2 Kɔrèn 4:1 - Ikan feg

¹ Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.

Meta’

¹ Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

2 Kɔrèn 4:1 ပူးပေါင်းရင်းမြစ်များ

Lk 18:1

Yeso ya ghàm ìngam məgri abə mə̀mə̀nənùg ni chwiti gha, mbe kòʼ ni ya chàʼrà Ŋwiye mà nyumə̀ ijìm ywìtì mbi bɔd.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

1 Kɔrèn 7:25

Amad anìŋ, mə kə̀b ni ghàm imbə̀ʼ bɔn àyi mbe ne chəyi mbi kiri nami. Chəyi Anɔŋisəg nàʼ ikə mɔ̀ʼɔ inum gha mə gha inən imbə̀ʼ awɔb. Si ya gha, mə biri nàʼ yaʼ àmə ikɔndi icheg wə̀d ne Anɔŋisəg dìgri igun inum ghì mə yaʼ wə̀d ne tì mə ghà anug mbə bḛ.

2 Kɔrèn 3:12

Icheg ne tì nɔŋi fìŋ igun àfàʼì feg azo̰, chəyi te ywìrè bɔ.

2 Kɔrèn 3:6

Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

2 Kɔrèn 4:16

À ya aton ze ne chəyi ìta fìŋ te bɔ̀rɔ, ka ìta nyàmnyɔd te kùyə ghò. Ŋwiye we nàʼà ìtḛ̀ feg ina ineg ijìm.

2 Kɔrèn 5:18

Inug mbo̰ ijìm nɔ̀ʼ abə Ŋwiye. Wì ya chè anjìm Kristo mànì achɔb tì ina. Wì fə zì àfàʼì ze ni mànì achɔb ina gha tì se fàʼà.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Efesùs 3:13

Ane, mə we bòʼo ibo inən gha imbə̀ʼ ìtən fìŋ nɔ̀ʼ bɔd imbə̀ʼ icheg ne mo we zə̰ ngəʼ imbə̀ʼ awən. Inug mbo̰ ijìm ya ni wètì awən.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

2 Tès 3:13

Àsi awən, ìmba məfi fɔrɔ ìta njàbi, imbə̀ʼ mbə̰ si bɔd awən ni ya fàʼà inug ne koʼi.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

Mə̀Hibrù 12:3

Mbə̀ kɔndi icheg ne məd ya nyìʼi ngəʼ ikye ibo abə bəd inug tibɔ̀ŋ. Mbə̰ mə̀ kɔ̀ndi ane, nji chəyi ìwən ibḛfiŋ biri bɔd ghì mbə chì fìŋ ane Ŋwiye.

1 Pità 2:10

À ya yaʼ anyumə̀ mɔ̀ʼɔ, chəyi mbə̀ ya yaʼi bəd Ŋwiye. Àsi amad anìŋ, mbə̰ ya si bəd Ŋwiye. À ya yaʼ anyumə̀ mɔ̀ʼɔ, chəyi Ŋwiye ya kiri digri igun inən. Àsi amad anìŋ, wì fə dìgrì igun inən.

Ɨnû 2:3

Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.