2 Kɔrèn 5:17 - Ikan feg

¹⁷ Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Meta’

¹⁷ Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

2 Kɔrèn 5:17 ပူးပေါင်းရင်းမြစ်များ

Matìyò 12:33

Yeso ya chè imbìghè gha, “Àghò mə kon azed chɔm, fitam məd biri yaʼ ìfi chɔm. Àghò mə kon azed tibɔ̀ŋ, fitam məd biri bə̀ yaʼ ìfi tibɔ̀ŋ. Tesiʼ ya gha, azed ya mbe kyère ane fitam.

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Lk 5:38

Ane, mbi ya zìyè mənoʼ zù inga aghi mənoʼ feg.

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 15:2

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Jn 15:5

Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 3:5

Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Rm 16:10

Mbə̀ chaʼra Apelès. Məd fə chwi gha zìye ya kwàʼ wə̀d Kristo. Mbə̀ chaʼra bəd mbe ne yaʼi inga nəb Àristobulùs.

Rm 16:11

Mbə̀ chaʼra Hèrodìyòn. Məd ya bə̀ Ju icheg inum. Mbə̀ bə chàʼrì bəd Kristo mbe ne yaʼi inga nəb Nàsisùs.

Rm 16:3

Mbə̀ chàʼri Priskà tì Àkwilà. Mbɔb ya fɔrɔ fàʼà tì inum abə Yeso Kristo.

Rm 16:7

Mbə̀ chaʼra Àndrònikùs tì Junìyàs. Mbɔb ya mə̀Ju ne tì ya yaʼi inɔn tì inɔb inga nəb ndəŋ . Bədtɔm Kristo ya niŋ awɔb ane ijiʼi bəd. Mbɔb ya bḛ Kristo bɔŋ mo se bḛ.

Rm 16:9

Mbə̀ chaʼra Òbanùs. Məd ya wə̀d àfàʼì Kristo abɔ̀ʼ ina. Mbə̀ chaʼra Stakìs. Məd ya ìmə ìsə̀ʼ ne mə̀ taŋ kɔ̀ŋ.

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 13:11

Anyumə̀ ne mə̀ ya yaʼi ŋwan kwa, mə yaya ghàmà icheg ŋwan kwa. Mə yaya bə̀ kɔ̀ndɔ inug icheg ŋwan kwa. Mə ya bèrì iwe ŋwan kwa. Anyumə̀ ne mə̀ ya kweghi si wə̀d kyen, mə̀ ya waʼ inug bɔn kwa.

2 Kɔrèn 12:2

Mə kyèri wə̀d mɔ̀ʼɔ ne yaʼi wə̀d Kristo. Ŋwiye ya ghì wì kɔʼ ghò nyi inga àbɔ̀ŋɔ ze ne pè ane itad. Kə̀ wì ya ghò nyi ane nyàmnyɔd kə̀ kayi ane nyàmnyɔd, chəyi mə̀ kyeri. Tèchɔ̀ŋ ya fə si tituʼ ìghum chɔ̀b ikwe ne anug azo̰ ya du.

2 Kɔrèn 5:16

Ane, ni ko tèchɔ̀ŋ, chəyi te ywìrè nḛ̀ wə̀d icheg ne wə̀d-aku we nḛ̀. Ka tì ya bì kweʼì nèn Kristo icheg ne bəd-aku mbe nḛ̀, chəyi te ywìrè nḛ̀ aməd ane.

2 Kɔrèn 5:19

Ane ya gha, Ŋwiye ya chè anjìm Kristo mànì achɔb tì bəd ni gha tì yaʼ bəd məd. Chəyi wì ya taŋi inug tibɔ̀ŋ bəd zì igun inɔb. Wì ya zì ikən imbə̀ʼ anug ni mànì achɔb inga ìta tikye ibo gha tì se ghà abə bəd.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 2:15

Wì ya nimni mə̀nɔ̀ʼɔ̀ mə̀Ju tì tikə te ne yaʼi inga mə̀nɔ̀ʼɔ̀ fɔrɔ ìwɔb ikuchèg ane ìzi nyàmnyɔd. Kristo ya ghì ane ni gha bəd mbe ne kayi mə̀Ju tì mə̀Ju mbe si yaʼ ane anug amɔʼ ane ifɔti tì məd. Wì ya ghì ane ni gha bəd si chughi ane àbɔrɔ̀bɔd.

Fìlipì 4:21

Mbə̀ chaʼra bəd Ŋwiye məjìm ne yaʼi ane ifɔti tì Yeso Kristo. Ìmba məfi fɔrɔ ìta njàbi te ne yaʼi aŋa abɔ̀ʼ inum, mbɔb mbe bə̀ chàʼrà awən.