2 Pità 1:16 - Ikan feg

¹⁶ Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.

Meta’

¹⁶ Chəi tɨ̀ nyaʼa beenɨ əbɔʼ tɨpoʼ əko te nɨ bə̂d nyaʼa nɨŋ ɨwe tekɨ ənɨ tɨ̀ nyaʼə ghà ɨ nən ɨmbə̀ʼ ɨka a Ə̀nùŋɨ̀sɨg Yeso Kristo fɔrɨ ɨmbə̀ʼ nyùmə̀ we nɨ wɨ̀ bɨrɨ wɨrɨ yeʼe. Tɨ̀ yɨə nyaʼə mɨ̀zərɨmbin ənɨ wɨ̀ nyaʼa jɨg ənû ɨfɔ̀n.

2 Pità 1:16 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 16:28

Mə gha tesiʼ inən gha, bəd mɔ̀ʼɔ mbe abɔ̀ʼ ina aŋa ne chəyi mbi biri ku witì mbi bàd Ŋwan Wə̀d ne we yèʼe icheg ifɔn.”

Matìyò 17:1

Anyumə̀ ne Yeso ya ghàmi inug imbə̀ʼ ìwi iwu, ineg ya chè tìfughə wì niŋ Pità tì Jem fɔrɔ Jɔn ne ya ifi ìwi Jem, mbi kɔʼ ghò ikaŋ iwum mɔ̀ʼɔ məyi mbɔb mbɔb.

Matìyò 24:27

Icheg ne àŋwàŋwaŋ ze wàrà ikaʼi ikaŋ àbɔ̀ŋɔ aba ze ne achwi ze dùwə̀ angu mbi bàrà ghò fɔrɔ aba ze ne achwi ya fḛ angu, à ya bə̀ kwàʼ ane ne Ŋwan Wə̀d biri yeʼe .

Matìyò 24:3

Anyumə̀ ne Yeso ya chughi ikaŋ iwum mə̀olìf, mə̀mə̀nənùg məd ya ghò ibo məyi mbɔb mbɔb pè ghà ibo gha, “Masà, gha nyumə̀ ne inug mbo̰ biri dù ina. Mə̀tə aneni ane nyumə̀ ne àghò biri bə̀ndì fɔrɔ aneni ane nyumə̀ ne isəg biri nwḭ̀yḛ̀.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Mk 13:26

Ane nyùmə̀ we, bəd biri bàd Ŋwan Wə̀d ne yèʼe inga pàʼ, bàd ika kyen we ne wì beri bə̀ bàd ighumni we ne wì bə bèri.

Mk 14:62

Yeso ya ywìtì gha, “Mo ya ìwiwən. Ane, mbə̰ biri bàd Ŋwan Wə̀d ne chughi aba abo jəghi Ŋwiye ne beri ika ijìm, bə̀ bàd icheg ne we swìʼe ikaŋ àbɔ̀ŋɔ inga pàʼ.”

Lk 1:2

Mbɔb ŋwàʼrì kwàʼ icheg ne tì ya zughi abə bəd mbe ne ya bàri inug mbe ijìm nɔ̀ʼ ane nyùmə̀ ne Yeso ya ko àze àfàʼì. À ya bəd ne ya bə̀ fàʼ ni chètì ikən chɔm we.

Lk 9:43

Anug azo̰ ya chè bəd məjìm icheg ne mbi bàri ika Ŋwiye. Ane bəd yaya kiri yete inug mbe ne Yeso yaya fàʼà, wì ya ghà abə mə̀mə̀nənùg məd gha,

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

1 Kɔrèn 1:17

Chəyi Kristo ya chà amə gha mə naʼa mənib. Wì ya chà amə gha mə̀ chete ikən chɔm. Àkə aghi ne mə̀ ya chèti ikən chɔm inən ane iwe wə̀d-aku fɔrɔ ane ìngam nəmi nəmi, nji chəyi anug ze ne te ghà imbə̀ʼ iwu Kristo igun azed abaʼri ywirì bèrì ika.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 1:7

Chəyi ineʼi mɔ̀ʼɔ ne Azwighi Ŋwiye ze nàʼà ne chəyi mbə̀ beri, icheg ne mbə̀ taŋ zì atog ni ghɔ̀m gha Anɔŋisəg Yeso Kristo ywirì yèʼe.

1 Kɔrèn 2:1

Ìmbum məfi fɔrɔ ìtum njàbi, anyumə̀ ne mə̀ ya yeʼe ni ghàm inug mbe ne yaʼi inə̀mbi imbə̀ʼ Ŋwiye inən, chəyi mə̀ ya ghàmi inug mbe ane tìngam kyen kyen kə̀ ane iwe kyen.

1 Kɔrèn 2:4

Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum.

1 Kɔrèn 5:4

Anyumə̀ ne mbə̀ fete aseg ane ikum Anɔŋisəg Yeso Kristo, àmə azwighi ze abɔ̀ʼ inən, ika we ne Anɔŋisəg Yeso nàʼi inən we bə̀ abɔ̀ʼ inən.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

Efesùs 4:14

Ane, chəyi tì biri ywiri yaʼ icheg bɔn kwa ne bḛ inug ijìm ne bəd inug ako mbe chwìte. Bəd inug ako mbo̰ ya chwìte inug ako tàmba bəd ni ghì gha mbe febe.

Fìlipì 3:21

Anyumə̀ ne wì biri yeʼe, wì biri niŋ ìta nyàmnyɔd ìto̰ ne tì tì ku bə̀ŋì ti si yaʼ icheg nyàmnyɔd ze ne məd ya beri anyumə̀ ne Ŋwiye ya zwemni aməd ane iwu. Wì biri ghì ane anjìm ika we ne wì beri ni tùmbì ighi ijìm.

1 Tèsàlonikà 2:19

Àkə mə̀we ghi gha tì nɔŋɔ ikɔndi igun ighi mbe ne te ghɔ̀mɔ̀? Àkə mə̀we biri ghì gha tì gyendi? Àkə mə̀we biri ghì gha tì kɔmɔ igo imbìghè abə Anɔŋisəg Yeso anyumə̀ ne wì ywirì yèʼe? Imbə̀ʼ à ya mbə̰?

2 Tès 2:9

Wə̀d inug izəg we biri ya fàʼà inug ne à ya Sàtàn nàʼi ika ibo. Wì biri tambi bəd ane iyeti inug fɔrɔ inug kyen kyen ne wì biri fàʼ ne kayi mbe tesiʼ.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.

1 Timotì 4:7

Imbə̀ʼ àghò bere awe anug mɔ̀ʼɔ ni ghì tì tìmùghì twaŋi ne chəyi te ghìyə̀ gha bəd kyeri Ŋwiye. Nɔ̀ŋɔ àze atog ni kyeri inug mbe ne biri ghì gha àghò taŋ zì fìŋ ane anug Ŋwiye.

Tayitùs 1:14

Ane, chəyi mbɔb biri ywìri nɔ̀ŋì atog igun tìmùghì ako te abə mə̀Ju kə̀ nɔ̀ŋì atog igun tikə te ne bəd mbe ne to̰ awɔb inug tesiʼ mbe ghà.

2 Pità 2:3

Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

Jûd 1:14

Enɔ̀g ne mbi ya gwi aməd inga ikəri bəd ne pè ane ìsàmbe nɔ̀ʼ ane Adàm, ya ghà ikən Ŋwiye imbə̀ʼ bəd mbo̰ gha, “Nḛ! Anɔŋisəg biri yeʼe tì mbè angirə̀ ìzḛzḛ məd chuʼ tì chuʼ

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.