2 Kɔrèn 6:5 - Ikan feg

⁵ kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

Meta’

⁵ Ɨ mbɨə som əwa. Ɨ mbɨ zɨə əwa ə ndəŋ. Ɨ mbɨə bù əchɔb kəb zwiirɨ əwa. Tɨ̀ wɨə nwìʼ ɨnyod mbɨ ɨ̀fàʼì. Tɨ̀ wɨə ni ɨzimɨ mɔʼɔ zɨ rɨ gwenɨ. Tɨ̀ wɨə chubə njì.

2 Kɔrèn 6:5 ပူးပေါင်းရင်းမြစ်များ

Matìyò 14:10

Ifɔn Erɔ̀d ya ghì mbi nyi inga nəb ndəŋ, sɔb atog abə Jɔn we ne yaya nàʼà mənib.

Matìyò 14:3

Erɔ̀d yaya kɔ̀ndɔ ane imbə̀ʼ icheg ne wì ya fə ghì mbi gwì Jɔn kɔd niŋ ghò zì a ndəŋ imbə̀ʼ Èrodìyàs we ne ya yaʼi iweg Filib, ifi məd.

Matìyò 9:15

Yeso ya ywìtì inɔb gha, “Chəyi mə̀sə̀ʼ ìmbi mbaʼ igən mbe chùghə njèg bə̀ sɔ̀mnɔ̀ anyumə̀ ne mbaʼ igən kiri biri tì inɔb ane inami. Nyùmə̀ we yèʼe ne mbi biri niŋ mbaʼ igən chì abɔ̀ʼ inɔb. À ya anyumə̀ we ne mbɔb biri se chùghə njèg bə̀ sɔ̀mnɔ̀.

Ɨ̀fàʼì 13:3

Anyumə̀ ne mbi ya fə chughi njèg bə̀ chàʼra Ŋwiye mànì, mbi ya nɔ̀ŋì ìmbɔb ibo igun inɔb, chà awɔb gha mbe gho ane àfàʼì ze.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 17:5

Si ya gha, mə̀Ju mɔ̀ʼɔ ne ya bàri icheg ne bəd nɔʼ nɔʼ fə beni abɔ̀ʼ Pɔl tì Sayilàs ya ghì ìdɔ̀b. Mbi ya ghò ane itog izib, fèti itəd bɔn mɔ̀ʼɔ, to awɔb, mbi yèʼe bùg ndum inga asiŋi ze. Ndum zè ya tḭyḛ anene ghò nyi inga achan Jasòn. Mbi yaya kə̀bə̀ gha mbi mə̀ bàd Pɔl tì Sayilàs angu, mbi gwì awɔb chà isəg abə inɔ̰ bəd we.

Ɨ̀fàʼì 20:31

Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Ɨ̀fàʼì 23:10

Achɔb ze ya kà anene, wə̀d kyen abə mə̀sogyì se bɔ gha mbi biri sètì Pɔl anyam anyam. Ane, wì ya chà mə̀sogyì gha mbe swiʼi ghò niŋ Pɔl nyi ghò inga ikam.

Ɨ̀fàʼì 23:35

“Mə biri taŋ zug ìwe isaʼi anyumə̀ ne bəd mbe ne puti awe pe aŋa.” Ane, wì ya si ghà gha mbe niŋ Pɔl ghò nɔ̀ŋì inga ìtɔʼ Erɔ̀d, kyeʼri aməd kwàʼ icheg chɔm.

Ɨ̀fàʼì 24:27

Tituʼ ya chè tibe, Posìyòs Festùs jəg atən abə Feligs icheg gɔbnà. Icheg ne Gɔbnà Feligs yaya kə̀bə̀ ni ghì ìchɔ̀mì abə mə̀Ju, wì ya sàŋì Pɔl inga nəb ndəŋ .

Ɨ̀fàʼì 26:10

Mə yaya ghìyə̀ ane inga Jèrusalèm. Itog bəd mbàn Ŋwiye ya nàʼ ika inum gha mə wupə bəd Kristo nɔʼ nɔʼ inga nəb ndəŋ . Anyumə̀ ne mbi ya niŋi isɔbi anug gha mbe zweti awɔb, mə̀ ya bə̀ bḛ.

