2 Pità 3:2 - Ikan feg

² Mə kə̀b gha mbə̀ wendi ìngam we ne bədkə̀n Ŋwiye ìzḛzḛ mbe te aneg ya ghàmi. Mə bə̀ kə̀b gha mbə̀ bə wèndi mə̀nɔ̀ʼɔ̀ mbe ne Anɔŋisəg ne pùmnə bəd ya ghi ìmbən bədtɔm nàʼ inən.

Meta’

² Mə kə̀b ni mbə̀ kɔndɨ ɨŋgam we nɨ bə̂d ɨ̀kə̀n Ŋwiə̀ zeŋɨ nyaʼa ghàm rəŋwe bə̀ kɔndɨ rɨkə te nɨ Ə̀nùŋɨ̀sɨg nɨ chɨ̀ə̀ bə̂d rəŋgəʼ nyaʼa che ənjìm mbə bə̂d tom nàʼ ɨ nən.

2 Pità 3:2 ပူးပေါင်းရင်းမြစ်များ

Lk 1:70

Ŋwiye ya fə ghùm chè inga bədkə̀n ìzḛzḛ ghàm

Lk 24:27

Wì ya si ko ane mə̀nɔ̀ʼɔ̀ Muse ghò ane ìŋwàʼrì bədkə̀n Ŋwiye tòʼrì inug ijìm ni Ìngam Ŋwiye ya ghàmi imbə̀ʼ aməd.

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 3:18

Aŋa ya anug ze ne Ŋwiyekɔʼ ya ghum chè anjìm bədkə̀n məd məjìm ghà. Wì ya gha, ‹Wə̀d we ne Ŋwiye zɔ̀ʼi biri ghum zə̰ ngəʼ.›

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Efesùs 2:20

Mba ya bəd Ŋwiye ne təmi kà igun ati ze ne bədkə̀n Ŋwiye fɔrɔ bədtɔm Kristo ya bɔmi. Yeso ya iteg ibug nəb mbègtog inga ati nəb ze.

Efesùs 3:5

Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

1 Timotì 6:14

àghò ya ghìyə̀ inug ijìm mbe ne Ŋwiye kə̀bi ghò pè ane aneg ne Anɔŋisəg Yeso Kristo biri ywiri yeʼe. Àghò mə ghì ane, chəyi wə̀d mɔ̀ʼɔ biri bèrì anug tibɔ̀ŋ mɔ̀ʼɔ ni ghà imbə̀ʼ awe, kə̀ bə̀ zì anug mɔ̀ʼɔ igun ine.

2 Pità 2:21

Ze ya bì bɔ̀ŋ gha nji chəyi mbɔb ya bì kyèri icheg ne wə̀d beri ni təm kòʼ, sɔ̀m ni kyeri ywìrì ton ni nɔ̀ŋì mə̀nɔ̀ʼɔ̀ ìzḛzḛ mbe ne mbi ya nàʼi inɔb.

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.

2 Pità 3:16

Wì ŋwàʼrì inug mbo̰ kwàʼ məyi ane ikuchèg ifibì inga ìŋwàʼrì məd ijìm. Inug mɔ̀ʼɔ mbe inga ìŋwàʼrì mbe ne wì ŋwàʼri ne chəyi tì itog bəd zàmbì zen imbə̀ʼ mbiwən. Bəd mbe ne chəyi mbi kyeri inug, ne ìwɔb ibḛfiŋ kiri bɔri, mbɔb biri tòʼrì inug mbo̰ ane ikuchèg ndəŋ. Bəd mbe kɔ̀pɔ inug inga ìŋwàʼrì mbo̰ kwàʼ icheg ne mbɔb mbe bə̀ kɔ̀pɔ inga ìŋwàʼrì Ŋwiye ndəŋ. Icheg ne mbɔb mbe ghìyə̀ ane, mbi ya zìye yaʼ ngəʼ igun ìmbɔb itog.

1 Jɔn 4:6

Àsi awa, mba ya bəd Ŋwiye. Wə̀d we ne kyeri Ŋwiye ya zùghə anug ze ne te ghà. Àsi wə̀d we ne kayi wə̀d Ŋwiye, chəyi tengàŋ biri zug anug ze ne te ghà. Aŋa ya icheg ne tì biri chè angu ni kyeri azwighi ze ne ghìyə̀ gha bəd kyeri tesiʼ igun azwighi ze ne ghìyə̀ bəd ghà inug ako.

Jûd 1:17

Ane, ìmbum mə̀sə̀ʼ ne mə̀ taŋ kɔ̀ŋ, mbə̀ wendi anug ne bədtɔm ìmbi ìwa Anɔŋisəg Yeso Kristo ya gha.

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.