2 Kɔrèn 10:4 - Ikan feg

⁴ Ìmba ighi ibid ya kayi icheg ighi ibid bəd-aku. À ya ighi ibid Ŋwiye ne beri ika ni chìkì isiŋi mbe ne bəd ìpàb məd yaʼi angu.

Meta’

⁴ Ka ɨghɨ bid mbe nɨ tɨə zɔ̀ŋə̀ mbɨ rɨwən yɨ i ɨghɨ bid bə̂d mɨ̀sɔŋɨchù. Mbɨ yɨ ɨghɨ bid Ŋwiə̀ nɨ berɨ ɨka nɨ chəkɨ ɨsɨ mbe nɨ bə̂d pə̀n məd ka əŋgu.

2 Kɔrèn 10:4 ပူးပေါင်းရင်းမြစ်များ

Ɨ̀fàʼì 7:22

Mbi ya chwiti inug mbe Ijìb ijìm abə Muse, wì beri iwe bəd Ijìb ijìm. Ìngam məd fɔrɔ tìghinùg məd ya bèrì ika.

Rm 13:12

Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

1 Kɔrèn 2:5

Mə yaya ghìyə̀ ane ni gha mbə̀ nɔŋi ìwən ibḛfiŋ igun ika Ŋwiye, kayi igun iwe wə̀d-aku.

1 Kɔrèn 9:7

Àkə sogyì weg ne fàʼà ne chəyi mbe nàʼà ikab àfàʼì ibo? Wə̀d ne ko̰ ìzi mben vayìn ne chəyi məd we jə̀ghə fitam vayìn ane mben ze àkə we? Kə̀ wə̀d ne kwèrè nyam ne chəyi tì wì nèg ìwi nyɔd igun nyam te àkə we?

2 Kɔrèn 10:8

Ka mə bì kɔ̀m igo imbə̀ʼ ika we ne Anɔŋisəg nàʼi ina, chəyi tì mə bèrì tìnìrètog. Ika we ya ni ghì gha mbə̀ təm kà, kayi ni ghì gha ìtən fìŋ bɔd.

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

2 Kɔrèn 3:5

Chəyi tì koʼi ni se gha, ika ni fàʼ inug mbo̰ nɔ̀ʼ ina. À ya Ŋwiye nàʼi ika we ina.

2 Kɔrèn 4:7

Si ya gha, tè bèrì ighi àka inun mbo̰ inga ìta nyàmnyɔd ne yaʼi icheg mbè akwiye ìseg. Àzo̰ chwi gha ika kyen gho̰ ya nɔ̀ʼɔ̀ abə Ŋwiye kayi ina.

2 Kɔrèn 6:7

Tì ya bə̀ ghàmà ìngam tesiʼ bə̀ fàʼà inug ane ika ne Ŋwiye nàʼi ina. Ìmba inug mbe ne təmi kòʼ ya ighi ibid ne te nyìme ane aba abo jəghi ni zɔ̀ŋ, fɔrɔ ane aba abo təŋ ni kən nyɔd angu.

1 Tèsàlonikà 5:8

Àsi mba ne ghìyə̀ inug ne koʼi, tì ya nyìmbe ìwa nyɔd, zì fìŋ igun Kristo bə̀ ya kɔ̀ŋɔ̀ ìmba məfi fɔrɔ ìta njàbi. Tì mə̀ ya ghìyə̀ ane, ze biri yaʼ ina icheg atə̰-igo ne sogyì we zìyè ni kəndi ìwi igo. Tì bə nɔ̀ŋì ikɔndi ni ghɔ̀m icheg ne Anɔŋisəg biri chì awa inga ngəʼ. Tì mə nɔ̀ŋì ikɔndi ane, ze biri yaʼ ina icheg aghi atog atə̰ ne sogyì we zìyè ni kəndi àzi atog.

1 Timotì 1:18

Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

2 Timotì 2:3

Icheg sogyì chɔm ne fàʼà abə Yeso Kristo, àghò nyimi fìŋ anyumə̀ ne àghò we chè inga ngəʼ icheg ina.

Mə̀Hibrù 11:30

À ya anjìm ibḛfiŋ ne ikam we ne ya che kad Jèrikò ya buʼə aseg anyumə̀ ne mə̀Ju ya yḛ chè kad ikam we ane ineg ìsàmbe.