2 Pità 3:16 - Ikan feg

¹⁶ Wì ŋwàʼrì inug mbo̰ kwàʼ məyi ane ikuchèg ifibì inga ìŋwàʼrì məd ijìm. Inug mɔ̀ʼɔ mbe inga ìŋwàʼrì mbe ne wì ŋwàʼri ne chəyi tì itog bəd zàmbì zen imbə̀ʼ mbiwən. Bəd mbe ne chəyi mbi kyeri inug, ne ìwɔb ibḛfiŋ kiri bɔri, mbɔb biri tòʼrì inug mbo̰ ane ikuchèg ndəŋ. Bəd mbe kɔ̀pɔ inug inga ìŋwàʼrì mbo̰ kwàʼ icheg ne mbɔb mbe bə̀ kɔ̀pɔ inga ìŋwàʼrì Ŋwiye ndəŋ. Icheg ne mbɔb mbe ghìyə̀ ane, mbi ya zìye yaʼ ngəʼ igun ìmbɔb itog.

Meta’

¹⁶ Ənû ze nɨ wɨ̀ ŋwaʼnɨ mbɨ ɨŋga ɨ̀ŋwàʼnɨ̀ jìm mbe nɨ wɨ̀ ŋwaʼnɨ. Ɨnû mɔʼɔ mbɨ ɨŋga ɨ̀ŋwàʼnɨ̀ mbe nɨ Pɔ̂l ŋwaʼnɨ nɨ chəi ənɨ tɨ ɨtu bə̂d zeŋ ɨmbə̀ʼ mbɨwən. Bə̂d mbe nɨ chəi mbɨ kyerɨ ɨnû, nɨ ɨbenɨ mɨ̀mə̌d kɨrɨ bɔd, bɨrɨ toʼrɨ ɨnû mbɔ̂ ɨchî cherə. Bə̂d mbɨə kwepɨ ɨnû ɨŋga ɨ̀ŋwàʼnɨ̀ mbɔ̂ àmei ɨchî nɨ mbɨə kwepɨ ɨŋga ɨ̀ŋwàʼnɨ̀ Ŋwiə̀ cherə. Ɨchî nɨ mbɨə ghɨ̀ əne, ɨ mbɨə tɔŋə ŋgəʼ ɨgwɨ mbə ɨtu.

2 Pità 3:16 ပူးပေါင်းရင်းမြစ်များ

Matìyò 15:3

Yeso ya ywìtì inɔb gha, “Aton ne chəyi mbə̰ mbe nɔ̀ŋɔ̀ mə̀nɔ̀ʼɔ̀ Ŋwiye məyi imbə̀ʼ icheg ne mbə̰ mbe nɔ̀ŋɔ̀ yaʼ mə̀nɔ̀ʼɔ̀ aben mbe ne ìmbən mə̀mbaʼ ya nɔŋi àkə gha?

Matìyò 15:6

Ane, chəyi aton ne tì wì ywirì ghùmni ìwi mbaʼ tì ìwi ngɔb. Àzo̰ ze chwìye icheg ne mbə̰ mbe kə̀nə̀ Ìngam Ŋwiye məyi ni nɔ̀ŋì ìmbən mə̀nɔ̀ʼɔ̀ aben.

Matìyò 22:29

Yeso ya ywìtì gha, “Mbə̰ ya anìŋ fèbè imbə̀ʼ icheg ne chəyi mbə̀ kyeri Ìngam Ŋwiye kə̀ ika məd.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

Mə̀Hibrù 5:11

Tè bèrì inug nɔʼ nɔʼ ni ghà inən imbə̀ʼ icheg ne Kristo yaʼi atog wə̀d igun bəd mbàn ne du inga iwaŋ Mèkisedèg. Si ya gha, ze kà ina ni tòʼrì inug inən imbə̀ʼ icheg ne chəyi mbə̰ mbe zàmbà gwìyè inug.

Jems 1:8

Iku wə̀d gho̰ ya wə̀d ne beri fìŋ tibe. Chəyi wì ya zìyè atog ane anug afibì.

1 Pità 1:1

À ya mo Pità, wə̀dtɔm Yeso Kristo ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye chɔ̀ʼi, ne yaʼi mə̀Ju mbe ne sàka ghò inga Pontùs, tì Gàlesìyà, tì Kàpàdosìyà, tì Esìyà fɔrɔ Bìtinìyà.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

2 Pità 2:14

Mbɔb ya kɔ̀ŋɔ̀ anug ni ya nɔ̀kɔ̀ mə̀yi. Chəyi mbɔb mbe bɔ̀rɔ ni ghì inug tibɔ̀ŋ. Mbɔb ya sìmè bəd ne fìŋ bɔri zìye inga inug tibɔ̀ŋ. Mbɔb fə kà ka inga anug ni ghə̀ʼrə̀ ighi. Ndɔ̀n Ŋwiye ze igun inɔb.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

2 Pità 3:2

Mə kə̀b gha mbə̀ wendi ìngam we ne bədkə̀n Ŋwiye ìzḛzḛ mbe te aneg ya ghàmi. Mə bə̀ kə̀b gha mbə̀ bə wèndi mə̀nɔ̀ʼɔ̀ mbe ne Anɔŋisəg ne pùmnə bəd ya ghi ìmbən bədtɔm nàʼ inən.

Jûd 1:4

Mə ya ghàmà anìŋ imbə̀ʼ icheg ne bəd mɔ̀ʼɔ ne chəyi mbe ghùmnə Ŋwiye fə nyaʼ nyi se abɔ̀ʼ inən. Mbɔb fə niŋ anug imbə̀ʼ ìchɔ̀mì we ne ìwa Ŋwiye we ghìyə̀ bə̀ŋì ane apan ni ghì ifanì inug. Mbɔb mbe bə̀ to̰ awɔb Yeso Kristo ne ya məyi məd yaʼi ìwa Mbaʼ àfàʼì bə̀ yaʼ ìwa Anɔŋisəg. Àŋwàʼrì Ŋwiye ya fə ghùm ghà icheg ne Ŋwiye biri chə awɔb.