2 Tès 1:8 - Ikan feg

⁸ Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

Meta’

⁸ Wɨ̀ bɨrɨ swiʼi mbɨ ɨwid nɨə berɨə, pè zɨ̀ ŋgəʼ ɨgun ə bə̂d mbe nɨ chəi mbɨ kyerɨ ə Ŋwiə̀, zɨ̀ ɨgun mbe nɨ ton nɨ wumnɨ əməd bə̀ zɨ̀ ɨgun mbe nɨ chəi mbɨə ghɨ̀ ɨnû mbe nɨ yeʼ ɨŋga ɨkə̂n chɔ̀m a Ə̀nùŋɨ̀sɨg Yeso.

2 Tès 1:8 ပူးပေါင်းရင်းမြစ်များ

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Jn 3:19

Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Rm 1:28

Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 10:16

Si ya gha, chəyi məIzre məjìm mbe bḛ ikən chɔm we. Wə̀dkə̀n Ŋwiye Àzayà ya gha, “Anɔŋisəg, àkə we bḛ ikən chɔm we ne te ghà?”

Rm 15:18

Chəyi mə̀ beri ni kɔ̀m igo imbə̀ʼ anug mɔ̀ʼɔ ndəŋ, chèyi ane anug ne Kristo che inga inum ghàm abə bəd bə̀ fàʼ bəd bàd ni ghì gha bəd mbe ne kayi mə̀Ju mbe bə̀ŋi fìŋ si yaʼ bəd Ŋwiye.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 6:16

Chəyi àghò kyèri gha wə̀d ne àghò də̀bi ni yaʼ ifeg ibo bə̀ zùgri aməd, àghò ya kwàʼ ifeg abə ìwe Mbaʼ we ne àghò we zùgrə aməd? À ya ane, kə̀ àkə ni yaʼ ifeg abə inug tibɔ̀ŋ, ghì inug tibɔ̀ŋ ne zwète wə̀d, kə̀ àkə ni yaʼ ifeg abə Ŋwiye, zùgrə aməd, ghì inug ne təmi kòʼ ibo imbìghè.

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

2 Kɔrèn 10:5

Tì ya nìŋə ighi ibid mbe ni nimni inug mbe ne bəd mbe tàŋà inug imbə̀ʼ mbiwən bə̀ nimni inug ijìm mbe ne kə̰ gha imbə̀ʼ bəd si nɔ̀ʼ kyèri Ŋwiye. Tì ya bə̀ nìŋə ighi ibid mbe ni kɔd tikɔndi tijìm te ne bəd beri, si ghì gha te zugri Kristo.

Gàlesìyà 3:1

Mə ya anìŋ ghà inən gha, mbə̰ məGàlesìyà ya kwàʼ inen. Wə̀d ne nùʼi awən àkə we? Mbi ya tòʼrì inən ze dù zen gha Yeso Kristo ya mbi ya kɔ̀mbi igun azed abaʼri!

Gàlesìyà 4:8

Mbə̀ wendi gha, a mbègtog ne chəyi mbə̀ ya kiri kyeri Ŋwiye, mbə̰ ya yaʼ ìbòʼì abə mə̀ŋwiye ne kayi bè ighi mɔ̀ʼɔ.

1 Tèsàlonikà 4:5

Imbə̀ʼ wə̀d mɔ̀ʼɔ abɔ̀ʼ inən si ghə̀ʼrə̀ yi anug ni nɔ̀kì mə̀yi kə̀ nɔ̀kì mbaŋà icheg ne bəd ne chəyi mbi kyeri Ŋwiye mbe ghìyə̀.

Mə̀Hibrù 10:27

Anug ne si bùʼ ya gha, tì biri se ghɔ̀mɔ̀ bə̀ bɔ aneg ze ne Ŋwiye biri saʼ ìmbi bəd ìpàb, tɔ̀n awɔb inga iywid.

Mə̀Hibrù 10:30

Tè kyèri wə̀d we ne ya gha gha, “À ya mo we ywìtè ìpàb. Mə biri ywìtì.” À ya məd bə ywìrì gha, “Anɔŋisəg biri sɔb isaʼi igun ìmbi bəd.”

Mə̀Hibrù 11:8

À ya ibḛfiŋ ya ghì gha Abràham zugri Ŋwiye anyumə̀ ne Ŋwiye ya kàri aməd gha wì duwə inga àzi aben ghò ane asiŋi ne Ŋwiye biri nàʼ ibo. Ka chəyi Abràham ya kyeri asiŋi ze ne wì yaya ghò angu, wì ya dù ibo aben ghò.

Mə̀Hibrù 12:29

Aton ya gha, “Ìwa Ŋwiye ya icheg iywid ne tì wi tɔ̀n ighi chìkì.”

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

1 Pità 3:6

Mbə̀ yaʼ icheg Sèra, iweg Abràham. Sèra yaya zùgrə ìwi inɔm, se kàrà aməd ane Masà. Mbə̰ mə̀ ghì inug ne koʼi ane icheg ne chəyi mbə̰ mbe bɔ aghi mɔ̀ʼɔ, mbə̰ biri yaʼ bɔn ìmbi Sèra.

1 Pità 4:17

Nyùmə̀ kòʼ ne Ŋwiye biri ko ni saʼ bəd. Wì biri ko ni saʼ bəd igun bəd ne yaʼi inga inəbi bəd Ŋwiye. Ŋwiye kə mə ko ni saʼ bəd igun ina, mbə̀ si kɔ̀ndi gha ìnwḭ bəd mbe ne chəyi mbe zùgrə ikən chɔm ne Ŋwiye gha kə ghùm si yaʼ iye?

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.

Ɨnû 20:10

Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 6:10

Mbɔb ya biri ane gì ka ka gha, “Atumbisəg, àghò ya Ŋwiye ìzḛzḛ bə̀ Ŋwiye tesiʼ. Agha kə ywìrì sà iye bɔŋ àghò sɔb isaʼi igun bəd igun isəg bə̀ chə awɔb imbə̀ʼ icheg ne mbi ya zweti awa?”