2 Kɔrèn 9:11 - Ikan feg

¹¹ E! À ya ane! Ŋwiye biri ghì mbə bèrì ighi ijìm ne mbə̀ koʼi ni bèrì ni gha mbə biri ya ghàpà abə bəd mà nyumə̀ ijìm. Anyumə̀ ne tì biri niŋ ighi mbe ne mbə̀ nàʼi ghò nàʼ abə bəd ne chəyi mbi beri, mbi biri se nàʼà məyakà abə Ŋwiye.

Meta’

¹¹ Mbə mɨ yeʼə sàŋnə, njɨ Ŋwìə̀ bɨrɨ ghɨ ni mbə̀ berɨ ɨghɨ nɔnɔʼ ənɨ ɨkwɨ ɨnə̂njɨ̀ jìm. Ɨsaŋnɨ we bɨrɨ ghɨ ni bə̂d mɨ̀nɔnɔʼ che ənjìm na nàʼ məben-əwe əmbɨ ə Ŋwiə̀.

2 Kɔrèn 9:11 ပူးပေါင်းရင်းမြစ်များ

Matìyò 20:15

Àkə chəyi mə̀ beri ika ni ghì icheg ne mə̀ kəbi tì ìmə ikab? Kə̀ àghò wa kə ghìyə̀ àdeg imbə̀ʼ icheg ne mə ghìyə̀ ìchɔ̀mì nàʼà ighi abə bəd abu abu?›”

Matìyò 25:17

À ya bə̀ ane ne wə̀d àfàʼì we ne ya niŋi ìbàn ikab gol ibe ya bə̀ ghò ghì iywin, bə̀ jəg njìm ìbàn ndəŋ ibe.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 1:5

Məd fə nàʼ tineʼi inən ane inɔnjì ijìm icheg ne mbə̀ yaʼi ane ifɔti tì Kristo. Məd fə ghì anìŋ ni gha mbə̀ gha inug ijìm mbe ne məd kə̀bi gha mbə̀ gha. Məd bə̀ ghì gha mbə̀ kyeri inug ijìm mbe ne məd kə̀bi gha mbə̀ kyeri.

2 Kɔrèn 1:11

Wì biri chì awa icheg ne mbə ya chàʼrà Ŋwiye ina. Àze biri ghì gha bəd nɔʼ nɔʼ biri fɔti ichug ni chàʼra Ŋwiye ina. Ane, Bəd ndan ndàn biri se nàʼà məyakà abə Ŋwiye icheg ne wì zughi ìwɔb ichaʼri, ghì tì chùghi ane àbɔrɔ̀bɔd.

2 Kɔrèn 4:15

Inug mbo̰ ijìm ya ni wètì awən. À ya ni ghì gha icheg ne bəd nɔʼ nɔʼ fə jəghi ane ìchɔ̀mì Ŋwiye, mbi biri taŋ nàʼ məyakà fɔrɔ ighumni nɔ̀ʼ nɔ̀ʼ abə Ŋwiye.

2 Kɔrèn 8:16

Mə we nàʼà məyakà abə Ŋwiye imbə̀ʼ icheg ne wì ghì Tayitùs se kɔ̀ŋɔ̀ awən icheg ne mə bə kɔ̀ŋ.

2 Kɔrèn 8:19

À ya tifeti bəd Ŋwiye chɔʼi aməd gha we yaʼ abɔ̀ʼ ina icheg ne tì niŋi ighi mbe ne mbə nàʼi ni ghò a Jerusalèm. Aŋa ya àfàʼì ne nàʼà ighumni abə Anɔŋisəg. Ighi mbo̰ ne mbə naʼi ya bə̀ chwìye gha tè bèrì fìŋ chɔm ni wètì bəd.

2 Kɔrèn 9:12

Ane, ighi ne mbə biri nàʼ biri fàʼ inug ibe: Mbi biri ghì bəd ne chəyi mbi kə beri mbi bèrì, bə̀ ghì bəd se nàʼà məyakà abə Ŋwiye ane igyendi.