2 Kɔrèn 7:7 - Ikan feg

⁷ Aghi ni ya ghi awa tì gyèndi kayi məyi icheg ne məd ya yèʼe, à ya fɔrɔ imbə̀ʼ icheg ne məd ya pe ghà ina gha mbə̰ ya nɔ̀ri fìŋ məd. Tayitùs ya mə̀tì ina gha: Mbə̰ mbe taŋ kə̀bə ni bàd amə. Mbə̰ mbe sɔ̀mnɔ̀ imbə̀ʼ amə. Mbə̰ fə bə̀ chùʼri ìwən nyɔd ni zugrə mə. Ane, mə we taŋ gyènde amad anìŋ.

Meta’

⁷ Ka àmei ɨchî nɨ Taitùs nyaʼa yeʼe we nyaʼa nəərɨ əwa. Ɨchî nɨ mbə̀ nyaʼa timbɨ əməd nyaʼa bə̀ nəərɨ əwa. Wɨ̀ nyaʼa ghà ɨ na ɨmbə̀ʼ ɨchî nɨ mbə̀ kəb nɨ zə əmɨ. Wɨ̀ nyaʼa ghà ɨmbə̀ʼ ɨchî nɨ mbə mbɨə kə̀n ɨmbə̀ʼ ɨnû mbe nɨ mbə̀ nyaʼa ghɨ̌. Wɨ̀ nyaʼa bə̀ ghà ɨmbə̀ʼ ɨchî nɨ mbə̀ zɨ ɨka nɨ ghɨ ɨnû mbe nɨ mə̀ nyaʼa gha ɨ nən. Ɨnû mbɔ̂ nyaʼa ghɨ̀ ɨghaʼi swi ɨŋga mɨ fîŋ.

2 Kɔrèn 7:7 ပူးပေါင်းရင်းမြစ်များ

Matìyò 26:75

Ane, Pità ya si wèndi anug ze ne Yeso ya ghà ibo gha, “Bɔŋ inɔm ngub we se tɔ̀ŋɔ, àghò biri fə ton awe aghəm atad gha chəyi àghò kyèri amə.” Icheg ne wì ya wendi ane, wì ya dù ghò isəg dèg se mèʼè məchə.

Matìyò 5:4

Ŋwiye zì àbɔrɔ̀bɔd igun bəd mbe ne sɔ̀mnɔ̀, imbə̀ʼ icheg ne məd biri nəri awɔb kwàʼ zìye zìye.

Lk 22:44

Icheg ne wì ya yaʼi inga ngəʼ kyen, wì ya taŋ chàʼra Ŋwiye ane ìzi fìŋ ijìm. Nìme yaya se dùwə̀ igun məd chə̀mbə aseg kwàʼ icheg anəm.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Rm 1:12

Anug ze ne mə̀ kə̀bə̀ ni ghà ya gha, tì wete ìwa ibḛfiŋ mba mba. Mbə̀ wete amə, mə̀ bə̀ wètì awən.

1 Kɔrèn 5:2

Mbə̀ kə che iye se kɔ̀mɔ̀ igo ane anug ne nji mbə̰ mbe sɔ̀mnɔ̀? À ya anug ne nji mbə̰ kə̀ chì iku wə̀d we inən inga fìghàra.

2 Kɔrèn 1:14

Icheg ne mbə̀ kweʼì kyèri inug mɔ̀ʼɔ imbə̀ʼ awa, mə bèrì ibḛfiŋ gha mbə biri taŋ kyeri awa anyumə̀ ne Anɔŋisəg Yeso biri ywiri yeʼe. Mbə̰ biri se tə̀rə̀ awən imbə̀ʼ awa bə̀ kwàʼ icheg ne tì biri bə se tə̀rə̀ awa imbə̀ʼ awən.

