2 Kɔrèn 4:4 - Ikan feg

⁴ À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Meta’

⁴ Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 4:4 ပူးပေါင်းရင်းမြစ်များ

Matìyò 13:22

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 12:35

Yeso ya si ghà inɔb gha, “Ìzḛzḛ we kiri biri abɔ̀ʼ inən ane iki nyumə̀. Mbə̀ che imbìghè ghi ghì inug ane isiŋi ya kiri zḛ, imbə̀ʼ afub nɔ̀ʼ kən awən. Chəyi wə̀d ne yḛ̀ inga afub we kyère asiŋi ne we ghò angu.

Jn 12:40

“Ŋwiye fə fə̀ghì àzɔb aghə bə̀ ghì ìtɔb fìŋ tu, ni ghì gha chəyi tì mbi bàd isiŋi, chəyi tì mbi bə̀ kyèri anug chɔm. Ane, chəyi mbi biri bə̀ŋì ìtɔb fìŋ yèʼe inum ni ghì gha mə̀ ghuyə awɔb.”

Jn 12:45

Wə̀d ne bàri amə, wè fə bə̀ bàd wə̀d we ne cha amə.

Jn 14:30

Chəyi mə̀ biri ghàm tì inən ane agha ne sa imbə̀ʼ icheg ne wə̀d we ne sàʼa igun isəg gho̰, we yèʼe. Chəyi wì beri ika igun inum.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 16:11

Wì biri bə ghì mbə kyeri gha Ŋwiye we sàʼa bəd ane icheg ne koʼi imbə̀ʼ icheg ne wì fə sɔb isaʼi igun wə̀d we ne tùmbə̀ isəg gho̰.”

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Ɨ̀fàʼì 26:23

Mbɔb ya ghà gha Wə̀d we ne Ŋwiye zɔ̀ʼi bèrì ni zən ngəʼ. Mbi ya bə̀ ghà gha, icheg ne məd ya wə̀d mbègtog ni zweme ane iwu, wì biri ghà inug imbə̀ʼ ìzḛzḛ abə mə̀Ju bə̀ ghà abə bəd ne kayi mə̀Ju.”

1 Kɔrèn 10:20

Indèʼ! Kayi ane ka! Ighi àfàtì mbe ya mbɔb ya nàʼà abə izwighi tibɔ̀ŋ kayi abə Ŋwiye. Ane, chəyi mə̀ kə̀bi gha mbə̰ ya jə̀grə tì izwighi tibɔ̀ŋ ka.

2 Kɔrèn 2:11

Tì ya ghìyə̀ ane ni gha imbə̀ʼ Sàtàn beri yi apan mɔ̀ʼɔ ni tambi awa. Tè kyèri inug ijìm nə aməd we chùʼrə ya məyi inug tibɔ̀ŋ.

2 Kɔrèn 2:12

Anyumə̀ ne mə̀ ya gho a Truwàs ni chètì ikən chɔm imbə̀ʼ Kristo, mə̀ ya pè bàd gha Anɔŋisəg fə nàʼ apan inum ni fàʼ ibo angu.

2 Kɔrèn 3:11

Icheg ne Ŋwiye chi àfàʼì mə̀nɔ̀ʼɔ̀ ne beri ìzḛzḛ njandi njandi chà iban, ane ya gha, àfàʼì Azwighi ne yaʼi ane ighə̀m imɔʼ bèrì ìzḛzḛ ne njànda chè.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Gàlesìyà 1:4

Anɔŋisəg Yeso Kristo ya fə nàʼ ìwi nyɔd ane aghi àfàtì imbə̀ʼ ìmba inug tibɔ̀ŋ. Wì ya ghì ane ni chì awa inga nyùmə̀ isəg inug tibɔ̀ŋ gho̰. Wì ya ghì ane icheg ne Ŋwiye ne yaʼi ìwa Mbaʼ kə̀bi.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Efesùs 6:12

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

Fìlipì 2:6

Yeso ne yaʼi icheg Ŋwiye, chəyi wì ya niŋi anug ne wì yaʼi icheg Ŋwiye ane anug mɔ̀ʼɔ ibo.

Kòlosè 1:15

Kristo we ne mbə̀ bari ya kwàʼ icheg Ŋwiye we ne chəyi bəd mbe bàrà. Məd ya atog igun ighi ijìm ne Ŋwiye tàngi.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

1 Timotì 1:11

Tì we tì tì bàd tikə Ŋwiye ìto̰ inga ikən chɔm we ne Ŋwiye zi inum ikye abo. Məd ya Ŋwiye we ne bəd mbe yète bə̀ ghùmnə.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 6:4

Bəd mbe ne chəyi tì mbi ywìrì bə̀ŋì ìtɔb fìŋ ya bəd mbe ne kweʼì kyèri tesiʼ imbə̀ʼ Ŋwiye, bə̀ kweʼì fàʼ inug ane tineʼi tè ne Ŋwiye we nàʼà, Azwighi Ŋwiye bə̀ nyi inɔb inga fìŋ.

2 Pità 1:19

Ane, tì fə kyeri gha ìngam gho̰ ne bədkə̀n Ŋwiye ya ghàmi imbə̀ʼ aməd ya tesiʼ. Mbə̀ taŋ zì atog ane ìngam gho̰ imbə̀ʼ icheg ne wi ya anam ne zùʼə inga isəg afub. Mbə̀ ya ghìyə̀ inug mbe ne ìngam gho̰ we ghà inən ghò pè isusu we ne Kristo biri zuʼ inən inga fìŋ icheg fitəm-məg fe ne zùʼə a achəg ituʼ.

1 Jɔn 2:11

Àsi wə̀d ne bà̰ ìwi ifi ya wə̀d ne kiri yaʼi inga afub. Məd we kiri ghiyə inug afub. Chəyi wì kyèri asiŋi ne we ghò angu imbə̀ʼ icheg ne afub ze fə fə̀ghì aghə ibo.

1 Jɔn 2:8

Tesiʼ ya gha, ikə gho̰ ne mə ŋwàʼrà inən anìŋ ya kwàʼ ìwi feg. Bəd mbe bàrà tesiʼ we ne yaʼi inga ikə gho̰ ane icheg ne Yeso Kristo yaya ghìyə̀ inug fɔrɔ ane icheg ne mbə̰ mbe bə̀ ghìyə̀ inug. À ya ane imbə̀ʼ icheg ne inug afub mbe se chè mèghè, ìzḛzḛ tesiʼ we fə se zùʼə.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.