2 Kɔrèn 12:6 - Ikan feg

⁶ Ka mə bì kə̀b ni kɔ̀m igo, mo kayi anen imbə̀ʼ icheg ne mə̀ biri ya ghà tesiʼ. Si ya gha, mə biri kɔ̀m igo imbə̀ʼ icheg ne chəyi mə̀ kəbi gha wə̀d mɔ̀ʼɔ niŋ inug mbe ne mə ghìyə̀ kə̀ inug mbe ne mə ghà se kɔ̀ndɔ gha mə faŋ chè wə̀d ne mə̀ yaʼi ìwiwən.

Meta’

⁶ Mə mɨ kəb goŋ ɨgɔ̂, chəi mə bɨrɨ yeʼ əneŋ, ɨmbə̀ʼ ɨghəm nɨ mə bɨrɨ gha rəsìʼ. Àyɨə chəi mə bɨrɨ goŋ ɨgɔ̂, ɨmbə̀ʼ tɨ wə̀d mɔʼɔ kɔndɨ i ni mə chè wə̀d we nɨ mə̀ yeʼ wɨwən. Wɨ̀ neŋ yeʼ ɨnû mbe nɨ mɨə ghɨ̀ə̀ kɨ̀ mbe nɨ mɨə ghàə̀.

2 Kɔrèn 12:6 ပူးပေါင်းရင်းမြစ်များ

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

2 Kɔrèn 1:18

Ŋwiye we ne ghà anug bə̀ fàʼà kyèri gha mo kayi iku wə̀d we. Mə mə̀ gha “Indèʼ!”, à ya ane, mə mə̀ gha “E!” à ya bə̀ ane.

2 Kɔrèn 11:16

Mbə̀ si mə ywirì kɔ̀mbì inən gha, imbə̀ʼ wə̀d nìŋə yi awum ane anen. Àmə yaʼ aghi ne gha mbə̰ ya nìŋə mə ane anen, nji ze yaʼ ane imbə̀ʼ mə kɔmɔ ìmə igo iki piʼì.

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

2 Kɔrèn 12:11

Mə we ghìyə̀ inug icheg anen. À ya mbə tḭ amə gha mə se ghìyə̀ inug icheg anen. À ya mbə̰ ya beri ni chwi gha mə we ghìyə̀ inug ne koʼi. Ka mə̀ ya aghi ako, chəyi mə̀ kə chè bəd mbe ne bəd mɔ̀ʼɔ mbe kàrà ane “bədtɔm kyen kyen”.

2 Kɔrèn 12:7

Ŋwiye ya sàŋì gha Sàtàn ziye aghɔn igun inum ni ghì gha imbə̀ʼ mə nɔ̀ʼ ya nɔ̀ nyɔd imbə̀ʼ iyeti inug kyen kyen mbe ne Ŋwiye ya chwi inum.

2 Kɔrèn 5:13

Àmə yaʼ aghi ne chəyi ìmba itog yaʼ inga icheg chɔm, nji à ya imbə̀ʼ Ŋwiye. Ìmba itog mə yaʼ inga icheg chɔm, nji à ya imbə̀ʼ awən.

2 Kɔrèn 7:14

Mə ya fə kɔ̀m igo ibo imbə̀ʼ awən. Ze bɔ̀ŋ icheg ne chəyi mbə ghi mə beri tìnìrètog. Inug mbe ne tì gha inən ijìm fə dù ane tesiʼ. Mbə fə bə̀ chwi gha inug mbe ne mə̀ ya kɔ̀mi igo igun abə Tayitùs imbə̀ʼ awən fə bə̀ dù ane tesiʼ.