2 Kɔrèn 3:2 - Ikan feg

² Mbə̰ ya àza àŋwàʼrì ne ìta fìŋ kyeri ne chwìye gha mba ya bəd àfàʼì Ŋwiye ne fàʼà icheg chɔm. Wə̀d ijìm ne kàri àŋwàʼrì ze biri kyeri àfàʼì chɔm ze ne tì faʼi inga ìwən ìtḛ̀.

Meta’

² Mbə̀n mbɔ̂ yɨ mba ɨ̀ŋwàʼnɨ̀ nɨ mbɨ ŋwaʼnɨ ɨŋga ta fîŋ, ɨmbə̀ʼ wə̀d jìm mɨ foŋ, wɨ̀ kyerɨ ənû ze nɨ yeʼ ɨŋga.

2 Kɔrèn 3:2 ပူးပေါင်းရင်းမြစ်များ

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

2 Kɔrèn 11:11

Mə kə ghàmà anìŋ imbə̀ʼ icheg ne chəyi mə̀ kɔ̀ŋɔ̀ awən? Indèʼ! Ŋwiye kyèri gha mə kɔ̀ŋ awən.

2 Kɔrèn 12:15

Mə biri gyen ni nàʼ ighi ijìm ne mə beri bə̀ nàʼ àmə atog imbə̀ʼ awən. Mə mə̀ taŋ kɔ̀ŋ awən anìŋ, mbə wa biri si kɔ̀ŋ amə məyi iki piʼì?

2 Kɔrèn 3:1

Tì wa biri ko se chɔ̀tɔ̀ awa mba mba gha mba ya bəd àfàʼì chɔm? Kə̀ mbə̰ wa kə̀b gha mbe cha àŋwàʼrì inən ni chwi gha mba ya bəd àfàʼì chɔm, icheg ne bəd mɔ̀ʼɔ mbe ghìyə̀? Kə̀ mbə̰ kə kə̀bə̀ ni nàʼ àŋwàʼrì ina ni chwi gha mba ya bəd àfàʼì Ŋwiye ne fàʼà icheg chɔm?

2 Kɔrèn 7:3

Kayi mə ghàmà anìŋ ni gaŋ awən. Mə kə̀ fə gha mbə̰ bèrì àzən ati inga ìmə fìŋ, kə̀ àkə ìtḛ̀ kə̀ iwu, tì ya tì inən.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.