2 Kɔrèn 10:7 - Ikan feg

⁷ Mbə̰ ya nḛ̀ ighi məyi asaŋ asaŋ. Wə̀d ne kyeri gha zìye ya wə̀d Kristo, wì bə kyèri gha mba ya bə̀ bəd Kristo kwàʼ icheg məd.

Meta’

⁷ Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

2 Kɔrèn 10:7 ပူးပေါင်းရင်းမြစ်များ

Matìyò 23:5

Mbɔb ya ghìyə̀ inug ijìm ni gha bəd bara awɔb. Ìmbɔb ìbàn gɔb ne mbe ŋwàʼrà Ìngam Ŋwiye zìyè inga ya kwàʼ ìmbi kyen kyen. Mbɔb ya ta ìtɔb ndwi zìyè itɔŋ ne taŋ sà angu.

Lk 16:15

Wì ya ghà inɔb gha, “À ya mbə̰ ne chwìte abə bəd gha mbə̰ təm kòʼ. Ighi ne bəd igun isəg mbe nìŋə gha à ya ijiʼi ighi ya ighi ne yaʼi ati ako abə Ŋwiye. Ŋwiye kyèri ìtən fìŋ.

Jn 7:24

Imbə̀ʼ mbə̰ saʼa awən wə̀d imbə̀ʼ inug ne mbə nḛ̀. Mbə saʼ wə̀d ane icheg ne koʼi.”

1 Kɔrèn 1:12

Anug ne mə ghà ya gha, mbə̰ mbe sìmnè nyɔd. Wə̀d imɔʼ we gha, “Mə ya bène abɔ̀ʼ Pɔl.” Ìywin we gha, “Mə ya bène abɔ̀ʼ Àpolòs.” Ìwi ndəŋ we bə̀ gha, “Mə ya bène abɔ̀ʼ Pità.” Wə̀d ndəŋ we bə̀ gha, “Mə ya bène abɔ̀ʼ Kristo.”

1 Kɔrèn 14:37

Wə̀d mɔ̀ʼɔ mə̀ kɔ̀ndi gha zìye ya wə̀dkə̀n Ŋwiye, kə̀ wə̀d ne gha Azwighi Ŋwiye nàʼ ineʼi ibo, məd kyeri gha anug azo̰ ne mə ghà inən ya ikə ne Anɔŋisəg nàʼi inum.

1 Kɔrèn 15:23

Ŋwiye biri zwemni wə̀d imɔʼ imɔʼ ane tiwaŋ icha icha. Wə̀d mbègtog we ne Ŋwiye zwèmni ane iwu ya Kristo. Anyumə̀ ne Kristo ywirì yèʼe, Ŋwiye biri zwemni bəd mbe ne yaʼi bəd Kristo.

1 Kɔrèn 3:23

Mbə̰ ya Kristo beri awən. Kristo ya Ŋwiye bə bèrì.

1 Kɔrèn 9:1

Imbə̀ʼ mo we amə ane ìmə ighəm? Mo kə kayi wə̀dtɔm Kristo? Imbə̀ʼ mə fə bàra Yeso, ìwa Anɔŋisəg? Imbə̀ʼ mbə̰ fə bḛ Anɔŋisəg imbə̀ʼ icheg ne mə fàʼà ane ìmə fìŋ ijìm?

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 11:18

Icheg ne bəd nɔʼ nɔʼ mbe kɔ̀mɔ̀ igo icheg bəd igun isəg, mə biri bə kɔ̀m igo.

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 12:11

Mə we ghìyə̀ inug icheg anen. À ya mbə tḭ amə gha mə se ghìyə̀ inug icheg anen. À ya mbə̰ ya beri ni chwi gha mə we ghìyə̀ inug ne koʼi. Ka mə̀ ya aghi ako, chəyi mə̀ kə chè bəd mbe ne bəd mɔ̀ʼɔ mbe kàrà ane “bədtɔm kyen kyen”.

2 Kɔrèn 13:3

Icheg ne mbə̰ mbe kə̀bə̀ aneni ne chwìye gha ìngam we ne mə ghàmà ya ngàm ne nɔ̀ʼi abə Kristo, mə biri chwi inən. Anyumə̀ ne Yeso we ghìyə̀ inug inən, chəyi we bɔ̀ri. Wì ya fàʼà inən kwàʼ tì ika.

2 Kɔrèn 5:12

Chəyi tì kə̀bi ni ywiri ghà inən gha mba ya bəd àfàʼì chɔm. Si ya gha, tì we nàʼà apan inən gha mbə̀ ya kɔ̀mɔ̀ igo imbə̀ʼ awa. Tì nàʼ ane ni gha mbə̀ ywiti ìngam abə bəd mbe ne kɔ̀mɔ̀ igo yaʼ imbə̀ʼ inug mbe ne bəd mbe bàrà, ne nji mbi ya kɔ̀mɔ̀ igo yaʼ igun inug mbe ne yaʼi inga fìŋ.

Gàlesìyà 3:29

Icheg ne mbə̀ yaʼi ane anug amɔʼ tì Kristo, ane ya gha, mbə̰ ya inəbi ìwi Abràham. Ane, ineʼi we ne Ŋwiye ya kàʼi ni nàʼ abə aghaŋ inəbi Abràham ya bə̀ ìwən.

1 Jɔn 4:6

Àsi awa, mba ya bəd Ŋwiye. Wə̀d we ne kyeri Ŋwiye ya zùghə anug ze ne te ghà. Àsi wə̀d we ne kayi wə̀d Ŋwiye, chəyi tengàŋ biri zug anug ze ne te ghà. Aŋa ya icheg ne tì biri chè angu ni kyeri azwighi ze ne ghìyə̀ gha bəd kyeri tesiʼ igun azwighi ze ne ghìyə̀ bəd ghà inug ako.