2 Pità 1:12 - Ikan feg

¹² Ka mbə̀ jiʼì kyèri inug mbo̰ bə̀ təm kà inga tesiʼ, mə biri kiri ya wènde inug mbo̰ inən mà nyumə̀ ijìm.

Meta’

¹² Mə wɨə nɔ̀ɔ̀rɨ̀ mbə ɨtu ɨghəm jìm ɨmbə̀ʼ ɨnû mbɔ̂, ka à bè yeʼi ni mbə fə bè kyerɨ ɨnû rəŋgu bə̀ kyerɨ ni mbə fə təm kàànɨ̀ ɨŋga rəsìʼ we nɨ mbɨ nyaʼa chwi ɨ nən.

2 Pità 1:12 ပူးပေါင်းရင်းမြစ်များ

Ɨ̀fàʼì 16:5

Ane, ibḛfiŋ abə bəd inga tifeti bəd Kristo te tijìm ya təm kà. Inun bəd ne yaya bḛ Kristo yaya yètè igun ineg.

Fìlipì 3:1

Ìmbum məfi fɔrɔ ìtum njàbi, bɔŋ mə̀ se nwḭ̀yḛ̀, mə biri ghà inən gha, mbə̀ ya gyènde icheg ne mbə̀ yaʼi ane ifɔti tì Anɔŋisəg. Chəyi ze yaʼi anug mɔ̀ʼɔ inum ni ywìrì ŋwàʼrì inug mbe ne mə̀ ya bi ŋwàʼrì inən. Mə ya ghìyə̀ anìŋ ni ghì gha imbə̀ʼ mbə̰ nɔ̀ʼ nyi inga ngəʼ.

Kòlosè 1:5

Ìwən ibḛfiŋ fɔrɔ àzən àkɔ̀ŋì ya imbə̀ʼ icheg ne mbə̀ nɔŋi ikɔndi ni ghɔ̀m inug mbe ne Ŋwiye kàʼi ni nàʼ inən ikaŋ àbɔ̀ŋɔ. À ya inug mbe ne mbə̀ fə zughi inga ìngam tesiʼ we ne yaʼi ikən chɔm imbə̀ʼ Kristo.

Kòlosè 2:7

Mbə̀ bə chè imbìghè ni kweg inga anug Kristo, àzən aghaŋ inga Yeso təm kà. Ìwən ibḛfiŋ igun Yeso bə təm kà kwàʼ icheg ne mbi ya chwiti inən. Mbə̀ ya taŋ nàʼà məyakà abə Ŋwiye mà nyumə̀ ijìm.

1 Timotì 4:6

Àghò mə chwìti inug mbo̰ abə bəd Ŋwiye, àghò biri yaʼ wə̀d àfàʼì chɔ̀m ne fàʼà abə Yeso Kristo. Àghò biri yaʼ wə̀d àfàʼì ne təmi kà inga tesiʼ ane anug Ŋwiye fɔrɔ inga inug chɔm mbe ne mbi ya chwiti ine.

2 Timotì 1:6

À ya aton ne mə kə̀bə̀ gha àghò nɔmbɔ ineʼi we ne Ŋwiye ya nàʼi ine anyumə̀ ne mə̀ ya nɔŋi ìmbum ibo igun ine chàʼra Ŋwiye. Nɔmbɔ ghì we kweg.

Mə̀Hibrù 10:32

Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

2 Pità 1:13

Mə kɔ̀ndi gha, à ya anug chɔm gha mə wendi inug mbo̰ inən ne mə̀ kiri biri izɔm.

2 Pità 1:15

Mə biri kirə ika ni ghì gha anyumə̀ ne mə̀ fə sàŋi isəg, mbə̰ biri ya wènde inug mbo̰ mà nyumə̀ ijìm.

2 Pità 3:1

Ìmbum məfi fɔrɔ ìtum njàbi ne mə̀ taŋ kɔ̀ŋ, àŋwàʼrì azo̰ ne mə̀ ŋwàʼri inən anìŋ ya àŋwàʼrì ne pè ane ibe. Inga ìŋwàʼrì mbo̰ ibe, mə fə kirə ika ni nɔ̀rì ìwən ikɔndi ni ghì gha mbə̀ wendi inug ijìm mbe ne mbə̀ ya fə bi kyèri ane fìŋ zḛ zḛ.

2 Pità 3:17

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ fə bì kyèri awən anug azo̰. Mbə̀ we awən imbə̀ʼ icheg ne bəd mbe ne chəyi mbi kyeri mə̀nɔ̀ʼɔ̀ mbe kə̀bə̀ ni fèbrì awən. Àmə chəyi mbə̀ we awən nji mbə̰ biri fèbè, nim bə̀ sam àzən asiŋi ze ne mbə̀ kə fə təmi kà igun.

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.

2 Jɔn 1:2

Mə kɔ̀ŋ awən ane imbə̀ʼ icheg ne tesiʼ imbə̀ʼ Ŋwiye we inga ina. Tesiʼ we biri bə yaʼ tì ina ane ighə̀m imɔʼ.

Jûd 1:17

Ane, ìmbum mə̀sə̀ʼ ne mə̀ taŋ kɔ̀ŋ, mbə̀ wendi anug ne bədtɔm ìmbi ìwa Anɔŋisəg Yeso Kristo ya gha.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.

Jûd 1:5

Ka mbə̰ ya fə kyeri awən inug mbo̰ ijìm, mə̀ ya anìŋ ywìrè wènde inən. Mbə̀ wendi gha, Anɔŋisəg ya pumni mə̀Izre ikye abo abə mə̀Ijìb, bə̀ ywìrì kiri nimni mə̀Izre mbe ne chəyi mbi ya zi ibḛfiŋ igun məd.