2 Kɔrèn 12:19 - Ikan feg

¹⁹ Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

Meta’

¹⁹ Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 12:19 ပူးပေါင်းရင်းမြစ်များ

Rm 12:19

Ìmbum mə̀sə̀ʼ, imbə̀ʼ mbə̰ ywite awən anug tibɔ̀ŋ. Mbə saŋa, à ya Ŋwiye biri ywìtì ane àzi agaŋ. Anɔŋisəg ghà inga Àŋwàʼrì Ŋwiye gha, “Mə biri ywìtì inug tibɔ̀ŋ mbe ne bəd ghìyə̀. Bəd mbe ne ghìyə̀ mə̀mbin zə̰ ngəʼ, mə biri ywìtì inɔb bə”.

Rm 14:19

Tì ghi ìwa ika ijìm ni fàʼ inug ne ghìyə̀ tì chùghə ane àbɔrɔ̀bɔd fɔrɔ inug ne ghìyə̀ gha ibḛfiŋ təm kà abə wə̀d imɔʼ imɔʼ abɔ̀ʼ ina.

Rm 15:2

Wə̀d imɔʼ imɔʼ abɔ̀ʼ ina kirə ika ni ya ghìyə̀ yaʼ inug ne bɔŋi abə mə̀mbin. Àze biri ghì gha ibḛfiŋ taŋ kà abə mə̀mbin.

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

1 Kɔrèn 10:14

Icheg ne ze yaʼ ane, ìmbum mə̀sə̀ʼ ne mə̀ taŋ kɔ̀ŋ, mbə̀ to̰ awən anug ni ghumni mə̀ŋwiye.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

2 Kɔrèn 10:8

Ka mə bì kɔ̀m igo imbə̀ʼ ika we ne Anɔŋisəg nàʼi ina, chəyi tì mə bèrì tìnìrètog. Ika we ya ni ghì gha mbə̀ təm kà, kayi ni ghì gha ìtən fìŋ bɔd.

2 Kɔrèn 11:10

Mə mə̀ chè imbìghè ni ghà tesiʼ imbə̀ʼ Yeso, chəyi wə̀d mɔ̀ʼɔ inga aba aben Akìyà ne tì wì ghì gha imbə̀ʼ mə kɔ̀m ìmə igo.

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

2 Kɔrèn 12:15

Mə biri gyen ni nàʼ ighi ijìm ne mə beri bə̀ nàʼ àmə atog imbə̀ʼ awən. Mə mə̀ taŋ kɔ̀ŋ awən anìŋ, mbə wa biri si kɔ̀ŋ amə məyi iki piʼì?

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 3:1

Tì wa biri ko se chɔ̀tɔ̀ awa mba mba gha mba ya bəd àfàʼì chɔm? Kə̀ mbə̰ wa kə̀b gha mbe cha àŋwàʼrì inən ni chwi gha mba ya bəd àfàʼì chɔm, icheg ne bəd mɔ̀ʼɔ mbe ghìyə̀? Kə̀ mbə̰ kə kə̀bə̀ ni nàʼ àŋwàʼrì ina ni chwi gha mba ya bəd àfàʼì Ŋwiye ne fàʼà icheg chɔm?

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

1 Tèsàlonikà 5:11

Ane, mbə̀ nəri fìŋ abə ìmbən məfi fɔrɔ ìtən njàbi ghì gha ibḛfiŋ wə̀d imɔʼ imɔʼ təm kà. Mbə̀ che imbìghè ni nəri wə̀d imɔʼ imɔʼ kwàʼ icheg ne mbə̰ mbe ghìyə̀ amad anìŋ.

Mə̀Hibrù 6:9

Ìmbum mə̀sə̀ʼ ne mə̀ kɔŋi, ka tì ya ghàmà inən anìŋ, tè kyèri gha mbə̰ biri bèrì ighi ne bɔŋi chè ne Ŋwiye biri nàʼ inən icheg ne Ŋwiye pùmni awən.