2 Pità 3:10 - Ikan feg

¹⁰ Si ya gha, aneg ze ne Anɔŋisəg biri ywiri yeʼe biri yaʼ icheg aneg ne iji we yeʼe. Igun aneg ze; ikaŋ àbɔ̀ŋɔ biri jòʼ ane gì ka ka chè nim. Iywid biri tɔ̀n ighi ijìm mbe ne yaʼi ikaŋ àbɔ̀ŋɔ. Iywid biri bə tɔ̀n isəg bə̀ tɔ̀n ighi ijìm mbe ne yaʼi igun isəg, ghì igun isəg si yaʼ ìwi zɔbi.

Meta’

¹⁰ Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.

2 Pità 3:10 ပူးပေါင်းရင်းမြစ်များ

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Mk 13:31

Ikaŋ fɔrɔ ìseg biri chè, si ya gha chəyi ìmə ìngam biri nɔ̀ chè atog ako.”

Lk 12:39

Ane, mbə̀ kyeri gha, àkə aghi ne wə̀d ne beri nəb we kyère nyùmə̀ ne iji we yèʼe, nji chəyi wì ya sàŋà gha iji buʼ nəb məd nyi inga.

Rm 8:20

À ya ane imbə̀ʼ icheg ne ighi ijìm mbe ne Ŋwiye tàngi, mbi biri chè kwàʼ ako. Kayi gha ighi mbe ijìm kɔ̀ŋ ni chè ako. Ze biri yaʼ ane icheg ne Ŋwiye kə̀bi, si ya gha, ighi mbe ijìm mbe kiri nɔŋɔ ikɔndi ni ghɔ̀m anug ne Ŋwiye biri fàʼ.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Kɔrèn 5:5

Mbə̀ saŋa mbaŋà ze ikye abo abə Sàtàn, ni gha Sàtàn chikə nyàmnyɔd məd. Àze biri nàʼ apan abə azwighi məd ni pum igun aneg ze ne Anɔŋisəg biri ywiri yeʼe.

2 Kɔrèn 1:14

Icheg ne mbə̀ kweʼì kyèri inug mɔ̀ʼɔ imbə̀ʼ awa, mə bèrì ibḛfiŋ gha mbə biri taŋ kyeri awa anyumə̀ ne Anɔŋisəg Yeso biri ywiri yeʼe. Mbə̰ biri se tə̀rə̀ awən imbə̀ʼ awa bə̀ kwàʼ icheg ne tì biri bə se tə̀rə̀ awa imbə̀ʼ awən.

1 Tèsàlonikà 5:2

Chəyi aton mɔ̀ʼɔ imbə̀ʼ icheg ne mbə̰ fə kyeri àzən aghi gha aneg ze ne Anɔŋisəg biri ywiri yeʼe biri yaʼ kwàʼ icheg ne iji we yèʼe izimi.

1 Tèsàlonikà 5:4

Àsi awən, ìmba məfi fɔrɔ ìta njàbi, tesiʼ ne angu ya gha, chəyi mbə̰ mbe ghìyə̀ inug tibɔ̀ŋ icheg bəd mbe ne ghìyə̀ inug izimi, ne aneg ze biri sàʼa yeʼe igun inən icheg ne iji we yèʼe.

2 Pità 3:11

Icheg ne Ŋwiye biri nimni ighi mbo̰ ijìm anìŋ, mbə̀ kə kòʼi ni yaʼ iku bəd mbeg? Mbə̰ bèrì ni chughi inga ìzḛzḛ bə̀ zì atog ni ya zùgrə Ŋwiye.

2 Pità 3:12

Icheg ne mbə̰ mbe ghɔ̀mɔ̀ aneg ze ne Ŋwiye biri ywiri yeʼe, mbə̀ kirə ika ghì gha aneg ze zàmbà yèʼe. Igun aneg ze, iywid biri tɔ̀n ikaŋ àbɔ̀ŋɔ, wi nim. Azuʼ ane iywid we biri ghì gha ighi mbe ne yaʼi ikaŋ àbɔ̀ŋɔ mbe sam.

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

Jûd 1:6

Mbə̀ bə wèndi mbè angirə̀ mbe ne chəyi mbi ya nyimi ìmbɔb iti ìfàʼì mbe ne Ŋwiye ya nàʼi inɔb. Mbɔb ya sàŋì ìmbɔb iti ìfàʼì. Ane, Ŋwiye ya fə kɔd awɔb nɔ̀ŋì inga isəg afub ane ighə̀m imɔʼ gha mbe chughi ghɔ̀m Aneg kyen ze ne Ŋwiye biri saʼ awɔb.

Ɨnû 16:15

Anɔŋisəg Yeso gha, “Mbə̀ nḛ, mə biri yeʼe icheg iji! Ŋwiye ziye àbɔrɔ̀bɔd igun wə̀d ne chughi ikyèʼi bə̀ tàngi ìti ndwi nɔ̀ŋì ni gha imbə̀ʼ wì nɔʼ yèn tì ìkyèrikye si bèrì tìnìrètog inga bəd!”

Ɨnû 20:11

Mə ya bàd atən ifɔn kyen mɔ̀ʼɔ ne fu fu fɔrɔ wə̀d ne ya chughi igun. Ìseg fɔrɔ ikaŋ àbɔ̀ŋɔ ya kye ibo imbìghè. Chəyi wə̀d mɔ̀ʼɔ ne ya ywìrè bàrà ìseg fɔrɔ àbɔ̀ŋɔ.

Ɨnû 21:1

Mə ya si bàd ikaŋ àbɔ̀ŋɔ feg bə̀ bàd isəg feg. Ikaŋ àbɔ̀ŋɔ mbègtog tì isəg mbègtog ya fə nim. Igyi tìbà ya fə bə̀ nim.

Ɨnû 3:3

Ane, kɔndi inug mbe ne mbi ya chwiti ine fɔrɔ inug mbe ne àghò ya bə zug, bə̀ŋì ìze fìŋ se zùgrə inug mbe. Àghò mə ton awe ni nɔ̀ʼ angwḛ, mə biri yeʼe icheg iji. Chəyi àghò biri kyeri nyùmə̀ ne mə̀ biri yeʼe.

Ɨnû 6:14

Àbɔ̀ŋɔ ya kye icheg àŋwàʼrì ne mbe kàri kari ne mbe kàra chìyè. Tiwum tijìm ya kye. Ikəmi isiŋi ìseg ijìm mbe ne igyi che kad ya bə̀ kye.