Ɨ̀fàʼì 26:29

Pɔl ya ywìtì gha, “Ìmə ichaʼri Ŋwiye ya gha àghò tì bəd mbo̰ ne zùghə inug mbo̰ ne mə ghà amad anìŋ, mbə̀ yaʼ icheg inum. Mə kə̀b gha, kə̀ àkə ane iki nyumə̀ kə̀ ane nyumə̀ ne sa, mbə̀ yaʼ icheg inum. Si ya gha, imbə̀ʼ mbə̰ yaʼ awən bəd ndə̀ŋ icheg inum.”

Ɨ̀fàʼì 28:30

Pɔl ya chughi angu ane tituʼ ibe inga nəb ne wì ya niŋi se chùghə nàʼà ikab. Məd yaya nìŋə bəd məjìm mbe ne yaya ghò ibo inga nəb kwàʼ icheg chɔm.

Ɨ̀fàʼì 5:18

Ane, mbi ya gwì bədtɔm mbe ghò zì inga nəb ndəŋ ze ne yaʼi inga aben ze.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 4:11

Tì we amad anìŋ chəyi tijəg, chəyi mənib ni no. Tì we zìyè ichəʼ ndwi. Bəd mbe bə̀ sɔ̀mɔ awa. Chəyi tì bə bèrì asiŋi chughi.

1 Kɔrèn 7:5

Imbə̀ʼ wə̀d to̰ yi ni nàʼ ìwi nyɔd abə aywin, chè ni gha, mbə̰ məjìm bḛ ni chughi ane ane iki nyumə̀ mɔ̀ʼɔ imbə̀ʼ chàʼra Ŋwiye. Mbə̰ mə̀ mànì ni chàʼra Ŋwiye, mbə ywìrì fɔti ìwən nyɔd ni ghì gha imbə̀ʼ Sàtàn kwàʼra yi awən imbə̀ʼ icheg ne chəyi mbə̀ kyeri nyimbi nyɔd.

2 Kɔrèn 11:27

Mə faʼ ìfàʼì ka ka. Mə neg ikyeʼi aghəm nɔʼ nɔʼ. Mə chùghi njèg. Mə dèg adɔʼ mənib aghəm nɔʼ nɔʼ. Mə chùghi aghəm nɔʼ nɔʼ ne chəyi taŋ ighijəg. Mə bə̀ chùghi inga ifə ne chəyi ndwi ni kəndi nyɔd.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Fìlipì 1:13

Anug ze fə ghì gha mə̀sogyì məjìm mbe ne kyèʼè ìtɔʼ, fɔrɔ bəd ndəŋ məjìm ne yaʼi inga ìtɔʼ, mbe kyeri gha mə ya anìŋ inga nəb ndəŋ imbə̀ʼ Kristo.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

Mə̀Hibrù 11:36

Mbi ya chəʼ mbi mɔ̀ʼɔ bə̀ ywìri awɔb. Mbi ya kɔd mə̀mbin ane mə̀chen ghò zì awɔb inga nəb ndəŋ.

Mə̀Hibrù 13:17

Mbə̀ ya zùgrə ìmbən itog bəd ane anug Ŋwiye bə̀ ya fàʼà inug mbe ne mbɔb mbe ghà inən. Àzɔb àfàʼì ya ni kyèʼrì awən. À ya mbɔb ne biri təm imbìghè abə Ŋwiye ni mə̀tì inug imbə̀ʼ awən. Mbə̀ ya zùgrə awɔb, ni ghì gha mbi biri ya fàʼà àzɔb àfàʼì ane igyendi, kayi ane agaŋ. Mbi mə̀ ya fàʼà nè gàŋa, chəyi ze biri wètì awən.

Mə̀Hibrù 13:23

Mbə̀ kyeri gha mbi fə chì Timotì ìwa ifi inga nəb ndəŋ . Wì mə zàmbì yèʼe, nji mə biri yeʼe tì məd ni bàd awən.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.