2 Kɔrèn 7:11 - Ikan feg

¹¹ Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

Meta’

¹¹ Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

2 Kɔrèn 7:11 ပူးပေါင်းရင်းမြစ်များ

Mk 3:5

Wì ya nḛ̀ awɔb kad chuʼ, gaŋ, ze bə̀ ywìrì taŋ naʼ ngəʼ ibo imbə̀ʼ icheg ne ìtɔb fìŋ ya tu. Wì ya si ghà abə mbaŋà ze gha, “Sème àze abo.” Wì ya sèmì. Ane, abo məd ya ywìrì sèmbè si yaʼ icheg chɔm.

Jn 2:17

Mə̀mə̀nənùg məd ya si wendi icheg ne mbi ya ŋwàʼri imbə̀ʼ aməd gha, “Tèta, icheg ne mə̀ zi atog ni fàʼ inga ìze nəb, à ya anug ne biri niŋ àmə atog.”

Ɨ̀fàʼì 17:16

Icheg ne Pɔl yaya ghɔ̀mɔ̀ Sayilàs tì Timotì a Atèns, wì ya bàd icheg ne mə̀ŋwiye ako ya sweghi inga ikye aben we. Ane, fìŋ məd ya bə inga.

Rm 11:20

À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

Rm 3:5

Si ya gha, ze kə mə̀ chwi gha inug mbe ne te ghìyə̀ ne chəyi mbi koʼi imbìghè abə Ŋwiye ya ni ghì gha bəd bara icheg ne Ŋwiye we ghìyə̀ inug ne koʼi ina, tì si ghà àza gha? Tì tì gha chəyi Ŋwiye we ghìyə̀ inug ina ane icheg ne koʼi anyumə̀ ne wì zi ngəʼ igun ina? (Mə ya ghàmà anìŋ icheg wə̀d-aku.)

1 Kɔrèn 12:25

Ŋwiye ya ghì ane ni gha isiŋi nyɔd imɔʼ imɔʼ ya kyèʼrè mbin, ni ghì gha imbə̀ʼ àghàpì yaʼ yi inga nyàmnyɔd.

1 Kɔrèn 5:13

À ya Ŋwiye biri saʼ bəd mbe ne chəyi awɔb inga ifeti bəd Kristo. A ze inga Àŋwàʼrì Ŋwiye gha, “Mbə̀ kamni bəd mbe ne ghìyə̀ inug izəg chì abɔ̀ʼ inən.”

1 Kɔrèn 5:2

Mbə̀ kə che iye se kɔ̀mɔ̀ igo ane anug ne nji mbə̰ mbe sɔ̀mnɔ̀? À ya anug ne nji mbə̰ kə̀ chì iku wə̀d we inən inga fìghàra.

2 Kɔrèn 13:7

Ìwa ichaʼri Ŋwiye ya gha, imbə̀ʼ mbə̰ nɔ̀ʼ gùg anug. Chəyi te chàʼrà Ŋwiye ane ni chwi gha tè chè àkwàrì. Ka mbə̰ niŋ awa gha tè gùg àkwàʼrì, tì ya chàʼrà Ŋwiye gha, mbə̀ se ghìyə̀ inug chɔ̀m.

2 Kɔrèn 2:6

Icheg we ne bəd nɔʼ nɔʼ abɔ̀ʼ inən fə chə aməd, ze kòʼ ane.

2 Kɔrèn 6:4

Si ya gha, icheg bəd àfàʼì Ŋwiye, tì ya chwìye ane iku inɔnjì ijìm gha, mba ya bəd àfàʼì chɔm: kə̀ àkə inga nyùmə̀ ni nyìʼ, kə̀ nyùmə̀ tiku ngəʼ ijìm, kə̀ nyùmə̀ ne inug mbe kà, kə̀ nyùmə̀ ibəʼ,

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

2 Kɔrèn 7:7

Aghi ni ya ghi awa tì gyèndi kayi məyi icheg ne məd ya yèʼe, à ya fɔrɔ imbə̀ʼ icheg ne məd ya pe ghà ina gha mbə̰ ya nɔ̀ri fìŋ məd. Tayitùs ya mə̀tì ina gha: Mbə̰ mbe taŋ kə̀bə ni bàd amə. Mbə̰ mbe sɔ̀mnɔ̀ imbə̀ʼ amə. Mbə̰ fə bə̀ chùʼri ìwən nyɔd ni zugrə mə. Ane, mə we taŋ gyènde amad anìŋ.

2 Kɔrèn 7:9

Mə we gyènde amad anìŋ. Kayi mə gyènde gha mə ghi awən mbə se sɔ̀mnɔ̀. Mə ya gyènde gha àzən àsɔ̀mnì ghi awən mbə bəŋi ìtən fìŋ sìkì inug tibɔ̀ŋ. Àsɔ̀mnì ze ya Ŋwiye ya ghi. Ane, chəyi tì ghi anug tibɔ̀ŋ mɔ̀ʼɔ inən.

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.

Efesùs 4:26

Imbə̀ʼ wə̀d mɔ̀ʼɔ saŋa yi gha agaŋ ghiyə wì gughə anug. Imbə̀ʼ wə̀d gaŋ yi nèʼre.

Efesùs 5:11

Imbə̀ʼ mbə̰ ziye awən abo ane inug ako mɔ̀ʼɔ mbe ne bəd inga isəg mbe ghìyə̀ inə̀mbi. Mbə̀ toʼo inug mbe asaŋ, bəd bara.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

1 Timotì 5:20

Bəd mɔ̀ʼɔ mə̀ ya ghìyə̀ inug tibɔ̀ŋ ne chəyi mbi bḛ ni bə̀ŋì ìtɔb fìŋ, àghò ghama gaŋ inɔb imbìghè abə bəd Kristo məjìm, ni ghì gha àbùʼì bəd bɔ ni ywìri ghì inug tibɔ̀ŋ.

2 Timotì 2:15

Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Mə̀Hibrù 4:1

Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 1:17

Mbə̀ wendi gha Mbaʼ we ne mbə̰ mbe kàrà anyumə̀ ne mbə̰ mbe chàʼrà Ŋwiye ya wə̀d ne chəyi we ghìyə̀ ighə anyumə̀ ne məd we sàʼa bəd ane ìmbɔb ìfàʼì. Ane, mbə̰ ne yaʼi bəd tìsɔ̀ʼ igun isəg aŋa, mbə̀ se ghùmnə aməd ane ìwən ikuchèg ane nyumə̀ we ne mbə̀ kiri beri ni chughi igun isəg.

1 Pità 2:2

Mbə̀ niŋ ìwən nyɔd icheg bɔn bɔd ne kiri nyɔŋɔ ibən. Mbə̀ kəbə yaʼ ibən zḛ zḛ we ne Azwighi Ŋwiye ze nàʼà. Mbə̰ mə̀ nyɔŋ ibən we, mbə biri təm kà icheg ne Ŋwiye fə pumni awən.

Jûd 1:23

Mbə̀ chiye bəd mɔ̀ʼɔ abɔ̀ʼ inɔb inga iywid, ghì mbe pum. Mbə̀ ya bèrè àsɔ̀mnəfiŋ igun wə̀d imɔʼ imɔʼ. Si ya gha, mbə̀ ya we awən imbə̀ʼ inug tibɔ̀ŋ mbe ne mbɔb mbe ghìyə̀ nɔ̀ʼ chè zɔʼ awən. Mbə̀ ba̰ ka bèyi ìtɔb ndwi imbə̀ʼ icheg ne ìmbɔb inug tibɔ̀ŋ fə zɔʼ ndwi te.

Ɨnû 3:19

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.