2 Kɔrèn 8:10 - Ikan feg

¹⁰ Ikə ne mə̀ biri nàʼ ya gha: Ze biri bɔ̀ŋ gha mbə mana anug ze ne mbə̰ ya ko fituʼ. Mbə̰ ya yaʼ bəd mbègtog ni yaya kə̀bə̀ ni wètì wə̀d ijìm. Mbə̰ ya bə̀ yaʼ bəd mbègtog ni ghì ane.

Meta’

¹⁰ Ɨkə we nɨ mə̀ berɨ nɨ naʼ ɨ nən ɨmbə̀ʼ ənû zɔ̂ yɨ ni: zɨə kùʼ ni mbə̀ maanɨ ənû ze nɨ mbə̀ nyaʼa be kɔ əghəm əwu. Mbə yɨə bə̂d rɨtu nɨ nyaʼa be kəb wèèrɨ̀. Mbə yɨə bə̀ ə bə̂d rɨtu nɨ nyaʼa ghɨ əne.

2 Kɔrèn 8:10 ပူးပေါင်းရင်းမြစ်များ

Matìyò 10:42

Wə̀d ne nàʼi ka bèyi toʼ mənib abə ŋwan kwa kwa mɔ̀ʼɔ abɔ̀ʼ mbo̰ imbə̀ʼ icheg ne à ya àmə àmə̀nənùg, mə ghà tesiʼ inən gha, chəyi wì biri nim ìzi chùd.”

Jn 11:50

Chəyi mbə̀ kyeri gha, ze bɔ̀ŋ gha wə̀d imɔʼ ku atog abə bəd məjìm chè icheg ni gha mbe nimni àza aben ajìm?”

Jn 16:7

Mə gha tesiʼ inən gha, mə̀ ya ghò anìŋ imbə̀ʼ mbə̀ jəghə ìchɔ̀mì. Àmə chəyi mə̀ gho, chəyi Àwètìbə̀d biri yeʼe. Ane, mo mə̀ ghò, mə biri chà aməd wì yèʼe.

Jn 18:14

À ya Kayifàs ya ghum nàʼ ikə abə mə̀Ju gha, ze biri bɔ̀ŋ gha wə̀d imɔʼ ku atog abə bəd məjìm.

1 Kɔrèn 10:23

Bəd mɔ̀ʼɔ mbe gha, “Tì we tì tì ghi inug ijìm.” Si ya gha, kayi inug mbe ijìm ne biri wètì awa. “Tì we tì tì ghi inug ijìm,” si ya gha, kayi inug ijìm mbe ghìyə̀ ibḛfiŋ wə̀d tə̀mə kà.

1 Kɔrèn 16:2

Anug ne mə̀ ya gha ya gha, ineg Sɔndè ijìm, wə̀d imɔʼ imɔʼ abɔ̀ʼ inən chi inun ikab mɔ̀ʼɔ inga we ne wì fàʼi nɔ̀ŋì, ni gha anyumə̀ ne mə̀ yèʼe, chəyi tì biri ywiri chɔ̀pì ikab we.

1 Kɔrèn 6:12

Wə̀d we tì wì gha, “Mə we tì mə ghì inug ijìm.” A ze yi ane, si ya gha, chəyi tì inug ijìm wètì wə̀d. Mə kyèri gha, “Mə we tì mə ghì inug ijìm.” Si ya gha, kayi inug ijìm ne tì mə ghì biri wètì amə. Mə we tì mə ghì inug ijìm. Si ya gha, chəyi aghi mɔ̀ʼɔ biri ghì mə bə̀ŋə̀ ane àbòʼì.

1 Kɔrèn 7:25

Amad anìŋ, mə kə̀b ni ghàm imbə̀ʼ bɔn àyi mbe ne chəyi mbi kiri nami. Chəyi Anɔŋisəg nàʼ ikə mɔ̀ʼɔ inum gha mə gha inən imbə̀ʼ awɔb. Si ya gha, mə biri nàʼ yaʼ àmə ikɔndi icheg wə̀d ne Anɔŋisəg dìgri igun inum ghì mə yaʼ wə̀d ne tì mə ghà anug mbə bḛ.

1 Kɔrèn 7:40

Ane àmə ikɔndi, àyi we mə̀ chùghi yi ane, wì biri ya taŋ gyènde chè icheg ne nji wì kə̀ ywìrì nam. Mə kɔ̀ndi gha, à ya Azwighi Ŋwiye ze ne bə yaʼ inga inum ze ghi mə ghàm inug mbo̰.

2 Kɔrèn 12:1

Mə bèrì ikɔmi igo, ka chəyi jiʼì chùd mɔ̀ʼɔ inga. Mbə̀ si mə̀ məti inug ne Anɔŋisəg ya chwi inum inga anatì njə̀m fɔrɔ mbe ne wì ya ghi mə kyeri.

2 Kɔrèn 8:6

Ane, tì ya boʼ ibo abə Tayitùs we ne ya ko àfàʼì azo̰ gha wì chè imbìghè ghì mbə̀ mana anug ni feti ighi mbe ne mbə̀ beri ni nàʼ.

2 Kɔrèn 8:8

Chəyi mə̀ ghà anug azo̰ inən anìŋ icheg ni gha à ya nɔ̀ʼɔ̀. Mə ya kə̀bə̀ ni nèn gha kə̀ mbə̰ kɔ̀ŋ ni wètì bəd icheg ne tifeti bəd Kristo ìtin bə kɔ̀ŋ?

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.

Fìlipì 4:17

Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.