2 Kɔrèn 1:19 - Ikan feg

¹⁹ À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

Meta’

¹⁹ ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

2 Kɔrèn 1:19 ပူးပေါင်းရင်းမြစ်များ

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Matìyò 27:40

Mbɔb yaya ghà gha, “Àghò we ne biri sàʼ mbàn Ŋwiye bə̀ ywìrì niŋ ineg itad kɔd, pumni ìwe nyɔd! Kwàʼ àghò mə yaʼ Ŋwan Ŋwiye, swiʼi igun azed abaʼri aghɔ!”

Matìyò 27:54

Anyumə̀ ne atog wə̀d igun mə̀sogyì tì mə̀sogyì mbe ne yaya kyèʼè Yeso ya bàri icheg ne ìseg yaya ghùrə̀ fɔrɔ inug ijìm mbe ne ya du, mbɔb ya binde, si kyen gha, “Kwàʼ tesiʼ, wə̀d gho̰ ya yaʼ Ŋwan Ŋwiye.”

Matìyò 3:17

Gì mɔ̀ʼɔ ya si ghàm ikaŋ àbɔ̀ŋɔ gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd.”

Matìyò 4:3

Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Mk 1:1

Icheg ne ikən chɔm imbə̀ʼ Yeso Kristo we ne ya Ŋwan Ŋwiye ya ko angu.

Lk 1:35

Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

Jn 1:34

Mə fə bàd. Mə ya anìŋ fə bə̀ ghà inən gha, Aŋa ya kwàʼ Ŋwan Ŋwiye.”

Jn 1:49

Nàtanìyè ya kyen gha, “Àchwitìnùg! Àghò ya Ŋwan Ŋwiye! Àghò ya ifɔn mə̀Izre!”

Jn 19:7

Itog bəd mə̀Ju ya ywìtì gha, “Tè bèrì nɔ̀ʼɔ̀ ne chwìye gha, wì mənyìʼ ku imbə̀ʼ icheg ne wè gha zìye ya Ŋwan Ŋwiye.”

Jn 20:28

Tòmas ya si ghà ibo gha, “Ìmə Anɔŋisəg, ìmə Ŋwiye!”

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 6:69

Tè kyèri bə̀ bḛ gha àghò ya wə̀d ìzḛzḛ we ne nɔ̀ʼi abə Ŋwiye.”

Jn 8:58

Yeso ya ywìtì gha, “Mə gha tesiʼ inən gha, bɔŋ mbi ya se gwìye Abràham, mo ya fə se amə angu!”

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 16:1

Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

Ɨ̀fàʼì 18:5

Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

Ɨ̀fàʼì 8:36

Icheg ne mbi yaya yḛ̀ ghò igun inɔnjì we, mbi ya pè ane asiŋi mɔ̀ʼɔ ne igyi ya yaʼi angu. Ane, wə̀d kyen we ya ghà abə Filip gha, “Nḛ! Mənib mbo̰. Aghi ne tì ze ghì gha imbə̀ʼ àghò naʼa awe mənib inum àkə aghə?” [

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

1 Tèsàlonikà 1:1

À ya mo Pɔl tì Sayilàs fɔrɔ Timotì ŋwàʼri àŋwàʼrì azo̰. Tì ya ŋwàʼrà anìŋ inən, mbə̰ ifeti bəd Kristo we a Tèsàlonikà. Mbə̰ ya ifeti bəd Ŋwiye ne yaʼi ìwa Mbaʼ. Mbə̰ ya bə̀ bəd Anɔŋisəg Yeso Kristo. Ŋwiye ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

2 Tès 1:1

À ya mo Pɔl ŋwàʼri àŋwàʼrì azo̰. Mə we aŋa tì Sayilàs fɔrɔ Timotì. Mə ŋwàʼrì anìŋ inən, mbə̰ bəd Kristo mbe ne yaʼi inga ifeti we a Tèsàlonikà. Mbə̰ ya bəd Ŋwiye ne yaʼi ìwa Mbaʼ fɔrɔ bəd Anɔŋisəg Yeso Kristo.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 1:11

Isəg fɔrɔ ikaŋ àbɔ̀ŋɔ biri ghum chè nim. Àsi awe, àghò biri tèn ane ighə̀m imɔʼ. Isəg fɔrɔ ikaŋ àbɔ̀ŋɔ biri chə̀ icheg ndwi.

Mə̀Hibrù 13:8

Chəyi Yeso Kristo we kɔ̀pɔ. Icheg ne wì ya yaʼi, à ya icheg ne wì yaʼi, à ya bə̀ icheg ne wì biri yaʼ ane ighə̀m imɔʼ.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

2 Pità 1:17

Ŋwiye ya nàʼ ighumni fɔrɔ ìzḛzḛ njandi njandi ibo anyumə̀ ne gì Ŋwiye ne mbə̰ mbe nàʼà ighumni kyen ibo ya gha gha, “Aŋa ya ìmə Ŋwan ne mə̀ taŋ kɔ̀ŋ ne ghìyə̀ mə gyende.”

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

2 Jɔn 1:9

Wə̀d ne chəyi wì chè imbìghè ni ghì inug mbe ne Kristo chwìti, chəyi tengàŋ yaʼi ane anug amɔʼ tì Ŋwiye. Wə̀d ne chè imbìghè ni ghì inug mbe ne Kristo chwìti, ya wə̀d ne yaʼi ane anug amɔʼ tì Ŋwiye fɔrɔ Ŋwan Ŋwiye.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:17

Anyumə̀ ne mə̀ ya bàri aməd, mə̀ ya gùg aseg ibo imbìghè si yaʼ icheg awu wə̀d. Wì ya si nɔ̀ŋì àzi abo jəghi igun inum ghà inum gha, “Imbə̀ʼ àghò bɔ awe, mo ya wə̀d mbègtog bə̀ yaʼ wə̀d ne si nwḭ̀yḛ̀.

Ɨnû 1:8

“Anɔŋisəg Ŋwiyekɔʼ we ne yaʼi amad anìŋ, ne ya bi yaʼ, ni biri ywiri yeʼe, ghà gha, ‹Mo ya Iko fɔrɔ Ìnwḭ.›”

Ɨnû 2:18

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Tìyàtirà gha, ‹Ìngam gho̰ nɔ̀ʼ abə Ŋwan Ŋwiye we ne aghə məd ze bère icheg inemi iywid, ne tikye ighog məd te zùʼə icheg atə̰ brons ne mbe taŋ tòn.