2 Kɔrèn 9:8 - Ikan feg

⁸ Ŋwiye we tì wì nàʼ ighi inən abu abu ne che mbe ne mbə̀ kòʼi ni bèrì ni ghì gha mbə biri se ghàpà ighi abə bəd ndəŋ.

Meta’

⁸ Ŋwiə̀ we tɨ̀ wɨ̀ nàʼ ɨghɨjìm ɨ nən chè mbe nɨ mbə̀ kəbɨ, ɨmbə̀ʼ mbə̀ berɨ ɨghɨjìm ənɨ mɨ̀nyùmə̀ jìm ɨmbə̀ʼ mbə̀ bɨ nàʼ ni mbɨ ghɨ̀ ɨnû chɔ̀m əŋgu.

2 Kɔrèn 9:8 ပူးပေါင်းရင်းမြစ်များ

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

2 Kɔrèn 13:3

Icheg ne mbə̰ mbe kə̀bə̀ aneni ne chwìye gha ìngam we ne mə ghàmà ya ngàm ne nɔ̀ʼi abə Kristo, mə biri chwi inən. Anyumə̀ ne Yeso we ghìyə̀ inug inən, chəyi we bɔ̀ri. Wì ya fàʼà inən kwàʼ tì ika.

2 Kɔrèn 8:19

À ya tifeti bəd Ŋwiye chɔʼi aməd gha we yaʼ abɔ̀ʼ ina icheg ne tì niŋi ighi mbe ne mbə nàʼi ni ghò a Jerusalèm. Aŋa ya àfàʼì ne nàʼà ighumni abə Anɔŋisəg. Ighi mbo̰ ne mbə naʼi ya bə̀ chwìye gha tè bèrì fìŋ chɔm ni wètì bəd.

2 Kɔrèn 8:2

Mbi ya chè inga ngəʼ ne taŋ kà, si ya gha, igyendi ya sweg inga ìtɔb fìŋ. Àze ya ghì gha mbɔb ya ghàpà ìmbɔb ighi, ka mbɔb ya yaʼ bəd ne chəyi àzɔb.

2 Kɔrèn 8:7

Mbə̀ nḛ gha mbə̰ mbe kwèghe ane inug ijìm: kə̀ àkə ane ibḛfiŋ, kə̀ ane ìwən ìngam ichug, kə̀ ane anug ni kyeri inug, kə̀ ane anug ni nɔ̀ŋɔ̀ fìŋ ni wètì bəd, fɔrɔ ane icheg ne mbə kɔ̀ŋɔ̀ awa. Mbə̀ bə kweg ane anug ni ya nàʼà ighi wètè bəd.

2 Kɔrèn 9:11

E! À ya ane! Ŋwiye biri ghì mbə bèrì ighi ijìm ne mbə̀ koʼi ni bèrì ni gha mbə biri ya ghàpà abə bəd mà nyumə̀ ijìm. Anyumə̀ ne tì biri niŋ ighi mbe ne mbə̀ nàʼi ghò nàʼ abə bəd ne chəyi mbi beri, mbi biri se nàʼà məyakà abə Ŋwiye.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 3:20

À ya Ŋwiye nàʼi ika we ne fàʼà inga ina. Məd we tì wì ghi inug ina ne nɔʼi chè inug ne te bìre ibo kə̀ inug ne te kɔ̀ndɔ.

Fìlipì 4:11

Kayi mə ghàmà anìŋ imbə̀ʼ icheg ne mə cheʼi aghi mɔ̀ʼɔ. Tesiʼ ya gha, mə fə nani icheg ni chughi amə, kə̀ mə bèrì ighi kə̀ chəyi!

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

2 Tès 2:17

wì bə̀ nəri ìtən fìŋ bə̀ nàʼ ika inən ni fàʼ ìfàʼì chɔm ijìm bə̀ ya ghàmà tìngam chɔm mà nyumə̀ ijìm.

2 Timotì 2:21

Wə̀d mə sò ìwi nyɔd waʼ ìmbi inug tibɔ̀ŋ, wì biri yaʼ icheg akaŋ ne Ŋwiye biri niŋ aməd ni fàʼ ijiʼi inug inga. Wì biri fə zen mànì. Mbaʼ àfàʼì məd biri fàʼ tì məd icheg ne wì fə chuʼri ìwi nyɔd ni ghì inug chɔm ijìm.

2 Timotì 3:17

Inug mbo̰ ijìm biri ghì gha wə̀d àfàʼì Ŋwiye taŋ kòʼ ni fàʼ ìfàʼì chɔm ijìm.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.