1 Tèsàlonikà 4:3 - Ikan feg

³ Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu.

Meta’

³ Ənû ze nɨ Ŋwìə̀ kəbɨ yɨ ni mbə̀ chub ɨzeŋɨ zeŋɨ ɨmbə̀ʼ tɨ mbə̀ ni ə məyi kɨ̀ mbaŋə̀ əbəŋ əbəŋ.

1 Tèsàlonikà 4:3 ပူးပေါင်းရင်းမြစ်များ

Matìyò 12:50

Tesiʼ ya gha, wə̀d ne fàʼà inug icheg ne ìmə Mbaʼ ne yaʼi ikaŋ àbɔ̀ŋɔ kə̀bi, tengàŋ ya ìmə ifi tì ìmə njàbi fɔrɔ ìmə ngɔb.”

Matìyò 15:19

À ya ane imbə̀ʼ icheg ne tikɔndi tibɔ̀ŋ ya dùwə̀ inga fìŋ wə̀d. Tikɔndi tibɔ̀ŋ te ya inug icheg: anug ni zweti wə̀d, tì anug ni nɔ̀kì iweg wə̀d kə̀ nɔ̀kì inɔm wə̀d, tì anug ni nɔ̀kì àyi kə̀ nɔ̀kì mbaŋà abu abu, tì anug ni ji, tì anug ni bḛ anug ako igun wə̀d, fɔrɔ anug ni chìkì ikum wə̀d.

Matìyò 5:32

Anug ne mə ghà inən amad anìŋ ya gha, mbaŋà ne sàki inam tì ìwi iweg ne kayi anjìm anug ni gha àyi we nɔ̀kì tì mbaŋà ndəŋ, tengàŋ fə ghì gha iweg məd we si yaʼ àyi ne fànà. Mbaŋà ne nami àyi ne du inam fə bə̀ fànà.”

Matìyò 7:21

Yeso ya ghà ywìrì ghà inɔb gha, “Kayi wə̀d ijìm ne kàrà amə gha, ‹Anɔŋisəg! Anɔŋisəg!› biri nyi inga anug ìfɔ̀n ikaŋ. À ya məyi bəd mbe ne fàʼà inug mbe ne ìmə Mbaʼ ikaŋ àbɔ̀ŋɔ kə̀bi ne biri nyi inga anug ìfɔ̀n məd.

Mk 3:35

Wə̀d ne ghìyə̀ anug ze ne Ŋwiye kə̀bi ya ìmə ifi, tì ìmə njàbi bə̀ fɔrɔ ìmə ngɔb.”

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Jn 7:17

Wə̀d mɔ̀ʼɔ mə̀ nɔ̀ŋì ìzi fìŋ ni fàʼ anug ne Ŋwiye kə̀bi, tengàŋ biri kyeri gha, inug mbe ne mə chwìte kə̀ nɔʼ abə Ŋwiye kə̀ àkə ìmbum?

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Rm 1:29

Tiku inug tibɔ̀ŋ ijìm fə nyi zweg inga inɔb: inug tibɔ̀ŋ, àdeg, anug ni ghə̀ʼrì ighi bə kɔ̀ŋɔ̀ ni ghì inug tibɔ̀ŋ igun mə̀mbin; mbɔb fə zì atog ane anug ni ghì àdeg, anug ni zì fìŋ igun ighi bəd ndəŋ, anug ni zweti bəd, achɔb, anug ni tambi bəd fɔrɔ ane anug ni taŋ mənaŋ. Mbɔb mbe ghìyə̀ mənèghe;

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 7:2

Si ya gha, icheg ne mbaŋà nɔʼ nɔʼ te nɔ̀kɔ̀ mə̀yi abu abu, mə̀yi nɔʼ nɔʼ bə̀ nɔ̀kɔ̀ mbaŋà abu abu, ze bɔ̀ŋ gha mbaŋà beri ìwi iweg, àyi bə bèrì ìwi inɔm.

2 Kɔrèn 12:21

Mə we bɔ gha, anyumə̀ ne mə̀ ywirì yèʼe, Ŋwiye biri swi amə aseg inən imbìghè. Ŋwiye biri ghì mə dèg imbə̀ʼ bəd nɔʼ nɔʼ ne chəyi mbi kiri bəŋi fìŋ sìkì inug tibɔ̀ŋ. Chəyi mbi kiri bəŋi ìtɔb fìŋ chì ane àfànì tì anug ni nɔ̀kì mə̀yi kə̀ mbaŋà abu abu.

Gàlesìyà 5:19

Wə̀d ijìm kyèri yi inug mbe ne nyàmnyɔd ze ghə̀ʼrə̀. Inug mbe ya: anug ni nɔ̀kì mə̀yi kə̀ nɔ̀kì mbaŋà abu abu, anug ni ghì izṵ inug, anug ni səpi bəd zì inga àfànì,

Efesùs 5:17

Ane, imbə̀ʼ mbə̰ yaʼ awən icheg inen. Mbə̀ ziye atog ni kyeri anug ne Anɔŋisəg kə̀bi.

Efesùs 6:6

Imbə̀ʼ mbə̰ ghumni awən awɔb məyi anyumə̀ ne mbɔb mbe nḛ̀ awən, ni ghì gha mbɔb ya gyènde tì inən. Mbə̀ ya ghìyə̀ ane ane ìzən fìŋ ijìm icheg ìbòʼì abə Kristo ne ghìyə̀ inug ne Ŋwiye kɔ̀ŋi.

Kòlosè 1:9

À ya aton ne, nɔ̀ʼ ane aneg ne Epafràs ya mə̀ti inug ina imbə̀ʼ ìwən ibḛfiŋ igun Kristo, chəyi tì kweʼì chughi witì ya chàʼrà Ŋwiye inən. Tì ya chàʼrà Ŋwiye gha, Ŋwiye ghiyə mbə̀ taŋ kyèri ikuchèg məd, Azwighi Ŋwiye naʼa iwe inən bə̀ ghì ìmbən itog taŋ zen.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Tèsàlonikà 4:2

Mbə kyèri tikə te ne Anɔŋisəg Yeso ya nàʼi ika ina gha tì chwiti inən.

1 Tèsàlonikà 4:4

Wə̀d imɔʼ imɔʼ abɔ̀ʼ inən kyeri icheg ni nyimbi ìwi nyɔd ane icheg ne zḛ bə̀ kòʼ.

1 Tèsàlonikà 5:18

Mbə̀ ya nàʼà məyakà abə Ŋwiye ane inug ijìm mà nyumə̀ ijìm. Aŋa ya anug ne Ŋwiye kə̀bi inən icheg ne mbə̀ yaʼi ane ifɔti tì Yeso Kristo.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 10:36

Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Mə̀Hibrù 12:16

Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.

1 Jɔn 2:17

Isəg ijìm fɔrɔ ighi ijìm mbe ne bəd inga isəg kɔŋi ya chè yi che. Àsi wə̀d we ne fàʼà yaʼ anug ne Ŋwiye kə̀bi, tengàŋ biri jəg ìtḛ̀ ighə̀m imɔʼ.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.