2 Pità 1:1 - Ikan feg

¹ À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Meta’

¹ À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

2 Pità 1:1 ပူးပေါင်းရင်းမြစ်များ

Matìyò 10:2

Tikum bədtɔm Kristo mbe ìghum chɔ̀b ibe ya: Ìwi mbègtog ya Sayimùn we ne mbe kàrà ane Pità tì ifi məd Andrò, tì Jem fɔrɔ Jɔn ne ya bɔn ìmbi Zebedì

Matìyò 4:18

Icheg ne Yeso yaya yḛ̀ iban atəŋ ze a Galìli, wì ya bàd məfi mɔ̀ʼɔ məbe. Ifibì ya Sayimùn we ne mbi yaya kàrà ane Pità. Ìywin ya Andrò. Mbɔb yaya màʼà kyə̀ inga igyi tìbà we imbə̀ʼ icheg ne àzɔb atog àfàʼì yaya ni gwì àgweg.

Lk 1:47

Àmə azwighi ze bə̀ gyènde tì Ŋwiye ne pùmnə amə.

Lk 11:49

Ŋwiye ya fə we yi ni ghà imbə̀ʼ anug azo̰ gha, ‹Mə biri chà bədkə̀n tì bədtɔm inɔb. Mbi biri zweti ìmbi mɔ̀ʼɔ bə̀ chɔʼ ibɔʼì ighog abə mə̀mbin.›

Jn 1:42

Ane, Andrò ya niŋ aməd ghò abə Yeso. Yeso ya nèn Sayimùn, si ghà ibo gha, “Ìwe ikum ya Sayimùn, ŋwan Jɔn, si ya gha, mbi biri se kàrà awe ane Sefàs.”

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 20:21

Yeso ya ywìrì gha, “Mbə̀ chughi ane àbɔrɔ̀bɔd! Icheg ne ìmə Mbaʼ ya cha, mə̀ ya anìŋ bə̀ chà awən.”

Ɨ̀fàʼì 15:14

Sayimùn fə tòʼrì icheg ne Ŋwiye ya fə bi chwi gha zìye bèrì fìŋ igun bəd ne kayi mə̀Ju. Ŋwiye ghì ane icheg ne wì chɔ̀ʼi bəd nɔʼ nɔʼ abɔ̀ʼ inɔb niŋ ane ìmbi bəd.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 1:12

Anug ze ne mə̀ kə̀bə̀ ni ghà ya gha, tì wete ìwa ibḛfiŋ mba mba. Mbə̀ wete amə, mə̀ bə̀ wètì awən.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 15:9

Mo ya wə̀dtɔm Kristo ne kə chè bədtɔm Kristo məjìm. Chəyi mə̀ bi kòʼ ni gha mbe kàrà amə ane wə̀dtɔm Kristo imbə̀ʼ icheg ne mə yaya chɔ̀ʼɔ ibɔʼì ighog abə ifeti bəd Ŋwiye.

1 Kɔrèn 9:1

Imbə̀ʼ mo we amə ane ìmə ighəm? Mo kə kayi wə̀dtɔm Kristo? Imbə̀ʼ mə fə bàra Yeso, ìwa Anɔŋisəg? Imbə̀ʼ mbə̰ fə bḛ Anɔŋisəg imbə̀ʼ icheg ne mə fàʼà ane ìmə fìŋ ijìm?

2 Kɔrèn 4:13

Tì bèrì ibḛfiŋ imɔʼ tì wə̀d we ne ya ŋwàʼri inga Àŋwàʼrì Ŋwiye gha, “Mə bḛ, ane, mə fə bə̀ ghàm.” Mba ina bə̀ bḛ, ane, tì we bə̀ ghàmà.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 2:8

Aton ya gha, Ŋwiye we ne ya nàʼi ika abə Pità chà aməd gha wì yaʼ wə̀dtɔm abə mə̀Ju, à ya məd bə nàʼ ika inum bə̀ chà amə gha mə yaʼ wə̀dtɔm abə bəd mbe ne kayi mə̀Ju.

Efesùs 3:5

Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

Efesùs 4:5

Anɔŋisəg ya məyi imɔʼ. Ibḛfiŋ ya məyi imɔʼ. Anug ni niŋ mənib ya bə̀ məyi amɔʼ.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

1 Pità 1:1

À ya mo Pità, wə̀dtɔm Yeso Kristo ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye chɔ̀ʼi, ne yaʼi mə̀Ju mbe ne sàka ghò inga Pontùs, tì Gàlesìyà, tì Kàpàdosìyà, tì Esìyà fɔrɔ Bìtinìyà.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 2:7

Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.