2 Kɔrèn 8:7 - Ikan feg

⁷ Mbə̀ nḛ gha mbə̰ mbe kwèghe ane inug ijìm: kə̀ àkə ane ibḛfiŋ, kə̀ ane ìwən ìngam ichug, kə̀ ane anug ni kyeri inug, kə̀ ane anug ni nɔ̀ŋɔ̀ fìŋ ni wètì bəd, fɔrɔ ane icheg ne mbə kɔ̀ŋɔ̀ awa. Mbə̀ bə kweg ane anug ni ya nàʼà ighi wètè bəd.

Meta’

⁷ Tɨ̀nîn, ɨchî nɨ mbə̀ yeʼ ɨmbì ənɨ ɨnû jìm, əne yɨ ənɨ ɨbenɨ, ənɨ ɨŋgam, ənɨ ɨkyerɨ ɨnû, ənɨ ə fîŋ chɔ̀m nɨ weerɨ bə̂d bə̀ fɔrɨ ənɨ ɨghaʼi we nɨ mbə̀ ghaʼ əwa, mbə̀ zə ni mbə̀ bə yeʼ ɨmbì ənɨ ənû nɨ saŋnɨ.

2 Kɔrèn 8:7 ပူးပေါင်းရင်းမြစ်များ

Matìyò 25:22

Wə̀d àfàʼì we ne ya niŋi ìbàn ikab gol ibe ya bə̀ nyi ghò ghà mbaʼ àfàʼì we gha, ‹Masà, àghò ya nàʼ ìbàn ikab gol inum ibe. Nḛ, mə fə jəg njìm ìbàn ndəŋ ibe.›

Rm 15:14

Ìmbum məfi fɔrɔ ìtum njàbi, mə we tə̀rə̀ mə imbə̀ʼ awən imbə̀ʼ fìŋ chɔm ze ne mbə̀ beri fɔrɔ imbə̀ʼ icheg ne mbə̀ fə kyeri inug nɔʼ nɔʼ. Mbə̰ inən mbe tì mbə̀ se chwìte inug abə mə̀mbin.

1 Kɔrèn 1:5

Məd fə nàʼ tineʼi inən ane inɔnjì ijìm icheg ne mbə̀ yaʼi ane ifɔti tì Kristo. Məd fə ghì anìŋ ni gha mbə̀ gha inug ijìm mbe ne məd kə̀bi gha mbə̀ gha. Məd bə̀ ghì gha mbə̀ kyeri inug ijìm mbe ne məd kə̀bi gha mbə̀ kyeri.

1 Kɔrèn 12:13

Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 13:8

Chəyi àkɔ̀ŋì biri nɔʼ mèg. Àsi ineʼi ni ghà ikən Ŋwiye, wi biri mèg. Ineʼi ni ghàm tìngam aku aku biri bə mèg. Ineʼi ni kyeri inug biri bə mèg.

1 Kɔrèn 14:12

Icheg ne mbə̰ mbe kə̀bə̀ ni beri tineʼi te ne Azwighi Ŋwiye ze nàʼà, mbə̀ kirə ika ijìm ni taŋ bèrì yaʼ tineʼi te ne biri wètì gha ifeti bəd Kristo ijìm təm kà.

1 Kɔrèn 4:7

Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

2 Kɔrèn 7:7

Aghi ni ya ghi awa tì gyèndi kayi məyi icheg ne məd ya yèʼe, à ya fɔrɔ imbə̀ʼ icheg ne məd ya pe ghà ina gha mbə̰ ya nɔ̀ri fìŋ məd. Tayitùs ya mə̀tì ina gha: Mbə̰ mbe taŋ kə̀bə ni bàd amə. Mbə̰ mbe sɔ̀mnɔ̀ imbə̀ʼ amə. Mbə̰ fə bə̀ chùʼri ìwən nyɔd ni zugrə mə. Ane, mə we taŋ gyènde amad anìŋ.

2 Kɔrèn 8:6

Ane, tì ya boʼ ibo abə Tayitùs we ne ya ko àfàʼì azo̰ gha wì chè imbìghè ghì mbə̀ mana anug ni feti ighi mbe ne mbə̀ beri ni nàʼ.

2 Kɔrèn 9:14

Ane, mbi biri se gyènde ni chàʼra Ŋwiye inən bə̀ ya kɔ̀ŋɔ̀ awən imbə̀ʼ ìchɔ̀mì kyen ne Ŋwiye fə ghi inən.

2 Kɔrèn 9:8

Ŋwiye we tì wì nàʼ ighi inən abu abu ne che mbe ne mbə̀ kòʼi ni bèrì ni ghì gha mbə biri se ghàpà ighi abə bəd ndəŋ.

Efesùs 4:29

Imbə̀ʼ mbə̰ ghama awən ìngam tibɔ̀ŋ. Mbə̀ ghama yaʼ tìngam chɔm ne biri ghì mbə kweg, bəd ndəŋ ne biri zug tìngam te bə̀ kweg.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 1:9

Mə ya chàʼrà Ŋwiye inən gha, mbə̀ che imbìghè ni kɔ̀ŋ ìmbən məfi fɔrɔ ìtən njàbi, bə̀ chè imbìghè ni kyeri tesiʼ imbə̀ʼ Ŋwiye. Mə ya bə̀ chàʼrà Ŋwiye inən gha, mbə̀ kyeri inug ne yaʼi inug chɔm bə̀ kyèri inug ne yaʼi inug tibɔ̀ŋ.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

2 Timotì 2:1

Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo.

Mə̀Hibrù 12:28

Ane, icheg ne te nìŋə anug ìfɔ̀n ne chəyi tì aghi mɔ̀ʼɔ ghì ze ghùd, tì ya nàʼà məyakà abə Ŋwiye bə̀ se ghùmnə aməd ane icheg ne koʼi. Tì ya ghùmnə ane nè bɔ Ŋwiye inga ìta fìŋ.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

Ɨnû 3:17

Àghò we gha, ‹Mo ya wə̀d ighi. Mə bèrì ighi nɔʼ nɔʼ. Chəyi mə̀ cheʼi aghi mɔ̀ʼɔ›. Si ya gha, chəyi àghò kyèri gha àghò ya wə̀d ngəʼ, ne bəd mbe nḛ̀ kə̀nə̀. Chəyi àghò bə kyèri gha àghò ya wə̀d fum ne yaʼi ifəg bə̀ yaʼ tì ìkyèri ikye.