2 Kɔrèn 13:11 - Ikan feg

¹¹ Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Meta’

¹¹ Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

2 Kɔrèn 13:11 ပူးပေါင်းရင်းမြစ်များ

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Mk 10:49

Yeso ya təm si ghà gha, “Mbə̀ kàrà aməd.” Anyumə̀ ne mbi ya kàri Bàtimìyòs, mbi ya ghà ibo gha, “Bɔti fìŋ! Nɔ̀ʼ titighe, Yeso we kàrà awe.”

Mk 9:50

Fìngwaŋ bɔ̀ŋ, si ya gha, à mə̀ chəyi fe ywìrè nə̀mə̀, tì àghò tangi gha fe ywìrì nə̀m? Mbə̰ ya icheg fìngwaŋ. Ane, mbə̀ chughi ane àbɔrɔ̀bɔd tì ìmbən məfi.”

Lk 9:61

Wə̀d ndəŋ ya bə̀ gha, “Anɔŋisəg, mə biri beni abɔ̀ʼ ine. Si ya gha, àghò si mə̀ bi ghò inga achan ghò nàʼrì abə ìmbum bəd.”

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Ɨ̀fàʼì 18:21

Si ya gha, anyumə̀ ne wì ya nɔ̀ʼi se ghò yi, wì ya kàʼ awɔb gha, “Ŋwiye mə bḛ, mə biri ywiri yeʼe mùg awən.” Anyumə̀ ne wì ya gha ane, wì ya nyi inga abaŋ igyi nɔ̀ʼ a Efesùs.

Ɨ̀fàʼì 23:30

Icheg ne mə̀ ya zughi mənaŋ ne bəd mə̀Ju mbe ya taŋi ni zweti aməd, mə̀ ya bàd gha, ze bɔ̀ŋ gha, mə cha aməd ine kwàʼ ati ati. Mə fə bə̀ ghà abə bəd mbe ne beri isaʼi tì məd gha mbe yèʼe pùti ìmbɔb inug ijìm ine.”

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 12:18

Mbə ghì ika ijìm ne tì mbə̰ ghì ni chughi ane àbɔrɔ̀bɔd tì wə̀d ijìm.

Rm 14:19

Tì ghi ìwa ika ijìm ni fàʼ inug ne ghìyə̀ tì chùghə ane àbɔrɔ̀bɔd fɔrɔ inug ne ghìyə̀ gha ibḛfiŋ təm kà abə wə̀d imɔʼ imɔʼ abɔ̀ʼ ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 15:33

Ŋwiye we ne nàʼà àbɔrɔ̀bɔd yaʼ tì inən mbə̰ məjìm. À ya ane.

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

2 Kɔrèn 1:4

Məd we nə̀rə ìta fìŋ anyumə̀ ne tì yaʼi inga aku ngəʼ ajìm. Ane ya ni ghì gha, tì ya bə̀ nə̀rə fìŋ abə mə̀mbin anyumə̀ ne mbɔb bə yaʼ inga aku ngəʼ ajìm icheg ne Ŋwiye we bə̀ nə̀rə ìta fìŋ.

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

2 Kɔrèn 13:9

Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì.

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Efesùs 4:3

Mbə̀ kirə ika ni chughi ane àbɔrɔ̀bɔd imbə̀ʼ nyimi ifɔti we ne Azwighi Ŋwiye nàʼi inən.

Efesùs 6:23

Ŋwiye ni yaʼi ìwa Mbaʼ tì Anɔŋisəg Yeso Kristo, wì ghiyə bəd məjìm mbe ne bḛ Kristo icheg ina mbe chughi ane àbɔrɔ̀bɔd, chùghi ane àkɔ̀ŋì bə̀ nɔ̀ŋì ibḛfiŋ igun məd.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 3:16

Anug kyen ne tì koʼi ni ghì ya ni nyimi yaʼ inug mbe ne tì fə nani.

Fìlipì 4:2

Mə we bòʼo ibo abə Èyodìyà tì Sintikè gha, icheg ne mbi yaʼi ane ifɔti tì Anɔŋisəg, mbe yaʼ ane ichug imɔʼ.

Fìlipì 4:4

Mbə̀ ya gyènde mà nyumə̀ ijìm icheg ne mbə̀ yaʼi ane ifɔti tì Anɔŋisəg. Mə ya anìŋ ywìrè taŋ ghà gha, mbə̀ ya gyènde!

Fìlipì 4:9

Anug ne mbə̀ ya nani inum, kə̀ anug ne mbə̀ ya zughi ne mə̀ ya gha anyumə̀ ne mə̀ yaya chwìte inug inən, kə̀ anug ne mbə̀ ya bàri inga ìmə ikuchèg, mbə̀ bə ghì. Mbə̰ mə̀ ghì ane, Ŋwiye we ne nàʼà àbɔrɔ̀bɔd biri yaʼ tì inən.

1 Tèsàlonikà 3:10

Tì we chàʼrà Ŋwiye mà nyumə̀ ijìm, tisi fɔrɔ tizimi ane ìza fìŋ ijìm gha wì naʼa apan ina ni ywiri bàd awən imbə̀ʼ ghì mbə̀ kyeri inug mbe ne chəyi mbə kiri kyeri icheg ne mbə̀ zi ìwən ibḛfiŋ igun Yeso Kristo.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

1 Tèsàlonikà 4:18

Ane, mbə̀ se nə̀rə fìŋ abə wə̀d imɔʼ imɔʼ ane ìngam gho̰.

1 Tèsàlonikà 5:13

Mbə̀ taŋ ghùmni awɔb bə̀ chwi inɔb gha mbə̰ kɔ̀ŋ awɔb imbə̀ʼ àfàʼì ze ne mbɔb mbe fàʼà inən. Mbə̀ chughi ane àbɔrɔ̀bɔd tì mə̀mbin.

1 Tèsàlonikà 5:16

Mbə̀ chughi ane igyendi mà nyumə̀ ijìm.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

2 Tès 3:1

Ìmbum məfi fɔrɔ ìtum njàbi, atog anug ne mə̀ biri nwìyḛ̀ ni ghà inən ya gha, mbə̀ chaʼra Ŋwiye ina gha wì ghiyə tì chete ikən imbə̀ʼ Anɔŋisəg ghò isiŋi isiŋi, bəd zug, bḛ bə̀ ghùmni, kwàʼ icheg ne mbə̰ ya bə zug, bḛ bə̀ ghùmni.

2 Tès 3:16

Tì we chàʼrà Ŋwiye inən gha, Anɔŋisəg ne zìyè àbɔrɔ̀bɔd igun bəd, wì ghiyə mbə̀ chughi ane àbɔrɔ̀bɔd mà nyumə̀ ijìm fɔrɔ inga inug ijìm. Anɔŋisəg yaʼ tì inən mbə̰ məjìm.

2 Timotì 2:22

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

Jems 1:4

Mbə̀ che imbìghè ni nyìʼ fìŋ. Mbə̰ mə̀ taŋ nyìʼ fìŋ ane, nji ìwən ibḛfiŋ biri təm kà, ìwən ikuchèg bə̀ bɔ̀ŋ mànì, ne chəyi anug tibɔ̀ŋ mɔ̀ʼɔ ne tì wə̀d ghà imbə̀ʼ awən.

1 Pità 3:11

Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

Ɨnû 22:21

Anɔŋisəg Yeso ghiyə ìchɔ̀mì abə bəd Ŋwiye məjìm. À ya ane.