2 Pità 1:3 - Ikan feg

³ Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.

Meta’

³ Ŋwiə̀ fə chè ənjìm i ɨka nàʼ ɨghɨjìm mbe nɨ tɨ̀ kəbɨ, ɨmbə̀ʼ tɨ̀ chub ɨkǎ wumnɨ əməd. Wɨ̀ fə nàʼ əne ənjìm ɨchî nɨ tɨ̀ kyerɨ əməd. Wɨ̀ nyaʼa tɔŋ əwa ni tɨ̀ berɨ əbà ɨŋga ɨwumnɨ məd bə̀ fɔrɨ ɨŋga ɨ̀chɔ̀m məd.

2 Pità 1:3 ပူးပေါင်းရင်းမြစ်များ

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

Rm 9:24

Mba ya bəd mbe ne məd chɔʼi; kayi məyi inga mə̀Ju, à ya fɔrɔ inga bəd ne kayi mə̀Ju.

1 Kɔrèn 1:9

Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

2 Kɔrèn 12:9

Si ya gha, aghəm atad ze ajìm, wì ya ywìtì gha, “Ìchɔ̀mì we ne mə ghi ine we kòʼ. Aton ya gha, wə̀d ya taŋ bàrà ìmə ika anyumə̀ ne wì bɔ̀ri.” Ane, mə gyen ni kɔ̀m igo imbə̀ʼ inug mbe ne chwìye gha mə bɔd. Anìŋ ya ni ghì gha ika Kristo se fàʼà inga inum.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 4:4

Nyàmnyɔd ya məyi imɔʼ. Azwighi ya bə̀ məyi amɔʼ. Anug ni nɔ̀ŋì ikɔndi ghɔ̀m icheg ne Ŋwiye ya kàri awən ya bə̀ məyi amɔʼ.

Fìlipì 3:8

Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

Kòlosè 1:16

À ya Ŋwan məd we ne Ŋwiye ya nàʼi ika ibo wì tàngi ighi ijìm ne yaʼi ikaŋ àbɔ̀ŋɔ fɔrɔ igun isəg; Ighi ijìm ne te bàrà fɔrɔ ighi ne chəyi te bàrà: Kə̀ àkə mbè angirə̀, kə̀ izwighi tibɔ̀ŋ mbe ne tùmbə̀ ighi ne yaʼi igun isəg fɔrɔ ighi ne yaʼi aton àbɔ̀ŋɔ. Ighi ijìm ya Ŋwiye ya che anjìm məd tàngi ni gha mbe ghumni aməd.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

1 Tèsàlonikà 4:7

Chəyi Ŋwiye ya kàri awa gha tì ya ghìyə̀ inug tibɔ̀ŋ. Wì ya kàrì awa gha tì chughi ane ikuchèg ne zḛ.

2 Tès 2:14

Ŋwiye ya chè anjìm ikən chɔm we ne tì ya ghàmi inən kàrì awən gha mbə̀ pum ni ghì gha mbə̀ bere ighumni icheg ne Anɔŋisəg Yeso Kristo bə bèrì.

1 Timotì 4:8

Anug ni sèmbì nyɔd ze bɔ̀ŋ. Si ya gha, anug ni kyeri Ŋwiye bɔ̀ŋ chè inug ijìm imbə̀ʼ icheg ne Ŋwiye kàʼ inug ina inga nyùmə̀ isəg gho̰ fɔrɔ inga nyùmə̀ isəg we ne yèʼe.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

1 Pità 1:15

Mbə̀ se ghìyə̀ inug ijìm inga ìzḛzḛ icheg ne Ŋwiye we ne ghi mbə̰ si bɔn məd bə yaʼ inga ìzḛzḛ.

1 Pità 1:5

Icheg ne mbə̀ nɔŋi ìwən ibḛfiŋ igun Kristo, Ŋwiye fə chì awən inga ngəʼ ane ìwi ika. Ane aneg ìnwḭ, Ŋwiye biri ghì mbə pum, wə̀d ijìm bad.

1 Pità 2:21

À ya imbə̀ʼ iku ngəʼ gho̰ ne Ŋwiye ya kàri awən gha mbə̀ yaʼ ane ifɔti tì məd. Mbə̀ kyeri gha Yeso Kristo ya bə̀ zə̰ ngəʼ imbə̀ʼ awən. Wì yaya chwìye inug mbo̰ inən icheg aneni ni gha mbə̀ gwe inug kwàʼ igun ibɔʼì ighog məd.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Pità 3:9

Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

2 Pità 1:2

Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd. Wì ghiyə ane anjìm icheg ne mbə̀ kyeri aməd bə̀ kyèri Yeso ìwa Anɔŋisəg.

2 Pità 1:5

Icheg ne Ŋwiye fə ghi inug mbo̰ ina, mbə̀ kirə ika ni ya ghìyə̀ inug chɔm icheg mbə̀ fə nɔŋi ìtən ibḛfiŋ igun Ŋwiye. Icheg ne mbə̰ mbe ghìyə̀ inug chɔm, mbə̀ bə kirə ika ni taŋ kyeri inug imbə̀ʼ Ŋwiye.

2 Pità 1:6

Icheg ne mbə̰ kyèri inug imbə̀ʼ Ŋwiye, mbə̀ bə kirə ika ni ya nyìmbe nyɔd. Icheg ne mbə nyìmbe nyɔd, mbə̀ bə kirə ika ni ya nyìʼè inug. Icheg ne mbə̰ mbe nyìʼè inug, mbə̀ bə kirə ika ni ya ghùmnə Ŋwiye.

2 Pità 1:8

Aŋa ya ikuchèg ne mbə̀ koʼi ni bèrì. Mbə̰ mə̀ ya ghìyə̀ inug mbo̰ ghò gho imbìghè, mbə̰ biri ya fàʼà inug icheg chɔm bə̀ ghìyə̀ inug chɔm nɔʼ nɔʼ. Ane, ze biri chwi gha inug mbe ne mbə̀ kyeri imbə̀ʼ ìwa Anɔŋisəg Yeso Kristo kayi ati ako.

2 Pità 2:20

Àmə yaʼ aghi ne mbɔb ya du inga tika inug tibɔ̀ŋ te inga isəg icheg ne mbɔb ya bḛ ìwa Anɔŋisəg Yeso Kristo ne pùmnə awa, ywìrì kiri gho nyi inga inug mbe, nji inug tibɔ̀ŋ biri fə chìkì awɔb mbi bə chè icheg ne mbi ya bi yaʼ a mbègtog.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.