2 Kɔrèn 9:14 - Ikan feg

¹⁴ Ane, mbi biri se gyènde ni chàʼra Ŋwiye inən bə̀ ya kɔ̀ŋɔ̀ awən imbə̀ʼ ìchɔ̀mì kyen ne Ŋwiye fə ghi inən.

Meta’

¹⁴ Mbɨ bɨrɨ kɔŋgɨ ə Ŋwiə̀ ɨgwɨ nən mbɨ ɨghaʼi ɨŋga tə fîŋ ɨmbə̀ʼ chɔ̀m kyeŋ we nɨ Ŋwiə̀ ghɨ ənɨ ə nən.

2 Kɔrèn 9:14 ပူးပေါင်းရင်းမြစ်များ

Lk 16:9

Mə ghà kwàʼ tesiʼ inən gha, aton ane ìngam gho̰ ya gha, mbə̀ niŋ ighi ikab mbo̰ inga isəg ghì mə̀sə̀ʼ angu. Ze yaʼ ane imbə̀ʼ icheg ne, anyumə̀ ne ighi ikab mbe biri mèg, mbə biri si bèrì asiŋi ni chughi ane ìtḛ̀ ighə̀m imɔʼ.

Rm 1:11

Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

2 Kɔrèn 1:11

Wì biri chì awa icheg ne mbə ya chàʼrà Ŋwiye ina. Àze biri ghì gha bəd nɔʼ nɔʼ biri fɔti ichug ni chàʼra Ŋwiye ina. Ane, Bəd ndan ndàn biri se nàʼà məyakà abə Ŋwiye icheg ne wì zughi ìwɔb ichaʼri, ghì tì chùghi ane àbɔrɔ̀bɔd.

2 Kɔrèn 8:1

Ìmba məfi fɔrɔ ìta njàbi, tì kə̀b gha mbə̀ kyeri ìchɔ̀mì we ne Ŋwiye ghi abə tifeti bəd Ŋwiye te aba aben ze a Màsèdonìyà.

2 Kɔrèn 9:13

Icheg ne mbə̀ nàʼi ighi abə bəd Kristo fɔrɔ abə bəd ndəŋ ni chwi gha mbə̰ mbe zùgrə ikən chɔm imbə̀ʼ Kristo, bəd nɔʼ nɔʼ biri se ghùmnə Ŋwiye.

2 Kɔrèn 9:15

Tè naʼa məyakà abə Ŋwiye imbə̀ʼ ineʼi àka inun we ne wì nàʼi ina.

Fìlipì 1:8

Ŋwiye kyèri gha mə kɔ̀ŋ awən bə̀ kyèri icheg ne mə̀ kə̀bə̀ ni bàd awən mbə̰ məjìm. Ŋwiye bə̀ kyèri gha, mə kɔ̀ŋ awən kwàʼ icheg ne Yeso Kristo kɔ̀ŋ awən.

Fìlipì 2:26

Məd we kə̀bə̀ ni bàd awən mbə̰ məjìm. Wì ya se nyə̀ngi nyəngi ni yeʼe icheg ne mbə̀ ya zughi gha məd we ghɔ̰̀.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

1 Timotì 1:14

Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.