2 Pità 3:11 - Ikan feg

¹¹ Icheg ne Ŋwiye biri nimni ighi mbo̰ ijìm anìŋ, mbə̀ kə kòʼi ni yaʼ iku bəd mbeg? Mbə̰ bèrì ni chughi inga ìzḛzḛ bə̀ zì atog ni ya zùgrə Ŋwiye.

Meta’

¹¹ Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

2 Pità 3:11 ပူးပေါင်းရင်းမြစ်များ

Matìyò 8:27

Anug ya chè mbaŋà te. Mbi ya se bìre mbɔb mbɔb gha, “Wə̀d gho̰ kə iku wə̀d weg ne afim fɔrɔ àwàwà ze zùgrə aməd?”

Rm 13:11

Àghò mənyìʼ ghì ane imbə̀ʼ icheg ne àghò kyèri gha nyumə̀ fə kòʼ ine ni nɔ̀ʼ angwḛ. À ya ane imbə̀ʼ icheg ne nyumə̀ we ne Ŋwiye biri pumni awa fə tinde. Nyumə̀ we fə tinde amad anìŋ chè icheg ne wì ya yaʼi anyumə̀ ne tì ya kiri bḛ Yeso Kristo bḛ.

Rm 13:12

Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 3:20

Àsi awa, mba ya bəd ikaŋ àbɔ̀ŋɔ. Ane, tì ya nɔ̀ŋɔ̀ fìŋ yaʼ ni ghɔ̀m Anɔŋisəg Yeso Kristo gha wì yeʼe tikaŋ àbɔ̀ŋɔ. Məd ya wə̀d ne pùmnə awa.

1 Tèsàlonikà 1:5

Kayi məyi ane ìngam ichug ne tì ya chèti ikən chɔm inən. Tì ya chètì fɔrɔ ane ika ne Azwighi Ŋwiye ya naʼi ina. Tì ya bə̀ chwi gha ikən chɔm gho̰ ya tesiʼ. Mbə bə̀ kyèri awən ikuchèg ne tì yaya chùghə tì inən ni wètì awən.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Timotì 4:12

Imbə̀ʼ àghò saŋa awe gha wə̀d mɔ̀ʼɔ chapa awe imbə̀ʼ icheg ne àghò yaʼi ŋwan kwa. Àghò bèrì ni yaʼ icheg aməgrì abə bəd mbe ne bḛ Kristo ane ìwe ìngam ichug fɔrɔ ane ìwe ikuchèg fɔrɔ ane icheg ne àghò we kɔ̀ŋɔ̀ bəd fɔrɔ ane ikuchèg ne àghò tə̀mi kà inga ìwe ibḛfiŋ fɔrɔ ane icheg ne àghò we bə̀ ghìyə̀ inug ne zḛ.

1 Timotì 6:11

Àsi awe, àghò wə̀d àfàʼì Ŋwiye, àghò fə chìye ìfe ifeg ane inug mbo̰ ijìm. Àghò ghiyə yaʼ inug mbe ne koʼi bə̀ ghì yaʼ inug mbe ne Ŋwiye kə̀bi. Àghò nɔŋɔ fìŋ igun Kristo, ya kɔ̀ŋɔ̀ bəd, ya nyìʼè inug bə̀ ya bɔ̀tɔ ane fìŋ.

1 Timotì 6:3

Wə̀d mɔ̀ʼɔ mə̀ ya chwìte inug ne kɔpɔ igun mbo̰, ne chəyi wì bḛ ìngam tesiʼ we ne Anɔŋisəg Yeso Kristo ya gha, ne chəyi wì bə bḛ inug mbe ne mba mbe chwìte imbə̀ʼ icheg ne bəd Kristo koʼi ni chughi,

1 Timotì 6:6

Chùd kyen ya anyumə̀ ne wə̀d nɔŋi fiŋ ane anug Ŋwiye bə̀ niŋ gha ighi mbe ne zìye beri mbe kòʼ yi ini.

Mə̀Hibrù 13:5

Mbə̀ chiye àzən adɔʼ ane anug ikab. Mbə̀ ya gyènde tì ighi mbe ne mbə̀ beri imbə̀ʼ icheg ne Ŋwiye gha, “Chəyi mə̀ biri ghum nɔ̀ʼ sàŋì awən kə̀ bə̀ waʼ awən.”

Jems 1:24

ne anyumə̀ ne wì nḛ ìwi nyɔd, wì nɔ̀ʼ ghò yi, bə̀ nèbì icheg ne wì yaʼi kwàʼ ati.

Jems 3:13

Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.

1 Pità 1:15

Mbə̀ se ghìyə̀ inug ijìm inga ìzḛzḛ icheg ne Ŋwiye we ne ghi mbə̰ si bɔn məd bə yaʼ inga ìzḛzḛ.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

2 Pità 1:3

Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.

2 Pità 1:6

Icheg ne mbə̰ kyèri inug imbə̀ʼ Ŋwiye, mbə̀ bə kirə ika ni ya nyìmbe nyɔd. Icheg ne mbə nyìmbe nyɔd, mbə̀ bə kirə ika ni ya nyìʼè inug. Icheg ne mbə̰ mbe nyìʼè inug, mbə̀ bə kirə ika ni ya ghùmnə Ŋwiye.

2 Pità 3:10

Si ya gha, aneg ze ne Anɔŋisəg biri ywiri yeʼe biri yaʼ icheg aneg ne iji we yeʼe. Igun aneg ze; ikaŋ àbɔ̀ŋɔ biri jòʼ ane gì ka ka chè nim. Iywid biri tɔ̀n ighi ijìm mbe ne yaʼi ikaŋ àbɔ̀ŋɔ. Iywid biri bə tɔ̀n isəg bə̀ tɔ̀n ighi ijìm mbe ne yaʼi igun isəg, ghì igun isəg si yaʼ ìwi zɔbi.

2 Pità 3:12

Icheg ne mbə̰ mbe ghɔ̀mɔ̀ aneg ze ne Ŋwiye biri ywiri yeʼe, mbə̀ kirə ika ghì gha aneg ze zàmbà yèʼe. Igun aneg ze, iywid biri tɔ̀n ikaŋ àbɔ̀ŋɔ, wi nim. Azuʼ ane iywid we biri ghì gha ighi mbe ne yaʼi ikaŋ àbɔ̀ŋɔ mbe sam.