2 Pità 3:1 - Ikan feg

¹ Ìmbum məfi fɔrɔ ìtum njàbi ne mə̀ taŋ kɔ̀ŋ, àŋwàʼrì azo̰ ne mə̀ ŋwàʼri inən anìŋ ya àŋwàʼrì ne pè ane ibe. Inga ìŋwàʼrì mbo̰ ibe, mə fə kirə ika ni nɔ̀rì ìwən ikɔndi ni ghì gha mbə̀ wendi inug ijìm mbe ne mbə̀ ya fə bi kyèri ane fìŋ zḛ zḛ.

Meta’

¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.

2 Pità 3:1 ပူးပေါင်းရင်းမြစ်များ

Matìyò 5:8

Ŋwiye zì àbɔrɔ̀bɔd igun bəd mbe ne ìtɔb fìŋ zḛ, imbə̀ʼ icheg ne mbɔb biri bàd aməd.

2 Kɔrèn 13:2

Mə ya fə pati bəd mbe ne ghìyə̀ inug tibɔ̀ŋ anyumə̀ ne mə̀ ya ywìri yèʼe ni mùg awən ane ighəm ne pè ane ibe. Mə ya anìŋ ywìrè pàta awən ne chəyi mə̀ yaʼ iban inən. Anyumə̀ ne mə̀ ywìrì yèʼe, chəyi mə̀ biri bèrì àsɔ̀mnəfiŋ igun bəd mbe ne mə̀ kweʼì pàti fɔrɔ bəd ndəŋ ndəŋ.

1 Timotì 5:22

Imbə̀ʼ àghò kə nyə̀ngə awe ni nɔ̀ŋì ìmbe ibo igun bəd ni zɔʼ awɔb ane bəd ne chà ifeti bəd Kristo. Imbə̀ʼ àghò ziye awe abo inga inug tibɔ̀ŋ bəd ndəŋ. Nɔŋɔ ìwe nyɔd gha we chughi inga ìzḛzḛ.

2 Timotì 1:6

À ya aton ne mə kə̀bə̀ gha àghò nɔmbɔ ineʼi we ne Ŋwiye ya nàʼi ine anyumə̀ ne mə̀ ya nɔŋi ìmbum ibo igun ine chàʼra Ŋwiye. Nɔmbɔ ghì we kweg.

Mə̀Hibrù 6:9

Ìmbum mə̀sə̀ʼ ne mə̀ kɔŋi, ka tì ya ghàmà inən anìŋ, tè kyèri gha mbə̰ biri bèrì ighi ne bɔŋi chè ne Ŋwiye biri nàʼ inən icheg ne Ŋwiye pùmni awən.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

2 Pità 3:17

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ fə bì kyèri awən anug azo̰. Mbə̀ we awən imbə̀ʼ icheg ne bəd mbe ne chəyi mbi kyeri mə̀nɔ̀ʼɔ̀ mbe kə̀bə̀ ni fèbrì awən. Àmə chəyi mbə̀ we awən nji mbə̰ biri fèbè, nim bə̀ sam àzən asiŋi ze ne mbə̀ kə fə təmi kà igun.

2 Pità 3:8

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ mbə̰ si to̰ awən anug azo̰ afibì. Anug angu ya gha, abə Anɔŋisəg, aneg amɔʼ ya icheg tituʼ chuʼ ifibì, tituʼ chuʼ ifibì ya bə̀ icheg aneg amɔʼ.

Jûd 1:5

Ka mbə̰ ya fə kyeri awən inug mbo̰ ijìm, mə̀ ya anìŋ ywìrè wènde inən. Mbə̀ wendi gha, Anɔŋisəg ya pumni mə̀Izre ikye abo abə mə̀Ijìb, bə̀ ywìrì kiri nimni mə̀Izre mbe ne chəyi mbi ya zi ibḛfiŋ igun məd.