2 Kɔrèn 1:23 - Ikan feg

²³ Ŋwiye kyèri ìmə fìŋ gha mə̀ ya ghà tesiʼ gha, chəyi mə̀ ya ywirì yèʼe a Kɔrèn icheg ne mə̀ ya kàʼi imbə̀ʼ icheg ne chəyi mə̀ ya kə̀bi ni pè ghàm gaŋ inən, ighəm mɔ̀ʼɔ chìkì ìtən fìŋ.

Meta’

²³ Mə wɨə tɔŋ ə Ŋwiə̀ ni wɨ̀ yeʼ zərɨmbin ɨ num ni əton nɨ chəi mə nyaʼa wɨrɨ yeʼe ə Kɔrèn yɨ ni, chəi mə̀ nyaʼa kəb chəkɨ tə fîŋ.

2 Kɔrèn 1:23 ပူးပေါင်းရင်းမြစ်များ

Ɨ̀fàʼì 18:1

Anyumə̀ ne Pɔl ya fə ghàmi tì ifeti Àrìyopagùs we, wì ya nɔ̀ʼ a Atèns ghò à Kɔrèn.

Ɨ̀fàʼì 18:8

Krispòs ne ya yaʼi atog wə̀d inga ichamì Ŋwiye we fɔrɔ bəd məjìm mbe ne ya yaʼi ibo inga nəb ya bḛ Anɔŋisəg Yeso. Bəd nɔʼ nɔʼ a Kɔrèn ya zug anug ze ne Pɔl yaya ghà. Ane, mbi ya bḛ Anɔŋisəg Yeso bə̀ niŋ mənib.

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

1 Kɔrèn 4:21

Anug ne mbə kə̀bi kə azeg? Mbə wa kɔ̀ŋ gha mə yeʼe tì fìngwàn ni ywiri awən angu? Kə̀ mə yeʼe tì àkɔ̀ŋì fɔrɔ fìŋ bɔ̀ti bɔti?

1 Kɔrèn 5:5

Mbə̀ saŋa mbaŋà ze ikye abo abə Sàtàn, ni gha Sàtàn chikə nyàmnyɔd məd. Àze biri nàʼ apan abə azwighi məd ni pum igun aneg ze ne Anɔŋisəg biri ywiri yeʼe.

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

2 Kɔrèn 1:18

Ŋwiye we ne ghà anug bə̀ fàʼà kyèri gha mo kayi iku wə̀d we. Mə mə̀ gha “Indèʼ!”, à ya ane, mə mə̀ gha “E!” à ya bə̀ ane.

2 Kɔrèn 10:2

Mə boʼ ibo inən, imbə̀ʼ mbə̰ kɔ̀ndi awən gha, anyumə̀ ne mə̀ yeʼe abɔ̀ʼ inən, mə biri niŋ fìŋ ne ka ni ghàm inən. Mə kyèri gha mə we tì mə niŋ fìŋ ne ka ni ghàm anyumə̀ ne mə̀ yaʼi inga bəd mbe ne kɔ̀ndɔ gha mba ya ghìyə̀ inug icheg ne bəd-aku mbe ghìyə̀.

2 Kɔrèn 11:10

Mə mə̀ chè imbìghè ni ghà tesiʼ imbə̀ʼ Yeso, chəyi wə̀d mɔ̀ʼɔ inga aba aben Akìyà ne tì wì ghì gha imbə̀ʼ mə kɔ̀m ìmə igo.

2 Kɔrèn 11:11

Mə kə ghàmà anìŋ imbə̀ʼ icheg ne chəyi mə̀ kɔ̀ŋɔ̀ awən? Indèʼ! Ŋwiye kyèri gha mə kɔ̀ŋ awən.

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

2 Kɔrèn 13:2

Mə ya fə pati bəd mbe ne ghìyə̀ inug tibɔ̀ŋ anyumə̀ ne mə̀ ya ywìri yèʼe ni mùg awən ane ighəm ne pè ane ibe. Mə ya anìŋ ywìrè pàta awən ne chəyi mə̀ yaʼ iban inən. Anyumə̀ ne mə̀ ywìrì yèʼe, chəyi mə̀ biri bèrì àsɔ̀mnəfiŋ igun bəd mbe ne mə̀ kweʼì pàti fɔrɔ bəd ndəŋ ndəŋ.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

Gàlesìyà 1:20

Ŋwiye kyèri gha anug azo̰ ne mə ŋwàʼrà inən anìŋ ya kwàʼ tesiʼ, kayi anug ako.

Fìlipì 1:8

Ŋwiye kyèri gha mə kɔ̀ŋ awən bə̀ kyèri icheg ne mə̀ kə̀bə̀ ni bàd awən mbə̰ məjìm. Ŋwiye bə̀ kyèri gha, mə kɔ̀ŋ awən kwàʼ icheg ne Yeso Kristo kɔ̀ŋ awən.

1 Tèsàlonikà 2:5

Mbə̰ kyèri gha chəyi tì yaya ghàmà ìngam nəmi nəmi ni tambi awən. Ŋwiye bə̀ kyèri gha chəyi tì yaya ghàmà inug məyi ni kəndi icheg ne te ghə̀ʼrə̀ ìmbən ighi.

1 Timotì 1:20

Bəd mɔ̀ʼɔ abɔ̀ʼ inɔb ya Hemenùs tì Àlèzandà. Mə fə sàŋì awɔb ikye abo abə Sàtàn gha wì chwi inɔb gha chəyi ze bɔŋi ni ghàm inug tibɔ̀ŋ imbə̀ʼ Ŋwiye.