2 Kɔrèn 2:14 - Ikan feg

¹⁴ Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

Meta’

¹⁴ Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

2 Kɔrèn 2:14 ပူးပေါင်းရင်းမြစ်များ

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 8:37

Si ya gha, inga inug mbo̰ ijìm, tì ya icheg bəd ne màʼi ibid chè anjìm Yeso Kristo ne kɔ̀ŋi awa.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 15:37

Anyumə̀ ne wə̀d we nyɔ̀ʼɔ̀ ngwèd, kə̀ àkə kyì kə̀ aghi ndəŋ, wì ya nyɔ̀ʼɔ̀ məyi fitam, kayi ìtḭ feg we ne biri yaʼ.

1 Kɔrèn 15:57

Tesiʼ ya gha, tì naʼa məyakà abə Ŋwiye ni ghì tì bèrì ika ni chè inug tibɔ̀ŋ anjìm ìwa Anɔŋisəg Yeso Kristo.

2 Kɔrèn 1:11

Wì biri chì awa icheg ne mbə ya chàʼrà Ŋwiye ina. Àze biri ghì gha bəd nɔʼ nɔʼ biri fɔti ichug ni chàʼra Ŋwiye ina. Ane, Bəd ndan ndàn biri se nàʼà məyakà abə Ŋwiye icheg ne wì zughi ìwɔb ichaʼri, ghì tì chùghi ane àbɔrɔ̀bɔd.

2 Kɔrèn 8:16

Mə we nàʼà məyakà abə Ŋwiye imbə̀ʼ icheg ne wì ghì Tayitùs se kɔ̀ŋɔ̀ awən icheg ne mə bə kɔ̀ŋ.

2 Kɔrèn 9:15

Tè naʼa məyakà abə Ŋwiye imbə̀ʼ ineʼi àka inun we ne wì nàʼi ina.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Fìlipì 4:18

Mə fə bàd ighi mbe ne mbə̀ cha inum. Ighi mbe ne mbə̀ cha mbe kòʼ chè. Mə fə bèrì ìmbum ighi ijìm icheg ne mbə̀ cha Èpàfròditùs wì yeʼe nàʼ ighi inum. Ighi mbe ne mbə̀ ya nàʼi ya icheg ighi àfàtì ne nyòʼro ifɔ chɔm ne ghìyə̀ fìŋ Ŋwiye bɔŋɔ̀.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

Kòlosè 2:15

Wì ya chìkì tika ijìm abə izwighi tibɔ̀ŋ ka ka fɔrɔ abə izwighi mbe ne sàʼa isəg gho̰ anyumə̀ ne wì ya ku igun azed abaʼri. Wì ya ghì ane, zì tìnìrètog igun inɔb kwàʼ asaŋ asaŋ icheg sogyì ne nyimi ìbòʼì ibid se tə̀rə̀ yi igun inɔb.

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.

1 Tèsàlonikà 3:9

Tì we nàʼà məyakà abə Ŋwiye imbə̀ʼ awən. Chəyi tì tì təm imbìghè abə Ŋwiye nàʼ məyakà ne koʼi imbə̀ʼ icheg ne tì we taŋ gyènde imbə̀ʼ awən.

1 Timotì 2:8

Mə kə̀b gha isiŋi ijìm ne bəd fète angu ni ghumni Ŋwiye, mbaŋà ijìm waʼ agaŋ bə̀ sàŋì achɔb se nɔ̀ ibo zḛ zḛ ikaŋ, chàʼrà Ŋwiye.

2 Timotì 2:2

Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

Ɨnû 7:12

Mbi yaya ghùmnə ane ghà gha, “À ya ane! Tì ghumnə awe àghò ìwa Ŋwiye. Tì nàʼ məyakà ine. Àghò bèrì iwe ijìm, bə̀ bèrì ika ijìm ane ighə̀m imɔʼ! À ya ane.”