2 Pità 3:7 - Ikan feg

⁷ Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

Meta’

⁷ À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

2 Pità 3:7 ပူးပေါင်းရင်းမြစ်များ

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Matìyò 11:22

Tesiʼ ya gha, igun aneg ze ne Ŋwiye biri sɔb isaʼi igun bəd, wì biri dìgrì igun bəd mbe a Tayì tì bəd mbe a Sidòn chè icheg ne wì biri dìgrì igun inən!

Matìyò 11:24

Mə gha tesiʼ inən gha, igun aneg ze ne Ŋwiye biri sɔb isaʼi igun bəd, wì biri dìgrì igun bəd a Sodòm chè icheg ne wì biri dìgrì igun inən!”

Matìyò 12:36

Mə gha tesiʼ inən gha, Wə̀d ijìm biri mə̀tì aton imbə̀ʼ ìngam ako ijìm ne dùwə̀ ibo ichug ane aneg ze ne Ŋwiye biri sɔb isaʼi.

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Mk 6:11

Asiŋi ne mbə̀ nyi chəyi mbi niŋə awən, kə̀ zug anug ne mbə̰ mbe ghà, mbə̀ kutə agwi ane asiŋi ze chì ane ìmbən ighog, dù awən angu. Àze biri yaʼ aneni inɔb ni chwi gha mbɔb to̰ awɔb Ìngam Ŋwiye.”

Jn 12:48

Bəd mbe ne to̰ awɔb awum bə̀ to̰ awɔb anug ne mə̀ ghà, wə̀d ne biri saʼ awɔb we angu. À ya ìngam we ne mə gha, biri saʼ awɔb ane aneg ìnwḭ.

Rm 2:5

Icheg ne àghò beri fìŋ ne ka ne chəyi àghò kə̀bi ni bə̀ŋì, àghò ya anìŋ chè imbìghè ghìyə̀ Ŋwiye gàŋa tì ine. Ane, igun aneg ze ne Ŋwiye biri sɔb isaʼi igun bəd ane icheg ne koʼi, wì biri taŋ gaŋ tì ine, sɔb ìwe isaʼi zì ngəʼ ne ka igun ine.

1 Kɔrèn 3:13

Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

Fìlipì 1:28

Imbə̀ʼ mbə̰ bɔ awən bəd ìpàb mbe ne zɔ̀ŋɔ̀ ni chìkì ìwən ibḛfiŋ. Mbə̰ mə̀ chəyi mbə̀ bɔ awɔb, ze biri yaʼ aneni inɔb ne chwìte gha Ŋwiye biri ghum nimni awɔb. Àsi inən, à ya aneni ne chwìte gha Ŋwiye biri ghum pumni awən.

2 Tès 2:3

Imbə̀ʼ mbə̰ saŋa awən gha wə̀d mɔ̀ʼɔ tambi awən ka. Aton ya gha, nyùmə̀ we ne bəd biri ya zɔ̀ŋɔ̀ ni ton awɔb Ŋwiye biri chè, wə̀d inug izəg bə̀ dù asaŋ, bɔŋ aneg ze ne Anɔŋisəg Yeso biri yeʼe se pè. À ya wə̀d ne Ŋwiye fə nɔŋi gha wì biri ghò inga asiŋi ngəʼ ane ighə̀m imɔʼ.

1 Timotì 6:9

Tesiʼ ya gha, bəd mbe ne kə̀bə̀ ni bèrì ikab nɔʼ nɔʼ ya nyḭ̀yḛ inga ìkwàʼrì bə̀ fḛ inga atam ne ghìyə̀ gha mbɔb se ghìyə̀ inug anen nɔʼ nɔʼ bə̀ ghìyə̀ inug tibɔ̀ŋ mbe ne mbɔb mbe ghə̀ʼrə̀. Inug mbe ya chìkə̀ awɔb bə̀ nìmne awɔb.

Mə̀Hibrù 12:29

Aton ya gha, “Ìwa Ŋwiye ya icheg iywid ne tì wi tɔ̀n ighi chìkì.”

2 Pità 2:9

Ane, Anɔŋisəg kyèri icheg ni pumni bəd mbe ne zùgrə aməd bə̀ chì awɔb inga àkwàʼrì. Wì bə̀ kyèri icheg ni nyimi bəd mbe ne ghìyə̀ tìzughə̀, nɔ̀ŋì awɔb inga ngəʼ ni si saʼ awɔb igun aneg ze ne məd biri saʼ isəg.

2 Pità 3:10

Si ya gha, aneg ze ne Anɔŋisəg biri ywiri yeʼe biri yaʼ icheg aneg ne iji we yeʼe. Igun aneg ze; ikaŋ àbɔ̀ŋɔ biri jòʼ ane gì ka ka chè nim. Iywid biri tɔ̀n ighi ijìm mbe ne yaʼi ikaŋ àbɔ̀ŋɔ. Iywid biri bə tɔ̀n isəg bə̀ tɔ̀n ighi ijìm mbe ne yaʼi igun isəg, ghì igun isəg si yaʼ ìwi zɔbi.

2 Pità 3:12

Icheg ne mbə̰ mbe ghɔ̀mɔ̀ aneg ze ne Ŋwiye biri ywiri yeʼe, mbə̀ kirə ika ghì gha aneg ze zàmbà yèʼe. Igun aneg ze, iywid biri tɔ̀n ikaŋ àbɔ̀ŋɔ, wi nim. Azuʼ ane iywid we biri ghì gha ighi mbe ne yaʼi ikaŋ àbɔ̀ŋɔ mbe sam.

1 Jɔn 4:17

Icheg ne ze yaʼ ane, Ŋwiye fə taŋ kɔ̀ŋ awa ghì gha tì bere ika imbə̀ʼ ghum pum ane aneg isaʼi imbə̀ʼ icheg ne ìwa ikuchèg igun isəg gho̰ ya bə̀ kwàʼ icheg ìwi Kristo icheg ne tì yaʼi ane ifɔti tì Ŋwiye.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.

Ɨnû 17:11

Nyam kyen ze ne ya kweʼì yaʼ izɔm, si ya gha zì fə ku, ya ifɔn we ne pè ane ìfàmi. Məd ya ifɔn mɔ̀ʼɔ abɔ̀ʼ məfɔn mbe ìsàmbe. Wì biri ghò ane asiŋi ze ne mbi biri nimni aməd angu.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Ɨnû 20:11

Mə ya bàd atən ifɔn kyen mɔ̀ʼɔ ne fu fu fɔrɔ wə̀d ne ya chughi igun. Ìseg fɔrɔ ikaŋ àbɔ̀ŋɔ ya kye ibo imbìghè. Chəyi wə̀d mɔ̀ʼɔ ne ya ywìrè bàrà ìseg fɔrɔ àbɔ̀ŋɔ.

Ɨnû 21:1

Mə ya si bàd ikaŋ àbɔ̀ŋɔ feg bə̀ bàd isəg feg. Ikaŋ àbɔ̀ŋɔ mbègtog tì isəg mbègtog ya fə nim. Igyi tìbà ya fə bə̀ nim.