2 Kɔrèn 5:11 - Ikan feg

¹¹ Tè kyèri aton ni ghumni Anɔŋisəg. Ane, tì we kìrə ika ni ghì gha bəd ndəŋ bə kyèri aton ze. Ŋwiye fə kyeri awa mànì, ane, mə kyèri gha mbə fə bə̀ bḛ anug azo̰ kwàʼ ane fìŋ ìzḛzḛ.

Meta’

¹¹ Tɨ̀ kyerɨ əton ɨmbə̀ʼ ənû nɨ wumnɨ Ə̀nùŋɨ̀sɨg, əne tɨ̀ wɨə kywɨ ənywɨ ɨ ghɨ ni bə̂d cherə bə kyerɨ. Ŋwiə̀ fə kyerɨ əwa màànɨ̀, əne mə kyerɨ ni mbə fə bə̀ kyerɨ ənû zɔ̂ tə fîŋ zeŋ.

2 Kɔrèn 5:11 ပူးပေါင်းရင်းမြစ်များ

Matìyò 10:28

Imbə̀ʼ mbə̰ bɔ awən bəd mbe ne zwète nyàmnyɔd ne chəyi tì mbi zweti azwighi. Mbə̀ bɔ yaʼ Məd we ne tì wì nìmni nyàmnyɔd bə̀ nìmni azwighi inga asiŋi ichə.

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Lk 12:5

Mə biri chwi wə̀d ne mbe koʼi ni bɔ. Mbə̀ bɔ Ŋwiye imbə̀ʼ icheg ne, məd we tì wì zwèti wə̀d bə̀ kiri bèrì ika ni màʼ tengàŋ inga asiŋi ichə. E! À ya Ŋwiye ne mbə̀ koʼi ni bɔ.

Lk 16:31

Abràham ya ywìtì gha, ‹Àmə chəyi mbi zug anug ne Muse tì bədkə̀n Ŋwiye mbe ghà, chəyi mbi biri bə zug ka wə̀d bə̀ zwème ane iwu ghò ghàm inɔb.›”

Ɨ̀fàʼì 13:43

Anyumə̀ ne bəd məjìm inga ichamì Ŋwiye we ya fə sàka, mə̀Ju nɔʼ nɔʼ tì bəd ndəŋ abɔ̀ʼ bəd mbe ne ya bə̀ŋi fìŋ bèni abɔ̀ʼ anug Ŋwiye mə̀Ju ya beni abɔ̀ʼ Pɔl tì Bànabàs. Ane, Pɔl tì Bànabàs ya ghàm tì inɔb bə̀ nə̀ri awɔb gha mbe che imbìghè ni nɔ̀ŋì fìŋ igun Ŋwiye we ne ghìyə̀ ìchɔ̀mì inɔb.

Ɨ̀fàʼì 18:13

Mbi ya pè angu, pùti aməd gha, “Mbaŋà ìzo̰ ze to itog abə bəd gha mbe se ghùmnə Ŋwiye ane ikuchèg ne chəyi ìmba mə̀nɔ̀ʼɔ̀ chwi.”

Ɨ̀fàʼì 18:4

Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 19:26

Àfàʼì azo̰ ne wə̀d Pɔl we fàʼà, mbə fə bàd bə̀ zug àzən aghi. Məd we ghà gha mə̀ŋwiye mbe ne mbi tangi ane ibo ya aghi ako. Ane, wì fə ghì bəd nɔʼ nɔʼ inga Efesùs aŋa fɔrɔ a Esìyà, mbi bḛ anug ze ne məd we ghà.

Ɨ̀fàʼì 26:26

Mbè, aton ne mə ghà inug mbo̰ ine anìŋ ne chəyi mə̀ bɔ ya gha, àghò fə kyeri inug mbo̰ ijìm imbə̀ʼ icheg ne chəyi inug mbo̰ ya du inə̀mbi.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 5:20

Mba ya bəd ne təmi ane ikum Kristo. À ya icheg ni gha Ŋwiye we chè anjìm ina bòʼo ibo abə bəd. Ane tì we bòʼo ibo inən ane ikum Kristo gha mbə̀ mànì achɔb tì Ŋwiye.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Efesùs 5:21

Mbə̀ ya zùgrə wə̀d imɔʼ imɔʼ ni chwi gha mbə̰ ya bəd ne ghùmnə Kristo.

Mə̀Hibrù 10:31

Anug ne wə̀d ijìm beri ni taŋ bɔ ya gha imbə̀ʼ wì nɔʼ nyi ikye abo abə Ŋwiye we ne yaʼi izɔm.

Mə̀Hibrù 12:29

Aton ya gha, “Ìwa Ŋwiye ya icheg iywid ne tì wi tɔ̀n ighi chìkì.”

Jûd 1:23

Mbə̀ chiye bəd mɔ̀ʼɔ abɔ̀ʼ inɔb inga iywid, ghì mbe pum. Mbə̀ ya bèrè àsɔ̀mnəfiŋ igun wə̀d imɔʼ imɔʼ. Si ya gha, mbə̀ ya we awən imbə̀ʼ inug tibɔ̀ŋ mbe ne mbɔb mbe ghìyə̀ nɔ̀ʼ chè zɔʼ awən. Mbə̀ ba̰ ka bèyi ìtɔb ndwi imbə̀ʼ icheg ne ìmbɔb inug tibɔ̀ŋ fə zɔʼ ndwi te.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.