2 Kɔrèn 3:5 - Ikan feg

⁵ Chəyi tì koʼi ni se gha, ika ni fàʼ inug mbo̰ nɔ̀ʼ ina. À ya Ŋwiye nàʼi ika we ina.

Meta’

⁵ Tɨ̀ rɨka kùʼ a nɨ gha ni ɨnû mbɔ̂ yɨ rɨ na. À yɨə Ŋwìə̀ ghɨ ni tɨ̀ kuʼ ə.

2 Kɔrèn 3:5 ပူးပေါင်းရင်းမြစ်များ

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Lk 24:49

Mə biri nàʼ Azwighi Ŋwiye ze ne ìmə Mbaʼ ya kàʼi gha zìye biri nàʼ inən. Si ya gha, mbə̀ chughi a Jèrusalèm aŋa ghɔ̀m, pè ane nyùmə̀ ne Azwighi Ŋwiye yeʼe ikaŋ àbɔ̀ŋɔ igun inən si nàʼ ika inən.”

Jn 15:5

Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Rm 15:18

Chəyi mə̀ beri ni kɔ̀m igo imbə̀ʼ anug mɔ̀ʼɔ ndəŋ, chèyi ane anug ne Kristo che inga inum ghàm abə bəd bə̀ fàʼ bəd bàd ni ghì gha bəd mbe ne kayi mə̀Ju mbe bə̀ŋi fìŋ si yaʼ bəd Ŋwiye.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 3:6

À ya icheg ni gha mə ya nyɔ̀ʼ ngwèd, Àpolòs si yèʼe chùbrì. À ya Ŋwiye si ghì ighi mbe kweg.

2 Kɔrèn 12:9

Si ya gha, aghəm atad ze ajìm, wì ya ywìtì gha, “Ìchɔ̀mì we ne mə ghi ine we kòʼ. Aton ya gha, wə̀d ya taŋ bàrà ìmə ika anyumə̀ ne wì bɔ̀ri.” Ane, mə gyen ni kɔ̀m igo imbə̀ʼ inug mbe ne chwìye gha mə bɔd. Anìŋ ya ni ghì gha ika Kristo se fàʼà inga inum.

2 Kɔrèn 2:16

Abə bəd mbe ne nìme, ifɔ gho̰ ya nyòʼo, zwète awɔb. Àsi abə bəd mbe ne pùmə, ifɔ gho̰ ya nyòʼro nàʼà ìtḛ̀. Àkə we ne taŋ kòʼ ni fàʼ iku àfàʼì gho̰?

2 Kɔrèn 4:7

Si ya gha, tè bèrì ighi àka inun mbo̰ inga ìta nyàmnyɔd ne yaʼi icheg mbè akwiye ìseg. Àzo̰ chwi gha ika kyen gho̰ ya nɔ̀ʼɔ̀ abə Ŋwiye kayi ina.

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

2 Timotì 2:2

Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.