2 Kɔrèn 1:4

Məd we nə̀rə ìta fìŋ anyumə̀ ne tì yaʼi inga aku ngəʼ ajìm. Ane ya ni ghì gha, tì ya bə̀ nə̀rə fìŋ abə mə̀mbin anyumə̀ ne mbɔb bə yaʼ inga aku ngəʼ ajìm icheg ne Ŋwiye we bə̀ nə̀rə ìta fìŋ.

2 Kɔrèn 2:9

Mə ya chà àŋwàʼrì ze inən ni nèn gha kə̀ mbə biri zùgrə tikə te tijìm ne mə̀ nàʼà inən.

2 Kɔrèn 5:2

Ane, tì we chwèmè, sɔ ichug kə̀bə̀ gha nji Ŋwiye nàʼ nyàmnyɔd feg ina ikaŋ àbɔ̀ŋɔ.

2 Kɔrèn 7:6

Si ya gha, Ŋwiye we ne nə̀rə fìŋ abə bəd ne beri ibəʼ ya nəri ìta fìŋ anyumə̀ ne Tayitùs ya yèʼe.

2 Kɔrèn 7:8

Ka àŋwàʼrì ka ka ze ne mə̀ ya cha inən ya ghì awən mbə gaŋ, chəyi mə̀ gha, kyere mə̀ ya sàŋì angu. Ka mə jiʼì gha, kyere, mə kyèri gha àŋwàʼrì ze ghì mbə gaŋ məyi ane iki nyumə̀ kwa kwa.

2 Kɔrèn 8:16

Mə we nàʼà məyakà abə Ŋwiye imbə̀ʼ icheg ne wì ghì Tayitùs se kɔ̀ŋɔ̀ awən icheg ne mə bə kɔ̀ŋ.

Fìlipì 1:20

Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

Kòlosè 2:5

Ka chəyi awum abɔ̀ʼ inən, mbə̀ kyeri gha mə we kɔ̀ndɔ awən mà nyumə̀ ijìm. Mbə̀ bə kyèri gha, mə kɔ̀ŋ ni bàd icheg ne mbə̰ mbe ghìyə̀ inug ne koʼi bə̀ bàd icheg ne ìwən ibḛfiŋ təmi kà igun Kristo.

1 Tèsàlonikà 3:6

Timotì chere pè abɔ̀ʼ ina icheg ne wì nɔ̀ʼi abɔ̀ʼ inən. Wè ghà inug chɔm ina imbə̀ʼ ìwən ibḛfiŋ fɔrɔ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi. Wì bə̀ mə̀tì icheg ne mbə̰ mbe kɔ̀ndɔ awa bə̀ wènde ìmba inug chɔm. Wè mə̀ti icheg ne mbə̰ mbe kə̀bə̀ ni bàd awa icheg ne mba mbe bə̀ kə̀bə̀ ni bàd awən.

1 Tèsàlonikà 3:8

Amad anìŋ ne tì kyeri gha ìwən ibḛfiŋ igun Anɔŋisəg we təm kà, ìta fìŋ fə zùtì.

Mə̀Hibrù 2:1

Ze bɔ̀ŋ gha tì mənyìʼ zì atog taŋ nyìmi inug ijìm mbe ne tì ya zughi ni gha imbə̀ʼ tì nɔ̀ʼ sàŋì se fàʼà yaʼ ìmbi ndəŋ.

Jems 5:17

Èlayijà ya yaʼ wə̀d icheg ina. Wì ya chàʼra Ŋwiye ane fìŋ ijìm gha imbə̀ʼ mbə̀ŋ no yi igun isəg. Ane, chəyi zì ya bə no ane tituʼ titad tì aba.

2 Jɔn 1:4

Mə ya taŋ gyen anyumə̀ ne mə̀ ya bàri gha bəd mɔ̀ʼɔ abɔ̀ʼ ìmbe bɔn mbe bène abɔ̀ʼ tesiʼ kwàʼ icheg ne Ŋwiye ne yaʼi Mbaʼ ya nàʼi ikə ina.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.