2 Pità 2:3 - Ikan feg

³ Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

Meta’

³ Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

2 Pità 2:3 ပူးပေါင်းရင်းမြစ်များ

Matìyò 23:14

[Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Ngəʼ kyen biri nyi igun inən mbə̰ mbe ne tàmba məku-àyi nìŋə ìmbɔb ighi se fùbrə̀ aghə inɔb chàʼrà Ŋwiye tà̰. Ŋwiye biri taŋ chə awən chè bəd ndəŋ məjìm ne ghìyə̀ inug tibɔ̀ŋ.]

Lk 18:8

Mə gha tesiʼ inən gha, Ŋwiye biri ghì anug ne koʼi inɔb amad amad. Si ya gha, anyumə̀ ne Ŋwan Wə̀d biri yeʼe, wì biri bàd bəd ne beri ibḛfiŋ igun isəg?”

Lk 20:20

Icheg ne mbi yaya kə̀bə̀ anug ne chè igun gwì Yeso, mbi ya chà bəd mɔ̀ʼɔ gha mbe gho ghi kyèʼrì aməd. Mbi ya bèrì ni gho ghì icheg bəd ne yeʼe ane tesiʼ. Mbi ya nɔ̀ŋì ikɔndi gha mbi biri gwìye Yeso inga ìngam məd, si nàʼ aməd abə gɔbnà ni beri ika igun inɔb mbɔb məjìm gha wì saʼ aməd.

Lk 22:47

Anyumə̀ ne Yeso yaya kiri ghamà, inɔ̰ bəd ya yeʼe. Wə̀d ne yaya yḛ̀ inɔb imbìghè ya wə̀d mɔ̀ʼɔ abɔ̀ʼ mə̀mə̀nənùg mbe ìghum chɔ̀b ibe ne ikum məd ya Judàs Ikarìyɔ̀d. Wì ya kɔʼri yèʼe imbìghè ni nyɔŋ ndə̀ʼ abə Yeso.

Jn 2:16

Wì ya si kyen abə bəd mbe ne yaya fèndè mə̀bupə, ghà inɔb gha, “Mbə̀ kə niŋ dù! Imbə̀ʼ mbə̰ bə̀ŋə̀ awən nəb ìmə Mbaʼ ane asiŋi iywin.”

Rm 16:18

imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

1 Tèsàlonikà 2:5

Mbə̰ kyèri gha chəyi tì yaya ghàmà ìngam nəmi nəmi ni tambi awən. Ŋwiye bə̀ kyèri gha chəyi tì yaya ghàmà inug məyi ni kəndi icheg ne te ghə̀ʼrə̀ ìmbən ighi.

1 Tèsàlonikà 5:3

Anyumə̀ ne bəd biri ya ghà gha, “Tì we awa ane àbɔrɔ̀bɔd. Chəyi aton ni bɔ aghi mɔ̀ʼɔ,” ngəʼ kyen biri sàʼa nyi igun inɔb kwàʼ icheg ne tibuʼ te sàʼa se àyi ne nɔ̀mbɔ ni gwi. Chəyi bəd biri nɔʼ bu inga ngəʼ kyen ze.

1 Timotì 3:3

Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.

1 Timotì 3:8

Bəd mbe ne wètè àfàʼì inga ifeti bəd Kristo bèrì ni yaʼ bəd ne bəd ndəŋ mbe bə̀ ghùmnə awɔb. Mbɔb bèrì ni yaʼ bəd ne tə̀mə igun tesiʼ. Imbə̀ʼ mbɔb yaʼ awɔb bəd ne ghàmà tìngam ibe ibe. Imbə̀ʼ mbɔb yaʼ awɔb bəd ne zìyè atog ane anug mənoʼ. Imbə̀ʼ mbɔb yaʼ awɔb bəd ne zìyè adɔʼ ane anug ikab.

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

Tayitùs 1:11

Àghò kirə ika ni ghì gha mbe chim tizi imbə̀ʼ icheg ne mbɔb mbe bùrə̀ tinəbi tijìm ane inug mbe ne mbɔb mbe chwìte ne chəyi mbi koʼi ni chwiti. Mbɔb ya chwìte inug mbe məyi ni bèrì ìwɔb ikab.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.

1 Pità 5:2

Mbə̀ nəri njə̀g Ŋwiye te ne wì zi inga ìtən tikye abo. Imbə̀ʼ mbə̰ faʼa awən icheg ni gha mbi ya nyə̀mə̀ awən nyəmi. Mbə̀ faʼa tì izən fìŋ ifibì icheg ne Ŋwiye kə̀bi. Mbə̀ faʼa imbə̀ʼ icheg ne mbə̀ kɔŋi ni fàʼ, kayi imbə̀ʼ adɔʼ ikab.

2 Pità 1:16

Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

2 Pità 2:9

Ane, Anɔŋisəg kyèri icheg ni pumni bəd mbe ne zùgrə aməd bə̀ chì awɔb inga àkwàʼrì. Wì bə̀ kyèri icheg ni nyimi bəd mbe ne ghìyə̀ tìzughə̀, nɔ̀ŋì awɔb inga ngəʼ ni si saʼ awɔb igun aneg ze ne məd biri saʼ isəg.

Jûd 1:11

Ngəʼ kyen biri nyi igun inɔb! À ya ane imbə̀ʼ icheg ne mbɔb mbe ghìyə̀ inug icheg Ken ne ya zweti ìwi ifi. Mbɔb ya bə̀ ghìyə̀ inug icheg Balàm ne yaya ghìyə̀ tiku inug ijìm ni bèrì ikab. Mbɔb ya ghìyə̀ tìzughə̀ abə Ŋwiye icheg Korà. Ane, mbɔb biri ku nim icheg Korà.

Jûd 1:15

ne biri saʼ bəd igun isəg, zì ngəʼ igun inɔb imbə̀ʼ ìmbɔb inug tibɔ̀ŋ. Wì biri saʼ awɔb imbə̀ʼ tìngam tibɔ̀ŋ tijìm te ne mbɔb mbe ghàmà imbə̀ʼ Ŋwiye.”

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.

Jûd 1:4

Mə ya ghàmà anìŋ imbə̀ʼ icheg ne bəd mɔ̀ʼɔ ne chəyi mbe ghùmnə Ŋwiye fə nyaʼ nyi se abɔ̀ʼ inən. Mbɔb fə niŋ anug imbə̀ʼ ìchɔ̀mì we ne ìwa Ŋwiye we ghìyə̀ bə̀ŋì ane apan ni ghì ifanì inug. Mbɔb mbe bə̀ to̰ awɔb Yeso Kristo ne ya məyi məd yaʼi ìwa Mbaʼ àfàʼì bə̀ yaʼ ìwa Anɔŋisəg. Àŋwàʼrì Ŋwiye ya fə ghùm ghà icheg ne Ŋwiye biri chə awɔb.

Jûd 1:7

Mbə̀ bə̀ wendi Sodòm tì Gòmorà fɔrɔ isiŋi mbe ne ya yaʼi iban inɔb, ne yaya ghìyə̀ ifanì inug fɔrɔ izunì inug. Ŋwiye ya zì awɔb inga atəŋ iywid ighə̀m imɔʼ ane aneni ni chwi gha wə̀d ijìm pati ìwi nyɔd.