2 Kɔrèn 8:23 - Ikan feg

²³ Tayitùs ya yi wə̀d ne tè fɔrɔ fàʼà ni wètì awən. Àsi məfi mbin ne yaʼi abɔ̀ʼ məd, mbɔb ya bəd ne ìwɔb ikuchèg kòʼi imbìghè abə Kristo. À ya tifeti bəd Ŋwiye bə chà awɔb.

Meta’

²³ À yeʼ ɨmbə̀ʼ ə Taitùs, məd wɨə fàʼə̀ mbɨ num ɨchî nɨ tɨə fàʼ ɨ nən ɨnɔ̂n. À yeʼ ɨmbə̀ʼ mba bɔŋgɔb, à yɨ tɨfetɨ bə̂d Kristo tom mɨ̀mə̌d. Ɨ mbɨə ghɨ̀ ni Kristo berɨ ɨwumnɨ.

2 Kɔrèn 8:23 ပူးပေါင်းရင်းမြစ်များ

Lk 5:10

Anug ze ya chè Jem tì Jɔn, bɔn ìmbi Zebedì ne yaya fàʼà tì Sayimùn. Yeso ya ghà abə Sayimùn gha, “Imbə̀ʼ àghò bɔ awe, ni ko tèchɔ̀ŋ se ghò imbìghè, àghò biri se ghìyə̀ gha bəd se yèʼe abɔ̀ʼ inum.”

Lk 5:7

Mbi ya nəpi mə̀mbin inga àzin tì abaŋ igyi gha mbe yeʼe wètì awɔb. Mbi ya ghò chì su ti sweg inga ibaŋ igyi mbe ibe. Ibaŋ igyi mbe ya nìd se kə̀bə̀ ni nyi aton igyi.

Jn 13:16

Mə gha tesiʼ inən gha, chəyi ŋwan àfàʼì we kweʼè chè mbaʼ àfàʼì məd. Chəyi wə̀d ne mbi tɔmi aməd we bə̀ kweʼè chè wə̀d ne tɔmi aməd.

1 Kɔrèn 11:7

Chəyi mbaŋà kòʼi ni kəndi àzi atog imbə̀ʼ icheg ne məd ya icheg Ŋwiye. Məd we bə̀ chwìye ighumni we ne Ŋwiye bèri. Àsi àyi, wì ya chwìye ighumni we ne mbaŋà bèri.

2 Kɔrèn 12:18

Mə ya boʼ ibo abə Tayitùs gha wì yèʼe mùg awən. Mə ya bə̀ chà ìwa ifi tì məd. Mə kyèri gha chəyi Tayitùs ya jəg awən. Imbə̀ʼ mba tì Tayitùs yaya fɔrɔ fàʼà ane fìŋ imɔʼ?

2 Kɔrèn 7:6

Si ya gha, Ŋwiye we ne nə̀rə fìŋ abə bəd ne beri ibəʼ ya nəri ìta fìŋ anyumə̀ ne Tayitùs ya yèʼe.

2 Kɔrèn 8:16

Mə we nàʼà məyakà abə Ŋwiye imbə̀ʼ icheg ne wì ghì Tayitùs se kɔ̀ŋɔ̀ awən icheg ne mə bə kɔ̀ŋ.

2 Kɔrèn 8:18

Tì we bə cha ìwa ifi ndəŋ tì Tayitùs. Ìwa ifi gho̰ ya wə̀d ne mbe ghùmnə aməd inga tifeti bəd Ŋwiye tijìm, gha məd we chètè ikən chɔm.

2 Kɔrèn 8:19

À ya tifeti bəd Ŋwiye chɔʼi aməd gha we yaʼ abɔ̀ʼ ina icheg ne tì niŋi ighi mbe ne mbə nàʼi ni ghò a Jerusalèm. Aŋa ya àfàʼì ne nàʼà ighumni abə Anɔŋisəg. Ighi mbo̰ ne mbə naʼi ya bə̀ chwìye gha tè bèrì fìŋ chɔm ni wètì bəd.

2 Kɔrèn 8:22

Tì we chà ìwa ifi ndəŋ abɔ̀ʼ mbi Tayitùs. Tè fə zweʼri aməd inga inug nɔʼ nɔʼ bə̀ bàd gha wì bèrì fìŋ chɔm ni wètì bəd. Məd we se kə̀bə̀ ni wètì awən imbə̀ʼ icheg ne məd kyeri bəd ne mbə̀ yaʼi mbiwən.

2 Kɔrèn 8:6

Ane, tì ya boʼ ibo abə Tayitùs we ne ya ko àfàʼì azo̰ gha wì chè imbìghè ghì mbə̀ mana anug ni feti ighi mbe ne mbə̀ beri ni nàʼ.

Fìlipì 2:25

Anug ne mə kɔ̀ndɔ ya gha, ze bɔ̀ŋ gha mə̀ ywirì chà Èpàfròditùs abɔ̀ʼ inən. Məd ya ìmə ifi ne te fɔrɔ fàʼà bə̀ yaʼ icheg sogyì icheg inum ne te fɔrɔ zɔ̀ŋɔ̀ ane anug Kristo. Məd ya bə̀ ìwən wə̀d ne mbə̀ ya cha gha wì yeʼe wètì amə.

Fìlipì 4:3

E! mə we bə̀ gha ine, àghò ne fàʼà tì inum ane ìze fìŋ ijìm gha àghò wete mə̀yi mbo̰ ghì mbe mana àzɔb achɔb. À ya mə̀yi ne yaya kìrə ika fàʼà tì inum anyumə̀ ne mə̀ yaya chètè ikən chɔm imbə̀ʼ Kristo. Anyumə̀ we, tì yaya fàʼà tì Klemèn fɔrɔ bəd àfàʼì ndəŋ. Ìtɔb tikum ti inga àŋwàʼrì ze ne mbi ŋwàʼrì tikum bəd mbe ne biri jəg ìtḛ̀.

Kòlosè 1:7

Mbə̰ ya zug anug imbə̀ʼ ìchɔ̀mì Ŋwiye abə Epafràs. Məd ya wə̀d àfàʼì icheg ina. Tè kɔ̀ŋ aməd. Məd ya fàʼà abə Kristo atog ina tì ìzi fìŋ ijìm.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

2 Timotì 4:10

imbə̀ʼ icheg ne Demàs fə waʼ amə ghò yi a Tèsàlonikà. Məd ghò angu imbə̀ʼ icheg ne wì kɔ̀ŋ inug igun isəg gho̰. Kresèn fə ghò a Gàlesìyà. Tayitùs fə ghò a Dàmatìyà.

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.

Filemɔ̀n 1:17

Ane, àghò mə kyèri gha mo ya bə̀ wə̀d àfàʼì Kristo icheg ine, àghò ywiri niŋ aməd kwàʼ icheg ne nji àghò kə̀ niŋ amə.

Filemɔ̀n 1:24

Mag tì Àristakùs tì Demàs fɔrɔ Lug ne yaʼi bəd àfàʼì Kristo icheg inum mbe bə̀ chàʼrà awe.

3 Jɔn 1:8

À ya mba bəd Kristo mənyìʼ wètì awɔb nàʼ ighi inɔb. Tì mə ghì ane, ze chwi gha tè fɔ̀ti tì inɔb bə̀ fàʼ àza tì àfàʼì ni chètì tesiʼ.