼ ne chəyi taŋ ighijəg. Mə bə̀ chùghi inga ifə ne chəyi ndwi ni kəndi nyɔd.

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

Efesùs 4:28

Wə̀d ne jìye, imbə̀ʼ wì ywiri jiye yi. Wì se fàʼà kwàʼ ane ìmbi ibo imbə̀ʼ bèrì ighi ne tì wì nàʼ mbi mɔ̀ʼɔ abə bəd ne chəyi àzɔb.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Tèsàlonikà 4:11

Mbə̀ kirə ika ni ghì inug ijìm imbə̀ʼ chughi ane àbɔrɔ̀bɔd. Imbə̀ʼ mbə̰ si ya zìyè awən ìwən ichug inga inug bəd ndəŋ. Wə̀d ziye atog yaʼ ane àzi àfàʼì bə̀ fàʼ ane ìmbi ibo icheg ne tì ya gha inən.

2 Tès 3:12

Tì ya anìŋ ghàmà pàta tiku bəd te ane ikum Anɔŋisəg Yeso Kristo gha, mbe chughi asiŋi afibì, fàʼ yaʼ aghi ne mbɔb biri jəg bə̀ nèg ìwɔb nyɔd angu.