1 Tèsàlonikà 1:3 - Ikan feg

³ Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

Meta’

³ Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

1 Tèsàlonikà 1:3 ပူးပေါင်းရင်းမြစ်များ

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 15:10

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Ɨ̀fàʼì 10:31

Wì ya təm inum imbìghè ghà inum gha, ‹Kònilìyùs! Ŋwiye fə zug àze àdìghì. Wì fə bə̀ bàd ighi mbe ne àghò we nàʼà abə bəd ne chəyi àzɔb.

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 15:4

Inug mbo̰ ijìm ne mbi ya ghum ŋwàʼrì inga Àŋwàʼrì Ŋwiye ya ne kə awa. Inug mbo̰ ya nə̀rə awa ghìyə̀ tì bere inyimbifiŋ bə̀ nɔ̀ŋɔ̀ ikɔndi ni ghɔ̀m inug mbe ne Ŋwiye ya kàʼi ina.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 16:6

Mbə̀ chaʼra Mèri. Məd ya taŋ zì atog ni fàʼ inən ane fìŋ ijìm.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

1 Kɔrèn 13:13

Inug mbo̰ itad fə təm ane ighə̀m imɔʼ. Inug mbe ya: anug ni nɔ̀ŋì ibḛfiŋ igun Kristo, tì anug ni nɔ̀ŋì ikɔndi se ghɔ̀mɔ̀ inug mbe ne tì zi fìŋ igun fɔrɔ anug ni kɔ̀ŋ bəd. Si ya gha, anug ni kɔ̀ŋ bəd beri ati chè mbin tì inug ijìm.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

Gàlesìyà 1:4

Anɔŋisəg Yeso Kristo ya fə nàʼ ìwi nyɔd ane aghi àfàtì imbə̀ʼ ìmba inug tibɔ̀ŋ. Wì ya ghì ane ni chì awa inga nyùmə̀ isəg inug tibɔ̀ŋ gho̰. Wì ya ghì ane icheg ne Ŋwiye ne yaʼi ìwa Mbaʼ kə̀bi.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

1 Tèsàlonikà 3:6

Timotì chere pè abɔ̀ʼ ina icheg ne wì nɔ̀ʼi abɔ̀ʼ inən. Wè ghà inug chɔm ina imbə̀ʼ ìwən ibḛfiŋ fɔrɔ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi. Wì bə̀ mə̀tì icheg ne mbə̰ mbe kɔ̀ndɔ awa bə̀ wènde ìmba inug chɔm. Wè mə̀ti icheg ne mbə̰ mbe kə̀bə̀ ni bàd awa icheg ne mba mbe bə̀ kə̀bə̀ ni bàd awən.

2 Tès 1:11

À ya aton ne te chàʼrà Ŋwiye mà nyumə̀ ijìm imbə̀ʼ awən gha ìwa Ŋwiye ghiyə mbə̀ ya chùghə ane ikuchèg ne wì ya kàri awən gha mbə̀ chughi. Tì we bə̀ chàʼrà Ŋwiye gha, wì ghiyə mbə̀ ya fàʼà inug chɔm mbe ne mbə̀ kə̀bi ni fàʼ, bə̀ mànì àfàʼì ze ne mbə̰ mbe fàʼà anjìm ìwən ibḛfiŋ.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

1 Timotì 1:14

Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.

1 Timotì 2:3

Aŋa ya anug ne bɔŋi bə̀ kòʼ abə Ŋwiye ne pùmnə bəd.

Mə̀Hibrù 10:36

Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi.

Mə̀Hibrù 11:17

Anyumə̀ ne Ŋwiye ya zweʼri Abràham, à ya ibḛfiŋ ya ghi Abràham chuʼri ìwi nyɔd ni nàʼ Azìg ane aghi àfàtì, ne ŋwan məd yaya məyi Azìg we imɔʼ.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Mə̀Hibrù 6:15

Abràham ya nyimi fìŋ ghɔ̀m anene bə̀ ghum bèrì aghi ze ne Ŋwiye ya kàʼi ibo.

1 Pità 3:4

Mbə̀ ghiyə ìzən ngwèn zì yaʼ anug ni nɔ̀ŋì ìtən fìŋ te zen bə̀ ya bɔ̀tɔ, bə̀ chùghi inyeʼ. Aŋa ya ikuchèg ne mbə̰ mə fə bèrì bə̀ nyìmi ze biri taŋ bɔ̀ŋ imbìghè abə Ŋwiye.

1 Jɔn 3:18

Ìmbum məfi ne mə̀ taŋ kɔ̀ŋ, imbə̀ʼ tì kɔŋɔ awa bəd məyi ane ìngam ichug. Tì ya chwìye gha tè kɔ̀ŋ bəd ane ìta tìghinùg fɔrɔ ane icheg ne te ghà tesiʼ.

1 Jɔn 3:21

Ìmbum mə̀sə̀ʼ ne mə̀ taŋ kɔ̀ŋ, àmə chəyi ìta fìŋ te sàʼa awa inga, tì kyeri gha tì we tì tì təm imbìghè abə Ŋwiye ne chəyi te bìnde.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

1 Jɔn 5:3

Ni kɔ̀ŋ Ŋwiye ya ni nɔ̀ŋì tikə məd. Chəyi tikə məd ka ina ni nɔ̀ŋì.

Ɨnû 2:19

Mə kyèri inug mbe ne àghò we ghìyə̀. Mə kyèri icheg ne àghò kɔ̀ŋi ìmbe məfi fɔrɔ ìte njàbi bə̀ kyèri gha àghò fə nɔ̀ŋì ìze fìŋ igun inum. Mə bə̀ kyèri gha àghò we fàʼà bə̀ nyìʼè inug aton ngəʼ. Ìfàʼì mbe ne àghò si nwḭ̀yḛ̀ fàʼ, mbe chè mbi mbègtog.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.