2 Kɔrèn 8:9 - Ikan feg

⁹ Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Meta’

⁹ Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

2 Kɔrèn 8:9 ပူးပေါင်းရင်းမြစ်များ

Matìyò 17:27

Si ya gha, ni ghì gha imbə̀ʼ bəd nɔ̀ʼ gaŋ tì ina, ndò gho màʼ saʼ inga atəŋ gwì su. Niŋ su mbègtog ze ne àghò gwi, fìʼì ichug məd, àghò biri bàd ikab inga. Chìye ikab we ghò nàʼ inɔb atog ine bə̀ fɔrɔ atog inum.”

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 8:20

Yeso ya ywìtì gha, “Ìchɔb bèrì ìmbɔb isiŋi chughi, tìnən bə̀ bèrì ìtɔb kàn, àsi Ŋwan Wə̀d, chəyi wì beri achan.”

Mk 6:3

Imbə̀ʼ wə̀d gho̰ ya ŋwan Kəpindà, ŋwan Mèri? Imbə̀ʼ məfi məd ya Jem tì Jòseb tì Judàs fɔrɔ Sayimùn? Imbə̀ʼ njàbi məd te aŋa tì ina?” Mbi ya biri ane, to̰ awɔb ni bḛ inug məd.

Lk 16:11

Ane, Àkə mə̀ chəyi mbə̀ nyimi ighi ikab mbe igun isəg aŋa icheg chɔm, wə̀d ne biri si nàʼ ijiʼi ighi ikab inən àkə we?

Lk 2:7

Wì ya fɔ̀d ŋwan mbaŋà, nib ane iba ndwi, zì inga fikuʼì ne mbe jə nyam icheg ne chəyi atog nəb mɔ̀ʼɔ ya yaʼi inɔb ni chughi inga.

Lk 8:3

Tì Jòwanà iweg ìwi Chuzà. Chuzà gho̰ ya yaʼ wə̀d àfàʼì kyen inga nəb Erɔ̀d. Sùsanà fɔrɔ mə̀yi ndəŋ ndan ndàn yaya bə̀ angu. Mə̀yi mbo̰ yaya wètè Yeso tì mə̀mə̀nənùg məd inga ìmbɔb ìbàn.

Lk 9:58

Yeso ya ywìtì ibo gha, “Ìchɔb bèrì ìmbɔb isiŋi neghi, tìnən bə̀ bèrì ìtɔb kàn. Àsi Ŋwan Wə̀d, chəyi wì beri asiŋi ni zəʼrə.”

Jn 1:10

Məd ya yaʼ inga isəg gho̰ ne Ŋwiye ya che anjìm məd tàngi. Si ya gha, chəyi bəd ya kyeri wə̀d ne məd yaʼi ìwiwən.

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Jn 12:30

Yeso ya gha, “Gì ìzo̰ ghàm anìŋ, imbə̀ʼ awən, kayi imbə̀ʼ amə.

Jn 16:15

Ighi ijìm mbe ne ìmə Mbaʼ beri ya bə̀ ìmbum. À ya aton ze ne mə gha, Azwighi Ŋwiye biri ya nìŋə inug mbe ne mə ghà ibo, se ghà inən.

Jn 17:19

Mə ya zì àmə atog ane àze àfàʼì ni ghì gha mbɔb inɔb bə taŋ zì àzɔb tì atog ane àze àfàʼì.”

Rm 11:12

Àmə yaʼ ne inug tibɔ̀ŋ mə̀Ju fɔrɔ icheg ne mbɔb ya to̰ awɔb Ŋwiye ya ghi bəd ne kayi mə̀Ju jəg ìchɔ̀mì, àze chwi gha, Ŋwiye biri ghì mə̀Ju taŋ jəg ìchɔ̀mì anyumə̀ ne mbɔb məjìm fɔti abɔ̀ʼ bəd ne kayi mə̀Ju ni bḛ Ŋwiye.

Rm 15:3

Chəyi Kristo yaya ghìyə̀ məyi inug ne biri bɔ̀ŋ ibo. A ze inga Àŋwàʼrì Ŋwiye gha: “Àzɔ̀mbì ze ne bəd ya zɔ̀mbi awe ze yèʼe igun inum.”

Rm 5:8

Àsi Ŋwiye, wì chwi gha zìye kɔ̀ŋ awa icheg ne Yeso Kristo ya ku ina atog ne tì yaya kiri ghiyə inug tibɔ̀ŋ.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

1 Kɔrèn 1:4

Mə ya nàʼà məyakà abə Ŋwiye mà nyumə̀ ijìm ane ìchɔ̀mì we ne məd che anjìm Yeso Kristo ghì inən.

1 Kɔrèn 15:47

Ŋwiye ya tangi mbaŋà mbègtog ane ìseg ze igun isəg. Wə̀d we ne ya si yèʼe anjìm, wì nɔ̀ʼ yaʼ ikaŋ àbɔ̀ŋɔ.

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 3:19

Mə we bə̀ chàʼrà Ŋwiye gha mbə̀ kyeri gha, icheg ne Kristo kɔ̀ŋi awən we chè icheg ne tì bəd kyeri. Mbə̰ mə̀ taŋ kyèri icheg ne wì kɔ̀ŋi awən, nji ìwən ikuchèg biri si yaʼ icheg ìwi Ŋwiye.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Mə̀Hibrù 1:2

Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 21:7

Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.