2 Kɔrèn 6:4 - Ikan feg

⁴ Si ya gha, icheg bəd àfàʼì Ŋwiye, tì ya chwìye ane iku inɔnjì ijìm gha, mba ya bəd àfàʼì chɔm: kə̀ àkə inga nyùmə̀ ni nyìʼ, kə̀ nyùmə̀ tiku ngəʼ ijìm, kə̀ nyùmə̀ ne inug mbe kà, kə̀ nyùmə̀ ibəʼ,

Meta’

⁴ Àyɨə ɨghabɨ ə bə̂d ə̀fàʼì Ŋwiə̀, tɨ wɨə chwiə ni tɨ yɨə bə̂d ə̀fàʼì chɔ̀m ənɨ tɨkwɨrɨ ɨnə̂njɨ̀ jìm. Tɨ̀ wɨə nyìʼ əton ə ŋgəʼ, tɨ wɨə zə tɨkwɨrɨ ŋgəʼ jìm, ɨnû mbɨə nyèm əwa, ɨnû rɨbɔ̀ŋ nɔnɔʼ mbɨə nyɨ ɨgwɨ na.

2 Kɔrèn 6:4 ပူးပေါင်းရင်းမြစ်များ

Lk 21:19

Mbə̰ mə̀ nyìʼ inug mbo̰, mbə biri jəg ìtḛ̀.”

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Ɨ̀fàʼì 20:34

Mbə̰ kyèri àzən aghi gha mə ya fàʼ kwàʼ ane ìmbum ibo ni nèg ìmə nyɔd bə̀ nèg bəd mbe ne yaya yḛ̀ tì inum.

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

Rm 16:10

Mbə̀ chaʼra Apelès. Məd fə chwi gha zìye ya kwàʼ wə̀d Kristo. Mbə̀ chaʼra bəd mbe ne yaʼi inga nəb Àristobulùs.

Rm 3:5

Si ya gha, ze kə mə̀ chwi gha inug mbe ne te ghìyə̀ ne chəyi mbi koʼi imbìghè abə Ŋwiye ya ni ghì gha bəd bara icheg ne Ŋwiye we ghìyə̀ inug ne koʼi ina, tì si ghà àza gha? Tì tì gha chəyi Ŋwiye we ghìyə̀ inug ina ane icheg ne koʼi anyumə̀ ne wì zi ngəʼ igun ina? (Mə ya ghàmà anìŋ icheg wə̀d-aku.)

Rm 5:8

Àsi Ŋwiye, wì chwi gha zìye kɔ̀ŋ awa icheg ne Yeso Kristo ya ku ina atog ne tì yaya kiri ghiyə inug tibɔ̀ŋ.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

1 Kɔrèn 4:1

Bəd beri ni niŋ awa icheg bəd àfàʼì abə Kristo ne Ŋwiye ghì gha tì gha inug tesiʼ mbe ne yaʼi inə̀mbi.

1 Kɔrèn 9:11

Tì mə nyɔ̀ʼ ighi ne Azwighi Ŋwiye nàʼi ina inga ìwən ìtḛ̀, à wa kə anug ne faŋi ako ni gha tì bə fòʼ ighi ane inən?

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 11:27

Mə faʼ ìfàʼì ka ka. Mə neg ikyeʼi aghəm nɔʼ nɔʼ. Mə chùghi njèg. Mə dèg adɔʼ mənib aghəm nɔʼ nɔʼ. Mə chùghi aghəm nɔʼ nɔʼ ne chəyi taŋ ighijəg. Mə bə̀ chùghi inga ifə ne chəyi ndwi ni kəndi nyɔd.

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

2 Kɔrèn 12:12

Inug ne ghìyə̀ bəd kyere gha wə̀d ya wə̀dtɔm Kristo ya iyeti inug kyen kyen fɔrɔ ineni. Mə ya ghì inug mbo̰ inən bə̀ bèrì inyimbifiŋ ni chwi gha mo ya wə̀dtɔm Kristo.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 3:6

Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

2 Kɔrèn 4:8

Ngəʼ ze nyḭ̀yḛ igun ina iba ijìm, si ya gha, chəyi zì zwète awa. Ìmba itog mbe bùrə̀, si ya gha, chəyi ìta fìŋ bɔri.

2 Kɔrèn 7:11

Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

Kòlosè 1:11

Ŋwiye we ne beri ika ne che tika ijìm fə ghì gha mbə̀ beri ika ne ya nyìʼè fìŋ inga nyùmə̀ ngəʼ. Wì fə bə̀ ghì gha, mbə̀ beri inyimbifiŋ, se gyènde,

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

1 Tèsàlonikà 3:7

Ane, ìmba məfi, ìwən ibḛfiŋ we nə̀rə ìta fìŋ inga nyùmə̀ ijìm ne mbe chɔ̀ʼɔ ìmba ibɔʼì aghog fɔrɔ inga nyùmə̀ ijìm ne te zə̰ ngəʼ.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

1 Timotì 2:15

Si ya gha, mə̀yi mə̀ chè imbìghè ni nɔ̀ŋì ibḛfiŋ igun Yeso Kristo bə̀ chùghi ane àkɔ̀ŋì bə̀ təm zen bə̀ yaʼ ane icheg ne koʼi, Ŋwiye biri pumni awɔb icheg ne mbe gwìye.

1 Timotì 4:6

Àghò mə chwìti inug mbo̰ abə bəd Ŋwiye, àghò biri yaʼ wə̀d àfàʼì chɔ̀m ne fàʼà abə Yeso Kristo. Àghò biri yaʼ wə̀d àfàʼì ne təmi kà inga tesiʼ ane anug Ŋwiye fɔrɔ inga inug chɔm mbe ne mbi ya chwiti ine.

1 Timotì 6:11

Àsi awe, àghò wə̀d àfàʼì Ŋwiye, àghò fə chìye ìfe ifeg ane inug mbo̰ ijìm. Àghò ghiyə yaʼ inug mbe ne koʼi bə̀ ghì yaʼ inug mbe ne Ŋwiye kə̀bi. Àghò nɔŋɔ fìŋ igun Kristo, ya kɔ̀ŋɔ̀ bəd, ya nyìʼè inug bə̀ ya bɔ̀tɔ ane fìŋ.

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

2 Timotì 2:24

Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.