2 Tès 1:3 - Ikan feg

³ Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

Meta’

³ Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

2 Tès 1:3 ပူးပေါင်းရင်းမြစ်များ

Lk 15:32

Aton ne tì beri ni jəg gyèndi ya gha, ìwe ifi gho̰ ya ku, we ywìrì zwème. Wì ya nim, tè ywìrì bàd aməd.›”

Lk 17:5

Bədtɔm Kristo ya ghà abə Anɔŋisəg gha, “Ghi ìwa ibḛfiŋ we ka.”

Jn 15:2

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

1 Kɔrèn 1:4

Mə ya nàʼà məyakà abə Ŋwiye mà nyumə̀ ijìm ane ìchɔ̀mì we ne məd che anjìm Yeso Kristo ghì inən.

2 Kɔrèn 10:15

Chəyi te chè ati se kɔ̀mɔ̀ igo imbə̀ʼ àfàʼì ne bəd ndəŋ faʼi. Ìwa ikɔndi ya gha, icheg ne ìwən ibḛfiŋ igun Ŋwiye we kwèghe, àza àfàʼì ne tì beri ni fàʼ inən biri yètè.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Fìlipì 1:9

Mə ya chàʼrà Ŋwiye inən gha, mbə̀ che imbìghè ni kɔ̀ŋ ìmbən məfi fɔrɔ ìtən njàbi, bə̀ chè imbìghè ni kyeri tesiʼ imbə̀ʼ Ŋwiye. Mə ya bə̀ chàʼrà Ŋwiye inən gha, mbə̀ kyeri inug ne yaʼi inug chɔm bə̀ kyèri inug ne yaʼi inug tibɔ̀ŋ.

1 Tèsàlonikà 3:12

Anɔŋisəg Yeso ghiyə àkɔ̀ŋì ze ne mbə̰ mbe chwiye abə ìmbən məfi bə̀ fɔrɔ abə bəd məjìm ze sweg gwètè icheg ne àza àkɔ̀ŋì inən bə̀ sweg gwètè.

1 Tèsàlonikà 3:6

Timotì chere pè abɔ̀ʼ ina icheg ne wì nɔ̀ʼi abɔ̀ʼ inən. Wè ghà inug chɔm ina imbə̀ʼ ìwən ibḛfiŋ fɔrɔ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi. Wì bə̀ mə̀tì icheg ne mbə̰ mbe kɔ̀ndɔ awa bə̀ wènde ìmba inug chɔm. Wè mə̀ti icheg ne mbə̰ mbe kə̀bə̀ ni bàd awa icheg ne mba mbe bə̀ kə̀bə̀ ni bàd awən.

1 Tèsàlonikà 3:9

Tì we nàʼà məyakà abə Ŋwiye imbə̀ʼ awən. Chəyi tì tì təm imbìghè abə Ŋwiye nàʼ məyakà ne koʼi imbə̀ʼ icheg ne tì we taŋ gyènde imbə̀ʼ awən.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

2 Tès 2:1

Ìmbum məfi fɔrɔ ìtum njàbi, tì kə̀b ni ghàm inən imbə̀ʼ icheg ne Anɔŋisəg Yeso Kristo biri ywiri yeʼe fɔrɔ icheg ne tì biri fete, ghò abɔ̀ʼ məd. Tì we bòʼo ibo inən gha;

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

2 Pità 1:13

Mə kɔ̀ndi gha, à ya anug chɔm gha mə wendi inug mbo̰ inən ne mə̀ kiri biri izɔm.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.