2 Pità 3:9 - Ikan feg

⁹ Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.

Meta’

⁹ Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.

2 Pità 3:9 ပူးပေါင်းရင်းမြစ်များ

Rm 13:11

Àghò mənyìʼ ghì ane imbə̀ʼ icheg ne àghò kyèri gha nyumə̀ fə kòʼ ine ni nɔ̀ʼ angwḛ. À ya ane imbə̀ʼ icheg ne nyumə̀ we ne Ŋwiye biri pumni awa fə tinde. Nyumə̀ we fə tinde amad anìŋ chè icheg ne wì ya yaʼi anyumə̀ ne tì ya kiri bḛ Yeso Kristo bḛ.

Rm 13:12

Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

Rm 2:4

Àghò we wa wèghè inug chɔm nɔʼ nɔʼ mbe ne Ŋwiye we ghìyə̀ ine anjìm fìŋ chɔm məd bə̀ fɔrɔ icheg ne Ŋwiye we nyìmbe fìŋ tì ine, icheg ne wì sàŋi gha àghò be ghìyə̀ inug mbe ne chəyi mbi koʼi? Kə̀ chəyi àghò kyèri gha Ŋwiye ya ghìyə̀ fìŋ chɔm ine, nàʼà apan ine gha àghò bəŋi fìŋ sìkì inug tibɔ̀ŋ?

Rm 9:22

À ya bə̀ ane ne Ŋwiye we fàʼà. Wì ya kə̀b ni chwi àzi agaŋ bə̀ ghì bəd kyeri ika məd. Si ya gha, Ŋwiye ya nyimi fìŋ tì bəd mbe ne yaya ghìyə̀ wì gàŋa, ne ya bəd ne wì ya kòʼi ni nimni.

1 Timotì 1:16

Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

1 Timotì 2:4

Ŋwiye we kə̀bə̀ gha bəd məjìm kyeri tesiʼ pum.

Mə̀Hibrù 10:37

Àŋwàʼrì Ŋwiye gha, Chəyi agha biri sà, “Wə̀d we ne yèʼe biri yeʼe witì chìkì nyumə̀.

1 Pità 3:20

À ya izwighi bəd mbe te aneg, ne yaya ghìyə̀ tìzughə̀ abə Ŋwiye anyumə̀ ne Ŋwiye yaya nyìme fìŋ ghɔ̀mɔ̀ ne Nwa̰ yaya kɔ̀rɔ abaŋ. Bəd mbe ne Ŋwiye ya pumni awɔb ya məyi bəd ìfàmi mbe ne ya nyi inga abaŋ, nəŋ igun mənib.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.

Ɨnû 2:21

Mə ya nàʼ nyùmə̀ ibo gha wì bəŋə ìzi fìŋ ane ifanì inug mbe ne wì ya ghìyə̀. Si ya gha, wì ya ton yi ni bə̀ŋì.