2 Kɔrèn 12:14 - Ikan feg

¹⁴ Mə fə kweʼì yèʼe mùg awən aghəm abe. Mə biri ywiri yeʼe mùg awən ighəm ndəŋ. Chəyi mə̀ bìre gha mbə̀ naʼa aghi mɔ̀ʼɔ inum. Chəyi mə̀ bə̀ kə̀bə̀ ìmbən ighi. Mə ya kə̀bə̀ yaʼ awən. Chəyi bɔn kwa mbe nɔ̀ŋɔ̀ ighi abə ìmbɔb mə̀mbaʼ. À ya mə̀mbaʼ mbe nɔ̀ŋɔ̀ ighi abə ìmbɔb bɔn.

Meta’

¹⁴ Mə wɨə tekɨ mɨ ɨnyod nɨ yeʼe əsɨ nən ənɨ ɨghəm nɨ pe tad. Chəi mə bɨrɨ chə əwən ɨmbə̀ʼ ɨghəm nɨ chəi mə kəb ɨkab. Mə kə̀b yeʼ əwən. Kaʼi bɔn berɨ nuŋ ɨghɨ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. À yɨə mɨ̀mbǎʼ mbɨ mɨ̀nɨ̌ŋ berɨ nuŋ ɨghɨ əmbɨ mbə bɔn.

2 Kɔrèn 12:14 ပူးပေါင်းရင်းမြစ်များ

Ɨ̀fàʼì 20:33

Chəyi mə̀ ya ghə̀ʼri aghi ikab wə̀d kə̀ ndwi wə̀d.

1 Kɔrèn 10:24

Imbə̀ʼ mbə̰ ziye awən atog ni nèn məyi inug ne biri bɔ̀ŋ inən. Mbə ziye atog ni nèn fɔrɔ inug ne biri bɔ̀ŋ abə bəd ndəŋ.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 11:34

Njèg mə̀ ya zàŋa wə̀d, wì fə jəg yi ibo inga nəb. Wì fə jəg yi ibo achan ni gha anyumə̀ ne mbə̀ fete ni jəg itari, chəyi Ŋwiye biri zì isaʼi igun məd. Anyumə̀ ne mə̀ yeʼe, mə biri si sèmbì mbin tì inug ne buʼi.

1 Kɔrèn 16:5

Mə kə̀b ni yèʼe inən, si ya gha, mə biri chè a Màsèdonìyà bɔŋ se yèʼe imbə̀ʼ icheg ne mə mənyìʼ chè angu.

1 Kɔrèn 4:19

Tesiʼ ya gha, Anɔŋisəg mə̀ bḛ, nji chəyi agha biri sà mə ywìrì yèʼe abɔ̀ʼ inən. Mə mə̀ yèʼe, mə biri pè nwèndi inug mbe ne bəd mbe ne ghàmà nɔ̀rɔ̀ nyɔd mbe ghà, bə̀ nwèndi ika we ne mbɔb beri.

1 Kɔrèn 9:12

Bəd ndəŋ mə̀ kə̀ bèrì ati ni biri ighi mbo̰ inən, nji mba bèrì ati ze chè awɔb. Anug ne angu ya gha, chəyi te nḛ̀ igun ighi mbe ne mbə̀ beri ni nàʼ ina. Tè nyìʼ tiku inug ijìm ni ghì gha imbə̀ʼ tì nɔ̀ʼ yaʼ akən ane ikən chɔm imbə̀ʼ Kristo ne tì gha inən.

1 Kɔrèn 9:18

Ane, àmə chùd kə iye? À ya gha mə chètì ikən chɔm ne chəyi wə̀d nàʼi aghi mɔ̀ʼɔ inum, ne chəyi mə̀ bə nèn igun àmə ati ze ne bəd beri ni nàʼ ighi inum.

1 Kɔrèn 9:19

Ka mə yaʼ amə ane ìmə ighəm, ne mo kayi àbòʼì abə wə̀d mɔ̀ʼɔ, mə fə niŋ ìmə nyɔd ane àbòʼì abə bəd məjìm ni ghì gha bəd nɔʼ nɔʼ bḛ Kristo.

2 Kɔrèn 1:15

Mə ya fə taŋ kyèri gha à ya icheg ne ze yaʼi. À ya aton ne mə̀ ya kàʼi ni bi yeʼe inən, ni gha Ŋwiye ziye àbɔrɔ̀bɔd igun inən ane ighəm ne pè ane ibe.

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

2 Kɔrèn 12:13

Aton ne mbə̀ kɔndi gha tifeti bəd Kristo ndəŋ bèrì ati chè awən àkə gha? Chèyi gha chəyi mə̀ ya yaʼi icheg mbèʼ igun. Àze mə bə, mbə̀ waʼ àmə anug tibɔ̀ŋ.

Gàlesìyà 4:19

Ìmbum bɔn ne mə̀ taŋ kɔ̀ŋ, anug azo̰ imbə̀ʼ awən ze tɔ mə kwàʼ icheg tibuʼ ne àyi we nɔ̀mbɔ ni gwi. Ze biri yaʼ ane anene pè ane nyumə̀ ne mbə̀ biri bèrì ikuchèg Kristo.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

Fìlipì 4:17

Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

1 Tèsàlonikà 2:11

Mbə̰ kyèri gha tì ya nyimi awən icheg ne mbaʼ we nyìme ìmbi bɔn.

1 Tèsàlonikà 2:8

Ane, icheg ne tì ya taŋ kɔ̀ŋ awən, chəyi tì ya kə̀bi məyi ni ghì gha mbə̀ kyeri ikən chɔm imbə̀ʼ Ŋwiye. Tì ya bə̀ kə̀b ni ghì inug ijìm ni wètì awən icheg ne tì kɔ̀ŋ awən.