2 Kɔrèn 11:26 - Ikan feg

²⁶ Mə yḛ tigha̰ nɔʼ nɔʼ. Mə ya ŋa kùwə inga tigyi kyen kyen. Məji ya bə̀ kùg mə. Ìmbum tìbəd ya ŋa zwète mə. Bəd ne kayi mə̀Ju ya bə̀ ŋa zwète mə. Mbi ya fə ŋa zwète amə inga ikye aben fɔrɔ inga tibad zɔbi. Mə ya chwed iwu inga ngəʼ inga tìbà. Mə ya bə̀ chè inga ngəʼ fɔrɔ ikye abo abə bəd ne bèmnè inug ne ya chwi ìwɔb ìfe icheg bəd Kristo.

Meta’

²⁶ Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.

2 Kɔrèn 11:26 ပူးပေါင်းရင်းမြစ်များ

Ɨ̀fàʼì 13:45

Si ya gha, anyumə̀ ne mə̀Ju ya bàri tinɔ̰ bəd te, àdeg ya sweg inɔb inga fìŋ. Ane, mbi ya ko se zɔ̀mbɔ̀ Pɔl gha anug ze ne wì ya ghà ya anug ako.

Ɨ̀fàʼì 13:50

Si ya gha, itog bəd mə̀Ju mbe ya to atog abə mə̀yi kyen kyen mbe ne ya nɔŋi fìŋ igun Ŋwiye bə̀ to atog abə bəd kyen kyen mbe inga asiŋi ze. Ane, mbi ya nɔ̀ʼ ko se chɔ̀ʼɔ ibɔʼì ighog abə Pɔl tì Bànabàs, kàmni awɔb chì inga aba isəg ze.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:5

Bəd mbe ne kayi mə̀Ju tì mə̀Ju fɔrɔ itog bəd inga aben mə̀Ju ya kə̀b gha nji mbe chə bədtɔm mbe bə̀ tùmbi awɔb ane ateg, zwèti.

Ɨ̀fàʼì 15:40

Àsi Pɔl, wì ya niŋ yaʼ Sayilàs mbi fɔrɔ ghò. Bɔŋ mbi ya se nɔ̀ʼɔ̀, bəd Kristo ya chàʼra Ŋwiye igun inɔb gha Anɔŋisəg ghiyə ìchɔ̀mì inɔb.

Ɨ̀fàʼì 17:13

Anyumə̀ ne mə̀Ju mbe a Tèsàlonikà ne chəyi mbi ya bḛ Kristo ya zughi gha Pɔl we se ghàmà Ìngam Ŋwiye a Bèriyà, mbi ya ghò angu pè ko se chìkə̀ fìŋ abə bəd bə̀ to bəd gha mbe bughə ndum.

Ɨ̀fàʼì 17:5

Si ya gha, mə̀Ju mɔ̀ʼɔ ne ya bàri icheg ne bəd nɔʼ nɔʼ fə beni abɔ̀ʼ Pɔl tì Sayilàs ya ghì ìdɔ̀b. Mbi ya ghò ane itog izib, fèti itəd bɔn mɔ̀ʼɔ, to awɔb, mbi yèʼe bùg ndum inga asiŋi ze. Ndum zè ya tḭyḛ anene ghò nyi inga achan Jasòn. Mbi yaya kə̀bə̀ gha mbi mə̀ bàd Pɔl tì Sayilàs angu, mbi gwì awɔb chà isəg abə inɔ̰ bəd we.

Ɨ̀fàʼì 18:12

Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Ɨ̀fàʼì 19:1

Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Ɨ̀fàʼì 19:23

Anyumə̀ we, achɔb ka ka ya gwid a Efesùs imbə̀ʼ Ikuchèg we ne Anɔŋisəg yaya chwìte.

Ɨ̀fàʼì 20:19

Mə ya swi ìmə nyɔd icheg wə̀d àfàʼì Anɔŋisəg, fàʼ tì məsi aghə. Mə ya bə̀ nyìʼ ìkwàʼrì nɔʼ nɔʼ ne mə̀Ju mɔ̀ʼɔ ya taŋi mənaŋ igun inum.

Ɨ̀fàʼì 20:3

Wì ya chughi angu ane ameg atad. Mə̀Ju ya taŋ mənaŋ ni zweti aməd anyumə̀ ne wì yaya chùʼri nyɔd ni bani ghò a Sirìyà. Ane, wì ya bə̀ndì ghò chè a Màsèdonìyà bɔŋ si pè a Sirìyà.

Ɨ̀fàʼì 23:10

Achɔb ze ya kà anene, wə̀d kyen abə mə̀sogyì se bɔ gha mbi biri sètì Pɔl anyam anyam. Ane, wì ya chà mə̀sogyì gha mbe swiʼi ghò niŋ Pɔl nyi ghò inga ikam.

Ɨ̀fàʼì 25:3

wì ghiyə ìchɔ̀mì inɔb, chà Pɔl a Jèrusalèm. Mbi ya ghà ane imbə̀ʼ icheg ne mbi ya fə chuʼri gha mbɔb biri nə̀mbì inɔnjì, ghɔ̀m Pɔl zwèti.

Ɨ̀fàʼì 27:42

Mə̀sogyì mbe ya chuʼri gha mbɔb biri zweti bəd ndəŋ mbe məjìm, imbə̀ʼ ìwi mɔ̀ʼɔ nɔ̀ʼ zɔʼ igyi tìbà we nòrò yi.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Rm 8:35

Wə̀d ne biri si ghì gha imbə̀ʼ Yeso chè yi imbìghè ni kɔ̀ŋ awa àkə we? Àkə ngəʼ, kə̀ àkə njèg, kə̀ àkə anug ne mbe chɔ̀ʼɔ ìmba ibɔʼì ighog, kə̀ àkə ifum, kə̀ àkə inug ne fàŋà awa, kə̀ àkə anug ni təm ichug iwu?

1 Kɔrèn 15:30

Àsi mba? Aton ne ngəʼ ze nyḭ̀yḛ igun ina mà nyumə̀ ijìm, àkə gha?

1 Kɔrèn 15:32

Àmə yaʼ ni gha mə yaya zɔ̀ŋɔ̀ tì nyàm tɔ tɔ a Efesùs, icheg ne wə̀d-aku kɔ̀ndi, nji chùd ne mə̀ biri jəg àkə iza? Àmə yaʼ ni gha chəyi Ŋwiye biri zwemni iwu bəd, nji tì we ghìyə̀ inug icheg ne Àŋwàʼrì Ŋwiye gha gha, “Tì jəg bə̀ no imbə̀ʼ icheg ne tì biri ku isu.”

2 Kɔrèn 11:32

Anyumə̀ ne mə̀ ya yaʼi a Dàmaskòs, gɔbnà we ne yaya fàʼà aton ifɔn Àretàs ya nɔ̀ŋì mə̀sogyì inuʼ ikam aben gha mbe ghɔmɔ mə gwì.

Gàlesìyà 2:4

Anug ni ŋwed bəd ya ko imbə̀ʼ icheg ne məfi mɔ̀ʼɔ ne yaʼi bəd inug ako ya nyaʼ nyi abɔ̀ʼ ina. Mbi yaya kə̀bə̀ ni kyeri icheg ne ìwa ifɔti tì Yeso Kristo chi awa ane mə̀nɔ̀ʼɔ̀ Muse. Mbi yaya kə̀bə̀ ni kyeri ane si ywìrì chè ane mə̀nɔ̀ʼɔ̀ mbe ghì tì yaʼ icheg ìbòʼì ne fàʼà aton mə̀nɔ̀ʼɔ̀ Muse.