2 Tès 3:1 - Ikan feg

¹ Ìmbum məfi fɔrɔ ìtum njàbi, atog anug ne mə̀ biri nwìyḛ̀ ni ghà inən ya gha, mbə̀ chaʼra Ŋwiye ina gha wì ghiyə tì chete ikən imbə̀ʼ Anɔŋisəg ghò isiŋi isiŋi, bəd zug, bḛ bə̀ ghùmni, kwàʼ icheg ne mbə̰ ya bə zug, bḛ bə̀ ghùmni.

Meta’

¹ Mba bɔŋgɔb, ɨ wo ɨmbì, mbə̀ kɔŋgɨ ə Ŋwiə̀ ɨgwɨ na ni ɨkə̂n chɔ̀m ɨmbə̀ʼ Ə̀nùŋɨ̀sɨg zambɨ kɨə jàŋə̀ wo ɨmbì, bə̂d zu benɨ bə̀ wumnɨ, àmei ɨchî nɨ mbə̀ nyaʼa zu benɨ bə̀ wumnɨ.

2 Tès 3:1 ပူးပေါင်းရင်းမြစ်များ

Matìyò 9:38

Mbə̀ chaʼra Ŋwiye gha Wə̀d ne beri mben wè cha bəd àfàʼì inga ìzi mben, mbe niŋ ighi məd.”

Lk 10:2

Wì ya ghà inɔb gha, “Ighi ni niŋ a mben mbe nɔ̀ʼ, si ya gha, bəd àfàʼì kə. Mbə̀ chaʼra Ŋwiye, ghà abə Anɔŋisəg ni beri mben gha, wè cha bəd àfàʼì ni biri niŋ ighi a mben məd.

Ɨ̀fàʼì 12:24

Bəd Kristo ya chè imbìghè ni chètì Ìngam Ŋwiye. Bəd nɔʼ nɔʼ ya zug bə̀ bḛ.

Ɨ̀fàʼì 19:20

Anug azo̰ ya ghì ìngam Anɔŋisəg chè imbìghè ghò agha sà, bə̀ ghì inun bəd ne bḛ Yeso taŋ yètè.

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Rm 15:30

Ìmbum məfi fɔrɔ ìtum njàbi, mə̀ ya bòʼo ibo inən ane ikum ìwa Anɔŋisəg Yeso Kristo fɔrɔ anjìm àkɔ̀ŋì ze ne Azwighi Ŋwiye ghi tì beri gha mbə̀ fɔti ichug abɔ̀ʼ inum taŋ chàʼra Ŋwiye inum.

1 Kɔrèn 16:9

Mə biri chughi angu ane imbə̀ʼ icheg ne Ŋwiye fə fìʼì apan chɔm inum ni fàʼ àfàʼì kyen kyen angu. Ŋwiye fìʼì ane, si ya gha, chəyi bəd nɔʼ nɔʼ kə̀bi gha mə faʼa àfàʼì ze.

2 Kɔrèn 1:11

Wì biri chì awa icheg ne mbə ya chàʼrà Ŋwiye ina. Àze biri ghì gha bəd nɔʼ nɔʼ biri fɔti ichug ni chàʼra Ŋwiye ina. Ane, Bəd ndan ndàn biri se nàʼà məyakà abə Ŋwiye icheg ne wì zughi ìwɔb ichaʼri, ghì tì chùghi ane àbɔrɔ̀bɔd.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Kòlosè 4:3

Mbə̀ bə chàʼra Ŋwiye ina gha wì fiʼe inɔnjì ina tì chete ìwa ikən chɔm we ne ya yaʼi inə̀mbi imbə̀ʼ Kristo. À ya anjìm ikən we ne mə̀ yaʼi inga nəb ndəŋ .

1 Tèsàlonikà 1:5

Kayi məyi ane ìngam ichug ne tì ya chèti ikən chɔm inən. Tì ya chètì fɔrɔ ane ika ne Azwighi Ŋwiye ya naʼi ina. Tì ya bə̀ chwi gha ikən chɔm gho̰ ya tesiʼ. Mbə bə̀ kyèri awən ikuchèg ne tì yaya chùghə tì inən ni wètì awən.

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.

1 Tèsàlonikà 2:1

Ìmba məfi fɔrɔ ìta njàbi, mbə̰ fə kyeri àzən aghi gha, kayi àfàʼì ako ne tì ya yeʼe mùg awən.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

1 Tèsàlonikà 5:17

Mbə̀ ya chàʼrà Ŋwiye mà nyumə̀ ijìm.

1 Tèsàlonikà 5:25

Ìmba məfi fɔrɔ ìta njàbi, mbə̀ ya chàʼrà Ŋwiye ina.

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.