2 Kɔrèn 3:12 - Ikan feg

¹² Icheg ne tì nɔŋi fìŋ igun àfàʼì feg azo̰, chəyi te ywìrè bɔ.

Meta’

¹² Ɨchî nɨ tɨ̀ nuŋ ta rɨkɔndɨ ɨgun ənû zɔ̂, tɨ̀ wɨə ghɨ̀ ɨnû mbɨ ɨka fîŋ.

2 Kɔrèn 3:12 ပူးပေါင်းရင်းမြစ်များ

Jn 10:24

Mə̀Ju ya kad məd chuʼ, se bìre ibo gha, “Aton ne àghò we kiri saŋa awa gha tì ya jə̀mə̀ wə̀d ne àghò yaʼi ìwiwən àkə gha? Àghò mə yaʼ Wə̀d we ne Ŋwiye zɔ̀ʼi, fə gha ina asaŋ asaŋ.”

Jn 16:25

Yeso ya chè imbìghè ni ghà inɔb gha, “Ka mə jiʼì ghà inug mbo̰ inən ane ìngam məgri, mbə̀ kyeri gha, nyùmə̀ we yèʼe ne chəyi mə̀ biri ywiri ghàm inən ane ìngam məgri. Mə biri ghà inug inən asaŋ asaŋ imbə̀ʼ ìmə Mbaʼ.

Jn 16:29

Mə̀mə̀nənùg məd ya si ghà ibo gha “Àghò we ghàmà amad anìŋ, ìwe ìngam dùwə̀ zḛ ina inga itog. Kayi ywìrè yi ìngam məgri we ne àghò we kə̀ ghàmà.

Ɨ̀fàʼì 14:3

Pɔl tì Bànabàs ya chughi angu ane nyumə̀ mɔ̀ʼɔ se ghàmà ìngam Anɔŋisəg ane fìŋ ka ka. Ane, Anɔŋisəg ya chwi gha ìngam we ne mbɔb yaya ghàmà imbə̀ʼ ìchɔ̀mì məd ya anug tesiʼ icheg ne wì ya ghi gha mbe faʼa inug yeti yeti.

Ɨ̀fàʼì 4:13

Anyumə̀ ne mbi ya bàri icheg ne Pità tì Jɔn mbe ghàmà ne chəyi mbe bɔ, bə̀ kyèri gha mbɔb ya inati bəd ne chəyi mbi nyi àŋwàʼrì, anug ya chè awɔb. Itog bəd mbo̰ ya bə̀ kyèri gha Pità tì Jɔn ya kweʼì yaʼ abɔ̀ʼ Yeso.

Ɨ̀fàʼì 9:27

Bànabàs ya niŋ Sɔl mbi ghò abɔ̀ʼ bədtɔm mbe, pè tòʼrì icheg ne Anɔŋisəg ya du ghàm abə Sɔl igun inɔnjì anyumə̀ ne wì yaya ghò a Dàmaskòs. Wì ya bə̀ mə̀tì icheg ne Sɔl yaya ghàmà Ìngam Ŋwiye a Dàmaskòs ane ikum Yeso kwàʼ ne chəyi we bɔ.

Ɨ̀fàʼì 9:29

Wì yaya ghàmà ane, tàŋà inug inga Ìngam Ŋwiye tì mə̀Ju mbe ne yaya ghàmà Grig. Si ya gha, mbi yaya kə̀bə̀ yaʼ ni zweti aməd.

1 Kɔrèn 14:19

Si ya gha, anyumə̀ ne mə̀ yaʼi inga ifeti bəd Ŋwiye, mə biri kɔ̀ŋ ni ghà inug ità̰ yaʼ inga ìngam ne bəd biri zug ne biri wètì bəd gha mbe təm kà, chè icheg ni ghàm inug chuʼ ìghum ane tìngam iben ndəŋ ne chəyi bəd biri zug.

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 3:11

Icheg ne Ŋwiye chi àfàʼì mə̀nɔ̀ʼɔ̀ ne beri ìzḛzḛ njandi njandi chà iban, ane ya gha, àfàʼì Azwighi ne yaʼi ane ighə̀m imɔʼ bèrì ìzḛzḛ ne njànda chè.

2 Kɔrèn 4:13

Tì bèrì ibḛfiŋ imɔʼ tì wə̀d we ne ya ŋwàʼri inga Àŋwàʼrì Ŋwiye gha, “Mə bḛ, ane, mə fə bə̀ ghàm.” Mba ina bə̀ bḛ, ane, tì we bə̀ ghàmà.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

Fìlipì 1:14

Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.

Fìlipì 1:20

Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

Kòlosè 4:4

Mbə̀ chaʼra Ŋwiye inum gha mə chete ikən chɔm we bə̀ tòʼrì we zen kwàʼ icheg ne mə beri ni ghì.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

1 Timotì 3:13

Bəd ne fàʼà inga ifeti bəd Kristo mə fàʼ icheg chɔm, bəd biri ya ghùmnə awɔb. Mbɔb biri ya ghàmà inug imbə̀ʼ ìwɔb ibḛfiŋ igun Yeso Kristo ne chəyi mbɔb mbe bɔ.

Filemɔ̀n 1:8

Ane, mə we tì mə bèrì fìŋ ne ka icheg ne mə̀ yaʼi ane ifɔti tì Kristo ni ghà ine gha àghò ghiyə anug ne àghò koʼi ni ghì.