1 Timotì 5:3 - Ikan feg

³ Àghò ya ghùmnə məku àyi mbe ne chəyi wə̀d ne nə̀ngə awɔb.

Meta’

³ Wumnɨ mɨku əyi mbe nɨ chəi wə̀d ə nəŋgɨ mɨ̀mə̌d.

1 Timotì 5:3 ပူးပေါင်းရင်းမြစ်များ

Matìyò 15:6

Ane, chəyi aton ne tì wì ywirì ghùmni ìwi mbaʼ tì ìwi ngɔb. Àzo̰ ze chwìye icheg ne mbə̰ mbe kə̀nə̀ Ìngam Ŋwiye məyi ni nɔ̀ŋì ìmbən mə̀nɔ̀ʼɔ̀ aben.

Matìyò 23:13

Yeso ya chè imbìghè gha, “Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe kə̰ inuʼ akɔŋi gha imbə̀ʼ bəd nɔ̀ʼ nyi inga anug ìfɔ̀n ikaŋ. Chəyi mbə̰ mbe nyḭ̀yḛ inga. Chəyi mbə̰ mbe bə̀ kə̀bə̀ gha bəd ndəŋ ne kirə ika ni nyi inga, mbe nyi.

Lk 2:37

Àna ya yaʼ iku-àyi anene wì si tituʼ ìghum ìfàmi chɔ̀b ikwè. Chəyi wì ya kweʼè dùwə̀ inga mbàn Ŋwiye. Ineg ijìm wì yaya chùghə njèg, chàʼrà Ŋwiye, bə̀ ghùmnə Ŋwiye tisi fɔrɔ tizimi.

Lk 7:12

Kwàʼ icheg ne wì yaya se nyḭ̀yḛ ichug ikam inga aben ze, wì ya bɔ̀mbì tì inɔ̰ bəd ne ya bèʼi awu wə̀d ghi dù. Awu wə̀d ze ya yaʼ ŋwan mbaŋà abə iku-àyi mɔ̀ʼɔ ne ya yaʼi məyi məd imɔʼ abə ngɔb məd. Inɔ̰ bəd inga aben ze yaya yḛ̀ abɔ̀ʼ awu wə̀d ze tì ngɔb məd.

Jn 1:47

Mbi ya nɔ̀ʼ ghò. Kwàʼ icheg ne Yeso ya bàri Nàtanìyè we yèʼe abɔ̀ʼ məd, wì ya ghà imbə̀ʼ aməd gha, “Aŋa ya kwàʼ wə̀d Izre tesiʼ. À ya wə̀d ne chəyi we fùbrə̀ inug.”

Ɨ̀fàʼì 6:1

Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

Ɨ̀fàʼì 9:39

Pità ya nɔ̀ʼ ghò abɔ̀ʼ inɔb. Anyumə̀ ne wì ya pe angu, mbi ya niŋ aməd kɔʼ ghò inga atog nəb ze ikaŋ. Məku àyi məjìm ya yaʼ itəmbi iban Pità. Mbi yaya dèghè mèʼè məchə, chwìye ndwi maʼi bə̀ chwìye ndwi ndəŋ ne Dòkas ya tangi nàʼ inɔb anyumə̀ ne wì yaya kiri izɔm.

Ɨ̀fàʼì 9:41

Pità ya nyimi abo ibo, wètì aməd gha wì təm titighe. Anyumə̀ ne wì ya ghì ane, wì ya kàrì bəd mbe ne ya bḛ Kristo bə̀ kàrì məku àyi mbe, chwi Tàbità inɔb izɔm.

1 Tèsàlonikà 2:6

Chəyi tì yaya kə̀bə̀ gha mbə̰ kə̀ bəd ndəŋ ya ghùmnə awa.

1 Timotì 5:2

Àghò ya ghìyə̀ inug tì mə̀yi mbe ne yaʼi bəd kyen ine icheg ni gha mbɔb ya ìmbe mbì ngɔb. Àghò ya bə̀ ghìyə̀ inug inga ìzḛzḛ tì bɔn àyi icheg ni gha mbɔb ya ìte njàbi.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

1 Pità 2:17

Mbə̀ ghumni bəd məjìm bə̀ kɔ̀ŋ ìmbən məfi fɔrɔ ìtən njàbi te ne bḛ Kristo. Mbə̀ bɔ Ŋwiye bə̀ ghùmni ifɔn kyen.

1 Pità 3:7

Mbaŋà, à ya bə̀ ane ne mbə̀ beri ni chughi ane ikuchèg ne koʼi tì ìmbən mə̀yi, ya nyìmbe fìŋ tì inɔb. Mbə̀ ya ghìyə̀ ane imbə̀ʼ icheg ne mbə̰ kyeri gha mbɔb bɔd chè awən. Mbə̀ ghumni awɔb imbə̀ʼ icheg ne mbɔb bə̀ bèrì ati abɔ̀ʼ inən ni jəg ìtḛ̀ we ne Ŋwiye ghi ìchɔ̀mì nàʼ. Mbə̀ ya ghìyə̀ ane ni gha imbə̀ʼ anug mɔ̀ʼɔ nɔ̀ʼ kən ìwən ichaʼri Ŋwiye.